କଟକରୁ ନକଲି ଚା’ ପତି ଠାବ

କଟକ : କଟକରେ ଦିନକୁ ଦିନ ନକଲି ଖାଦ୍ୟର ବ୍ୟବସାୟ ବଢି ବଢି ଚାଲିଛି । ପନୀର ,ଘିଅ, ମସଲା ପରେ ଏବେ ନକଲି ଚା’ ପତି ଫ୍ୟାକ୍ଟ୍ରୀ ଠାବ ହୋଇଛି । କଟକ ସଦର ଥାନା ଅନ୍ତର୍ଗତ ମୁକାମେଶ୍ୱର ଗ୍ରାମରେ ନକଲି ଚା’ପତିର ଫ୍ୟାକ୍ଟ୍ରୀ ଠାବ କରାଯାଇଛି । ଫ୍ୟାକ୍ଟ୍ରୀରୁ ବିପୁଳ ପରିମାଣରେ ନକଲି ଚା’ ପତି ସହିତ ବିଭିନ୍ନ ବ୍ରାଣ୍ଡର ଷ୍ଟିକର, ଚା’ପତି ତିଆରି ହେଉଥିବା ମେସିନ, ର ମ୍ୟାଟେରିଆଲ୍ସ ଆଦି ଜବତ କରିଛି କଟକ ସଦର ଥାନା ପୋଲିସ । ଘଟଣାରେ ଜଣଙ୍କୁ ଅଟକ ରଖି ପଚାରାଉଚାରା କରୁଛି ପୋଲିସ । ସୂଚନାରୁ ପ୍ରକାଶଯେ ନକଲି କାରବାର ପାଇଁ ଭଲ ଭଲ ବ୍ର‌୍ୟାଣ୍ଡର ଚା’ପତିର ଲୋଗୋ ଲଗାଯାଇ ଅପମିଶ୍ରଣ ପରେ ବଜାରକୁ ଛଡ଼ା ଯାଉଥିଲା ।