ନୂଆଦିଲ୍ଲୀ: ଟିମ ଇଣ୍ଡିଆର ସୁପରଷ୍ଟାର ଇଶାନ କିଶାନଙ୍କୁ ମ୍ୟାଚ ମଝିରେ ଏକ ବଡ ଦୁଃଖଦ ଖବର ଶୁଣାଇଛନ୍ତି ତାଙ୍କ ପ୍ରଶଂସକ । ନିକଟରେ ବାଂଲାଦେଶ ବିପକ୍ଷରେ ଦ୍ୱିଶତକ ଅର୍ଜନ କରିବା ପରେ ସେ ଏବେ ରଣଜୀ ମ୍ୟାଚ ଖେଳୁଛନ୍ତି । ତେବେ ମ୍ୟାଚ ଖେଳୁଥିବା ସମୟରେ ଇଶାନ କିଶାନଙ୍କୁ ଜଣେ ପ୍ରଶଂସକ ଏକବଡ ଖବର ଶୁଣାଇଛନ୍ତି । ଯାହାକୁ ଶୁଣି ଇଶାନ ଏକଦମ ଆଶ୍ଚର୍ଯ୍ୟ ଯାଇଥିବାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି ।
ସୂଚନା ଅନୁସାରେ, ରଣଜୀ ମ୍ୟାଚ ମଝିରେ ଡ୍ରିଙ୍କସ ସମୟରେ ଇଶାନ କିଶାନ ଫ୍ୟାନ୍ସମାନଙ୍କ ସହ ସେଲଫି ନେବାକୁ ଆସିଥିଲେ । ଏହି ସମୟରେ ତାଙ୍କୁ ଋଷଭ ପନ୍ତଙ୍କ କାର ଦୁର୍ଘଟଣା ବିଷୟରେ କହିଥିଲେ ଜଣେ ପ୍ରଶଂସକ । ଯାହାକୁ ଶୁଣି ଇଶାନ କିଶାନ ଆଶ୍ଚର୍ଯ୍ୟ ହୋଇଯାଇଛନ୍ତି । ଏହି ସମୟର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଇଶାନ କିଶାନ ମ୍ୟାଚରେ ବ୍ୟସ୍ତ ଥିବାରୁ ଋଷଭ ପନ୍ତଙ୍କ ଦୁର୍ଘଟଣା ବିଷୟରେ ଜାଣିପାରିନଥିଲେ । ପ୍ରଥମ କରି ଫ୍ୟାନ ତାଙ୍କୁ ଏ ବିଷୟରେ ଅବଗତ କରାଇଥିଲେ ।
ସେପଟେ ଋଷଭ ପନ୍ତଙ୍କ ସ୍ୱାସ୍ଥ୍ୟାବସ୍ଥା ନେଇ ପ୍ରତ୍ୟେକ ସମୟରେ ଅପଡେଟ ମିଳୁଛି । ତାଙ୍କ ସ୍ୱାସ୍ଥବସ୍ଥା ଏବେ ସ୍ତିର ଥିବା ବେଳେ ଆଇସିୟୁରୁ ବାହାରି ସେ ଏବେ ପ୍ରାଇଭେଟ ୱାର୍ଡରେ ଭର୍ତ୍ତି ହୋଇଛନ୍ତି । ତେବେ ଡାକ୍ତରଙ୍କ କହିବା ଅନୁସାରେ ଅତି କମରେ ୬ ମାସ ପର୍ଯ୍ୟନ୍ତ ଋଷଭ ଏବେ କ୍ରିକେଟ ଖେଳିବା ସମ୍ଭବ ନୁହେଁ । ଘରକୁ ଫେରୁଥିବା ବେଳେ ବାଟରେ ଏକ ଡିଭାଇଡରକୁ ଧକ୍କା ଦେଇଥିଲା ଋଷଭଙ୍କ କାର । ବହୁ କଷ୍ଟରେ ଋଷଭ ଗାଡିରୁ ବାହାରିବା ପରେ ୨ ଜଣ ତାଙ୍କୁ ଡାକ୍ତରଖାନାକୁ ନେଇ ଜୀବନ ବଞ୍ଚାଇଥିଲେ ।
