ଘରେ ବିସ୍ଫୋରଣ ଘଟି ଜଣେ ମୃତ

କେରଳ: କେରଳର କନ୍ନୁର ଜିଲ୍ଲାରେ ଏକ ବଡ଼ ବିସ୍ଫୋରଣ ଘଟିଛି। ଏହି ବିସ୍ଫୋରଣରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ସୁଚନା ଅନୁସାରେ, ଶୁକ୍ରବାର ବିଳମ୍ବିତ ରାତିରେ କନ୍ନୁର ଜିଲ୍ଲା କନ୍ନୁରପୁରମର କିଝରାରେ ଏକ ଭଡା ଘରେ ଏକ ବଡ଼ ବିସ୍ଫୋରଣ ହୋଇଥିଲା। ବିସ୍ଫୋରଣରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିଲା। କନ୍ନୁର ପୋଲିସର ସୂଚନା ଅନୁଯାୟୀ, ମୃତକଙ୍କ ମୃତଦେହ କ୍ଷତବିକ୍ଷତ ଅବସ୍ଥାରେ ମିଳିଥିବାରୁ ଏପର୍ଯ୍ୟନ୍ତ ତାଙ୍କର ପରିଚୟ ମିଳିନାହିଁ। ଘରଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି। ସ୍ଥାନୀୟ ବାସିନ୍ଦାଙ୍କ ସୂଚନା ଅନୁଯାୟୀ, ରାତି ୨ଟାରେ ବିସ୍ଫୋରଣ ଘଟିଥିଲା। ପୋଲିସ ଏବଂ ଅଗ୍ନିଶମ ବାହିନୀର କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ପୋଲିସ ଏହି ବିସ୍ଫୋରଣର କାରଣ ତଦନ୍ତ କରୁଛି। ପୋଲିସ ଦଳ ଘରର ଭଗ୍ନାବଶେଷ ତଳେ ଆଉ କିଛି ଲୋକ ଚାପି ହୋଇ ରହିଛନ୍ତି କି ନାହିଁ ତାହା ମଧ୍ୟ ଖୋଜୁଛି। ଉକ୍ତ ଘରଟି ଗୋବିନ୍ଦନ ନାମକ ଜଣେ ବ୍ୟକ୍ତିଙ୍କର ଥିଲା, ଯିଏ ଅନୁପ ନାମକ ଜଣେ ବ୍ୟକ୍ତିଙ୍କୁ ଏହି ଘରଟି ଭଡା ଦେଇଥିଲେ। ତଥାପି, ମୃତକ କିଏ ତାହା ନିଶ୍ଚିତ ହୋଇନାହିଁ। ସ୍ଥାନୀୟ ଲୋକଙ୍କ କହିବା ଅନୁଯାୟୀ ଏହି ଘରେ ବାଣ ତିଆରି ହେଉଥିଲା ବିସ୍ଫୋରଣର କାରଣ ଖୋଜିବାକୁ ପୋଲିସ ତଦନ୍ତ ଜାରି ରଖିଛି।