ଶାଶୂ ହେବ ତ’ ଏମିତି : ପୁଅର ମୃତ୍ୟୁ ପରେ ବୋହୂକୁ ବନାଇଲେ ଅଧ୍ୟାପିକା, କରାଇଲେ ଦ୍ୱିତୀୟ ବିବାହ

ନୂଆଦିଲ୍ଲୀ : ରାଜସ୍ଥାନର ଫତେହପୁର ଶେଖୱାଟୀରେ ଜଣେ ସରକାରୀ ଶିକ୍ଷୟିତ୍ରୀ ତାଙ୍କ ବିଧବା ବୋହୂକୁ ପୁନର୍ବାର ବିବାହ କରି ସମାଜ ପାଇଁ ଏକ ଉଦାହରଣ ସାଜିଛନ୍ତି । ଶାଶୂ ବୋହୂକୁ ନିଜର ଝିଅ ପରି ଯତ୍ନ ନେଉଥିଲେ । ବାସ୍ତବରେ ଶିକ୍ଷୟିତ୍ରୀ କମଳା ଦେବୀଙ୍କ ସାନପୁଅ ଶୁଭମ୍ ୨୫ ମେ’ ୨୦୧୬ ରେ ବିବାହ କରିଥିଲେ । ବିବାହ ପରେ ଶୁଭମ୍ ଏମ୍‌ବିବିଏସ୍ ଅଧ୍ୟୟନ ପାଇଁ କାର୍ଗିଜସ୍ଥାନ ଯାଇଥିଲେ । ସେଠାରେ ସେ ନଭେମ୍ବର ୨୦୧୬ ରେ ମସ୍ତିଷ୍କ ଆଘାତରେ ମୃତ୍ୟୁ ବରଣ କରିଥିଲେ । ଏହା ପରେ ଦୁଃଖରେ ଭାଙ୍ଗିପଡିଥିବା ବୋହୂକୁ ଶାଶୂ ଉତ୍ସାହିତ କରି ତାଙ୍କୁ ପାଠ ପଢ଼ିବାକୁ ପ୍ରେରଣା ଦେଇଥିଲେ । ଶାଶୂଙ୍କ କଥା ମାନି ବୋହୂ ପାଠ ପଢି ଗ୍ରେଡ -୧ ଅଧ୍ୟାପକ ହୋଇଥିଲେ । ୫ ବର୍ଷ ପରେ ଶାଶୂ ତାଙ୍କ ବୋହୂଙ୍କୁ ନିଜ ଝିଅ ପରି ଧୁମଧାମରେ ଦ୍ୱିତୀୟ ବିବାହ କରାଇଲେ । କମଳା ଦେବୀଙ୍କ ବୋହୂର ନାମ ହେଉଛି ସୁନୀତା, ଯିଏ ମୁକେଶ ନାମକ ଜଣେ ଯୁବକଙ୍କୁ ବିବାହ କରିଛନ୍ତି । ଅନ୍ୟପଟେ କମଳା ଦେବୀ କହିଥିଲେ ଯେ ତାଙ୍କ ପୁଅ ଶୁଭମ୍ ଏବଂ ସୁନୀତା ଗୋଟେ କାର୍ଯ୍ୟକ୍ରମରେ ପରସ୍ପରକୁ ଭେଟିଥିଲେ । ଯେତେବେଳେ ଶୁଭମ୍ ଘରେ ଏହା କହିଥିଲେ, ସେ ବିବାହ ପାଇଁ ସୁନୀତାଙ୍କ ପରିବାର ସଦସ୍ୟଙ୍କ ସହ କଥା ହୋଇଥିଲେ । ବିବାହ ସମୟରେ ସୁନୀତାଙ୍କ ପରିବାରର ଆର୍ôଥକ ଅବସ୍ଥା ଖରାପ ଥିଲା । ସେ ସୁନୀତାଙ୍କୁ ବିନା ଯୌତୁକରେ ନିଜ ଘରକୁ ବୋହୂ କରି ଆଣିଥିଲେ । କିନ୍ତୁ ବିଧିର ବିଧାନ କିଛି ଅଲଗା ଥିଲା । ବିବାହର କିଛି ମାସ ପରେ ଶୁଭମଙ୍କର ମୃତ୍ୟୁ ହୋଇଥିଲା । ସେ କହିଥିଲେ, ସୁନୀତା ପ୍ରଥମେ ତାଙ୍କ ପିତାମାତାଙ୍କ ଘରେ ଜନ୍ମ ନେଇ ଖୁସିରେ ତାଙ୍କ ଘରକୁ ଖୁସିର ଲହରୀରେ ଭରିଦେଇଥିଲେ । ପରେ ବିବାହ କରି ସେ ଆମ ଘରେ ଝିଅ ଭଳି ରହୁଥିଲା । କିନ୍ତୁ ବର୍ତ୍ତମାନ ସେ ମୁକେଶଙ୍କୁ ବିବାହ କରି ସେ ନିଜ ଘରକୁ ମଧ୍ୟ ଖୁସିରେ ଭରିଦେଇଛନ୍ତି । କମଳା ଦେବୀଙ୍କ ବଡ ପୁଅ ରଜତ ବାଙ୍ଗଡୱା କହିଛନ୍ତି ଯେ ସାନଭାଇ ଶୁଭମଙ୍କ ମୃତ୍ୟୁ ପରେ ମା’ ସୁନୀତାଙ୍କୁ ଅଧିକ ଭଲ ପାଉଥିଲେ । ଏହାର ପ୍ରତିବଦଳରେ ସୁନୀତା ମଧ୍ୟ ତାଙ୍କ ମା’ଙ୍କ କଥା ମାନିଥିଲେ । ଶୁଭମଙ୍କ ମୃତ୍ୟୁ ପରେ ମା’ ସୁନୀତାଙ୍କୁ ଏମ୍‌ଏ, ବିଇଡି ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେବାକୁ କହିଥିଲେ । ଗତ ବର୍ଷ ସୁନୀତା ଇତିହାସରେ ଅଧ୍ୟାପକ ପଦ ପାଇଁ ମନୋନୀତ ହୋଇଥିଲେ । ଏଥିସହିତ ସୁନୀତା କହିଛନ୍ତି ଯେ ସ୍ୱାମୀଙ୍କ ମୃତ୍ୟୁ ପରେ ଶାଶୂ ତାଙ୍କୁ ଝିଅ ପରି ପ୍ରେମ ଦେଇଛନ୍ତି । ମୁକେଶଙ୍କୁ ବିବାହ କରି ସେ ନୂଆ ଜୀବନ ଆରମ୍ଭ କରିଛନ୍ତି ବୋଲି ସେ କହିଛନ୍ତି । ସୁନୀତାଙ୍କ ସ୍ୱାମୀ ମୁକେଶ ବର୍ତ୍ତମାନ ଭୋପାଳରେ ସିଏଜି ଅଡିଟର ଭାବରେ କାର୍ଯ୍ୟ କରୁଛନ୍ତି । ମୁକେଶଙ୍କ ପରିବାର ସିକରର ଚାନ୍ଦପୁରା ଗ୍ରାମରେ ରହୁଥିବା ପିତାମାତା ଏବଂ ଭାଇମାନଙ୍କୁ ନେଇ ଗଠିତ । ମୁକେଶଙ୍କର ପ୍ରଥମ ବିବାହ ଏକ ସଡ଼କ ଦୁର୍ଘଟଣାରେ ମୃତ୍ୟୁବରଣ କରିଥିବା ପିପ୍ରାଲି ଗାଁର ବାସିନ୍ଦା ସୁମନ ବାଗଦିଆଙ୍କ ସହିତ ହୋଇଥିଲା । ସୁମନ ରାଜସ୍ଥାନ ପୋଲିସର ଜଣେ ଏଏସଆଇ ଥିଲେ ।