ଜିଲ୍ଲା ସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ଓ ସମ୍ବର୍ଦ୍ଧନା ସଭା

ଯାଜପୁର : ଯାଜପୁର ବ୍ଲକ ଚଇନପୁରସ୍ଥିତ ସୁଦର୍ଶନ ପାଢୀ ଉଚ୍ଚ ବିଦ୍ୟାଳୟରେ ଜିଲ୍ଲା ଶିକ୍ଷା ବିଭାଗ ତରଫରୁ ଜିଲ୍ଲା ସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ଯାଜପୁର ଜିଲ୍ଲାପାଳ ଡାଃ ଶୁଭଂକର ମହାପାତ୍ର ଯୋଗ ଦେଇ କାର୍ଯ୍ୟକ୍ରମ କୁ ଉଦ୍ଘାଟନ କରିଥିଲେ। ଜିଲା ଶିକ୍ଷାଧିକାରିଣୀ ନିବେଦିତା ପାଣିଙ୍କ ସଭାପତିତ୍ଵରେ ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଲ ନବକୃଷ୍ଣ ଜେନା ଯୋଗ ଦେଇ ସରକାରଙ୍କର ଦ୍ଵାରା କରାଯାଇଥିବା ଅଭିନବ ପ୍ରୟାସ ଯାହାକି ଭାରତରେ ଅଦ୍ଵିତୀୟ ବୋଲି ମତବ୍ୟକ୍ତ କରିଥିଲେ । ଏହି ଉତ୍ସବରେ ଜିଲ୍ଲା ର ମେଧାବୀ ଛାତ୍ର ଛାତ୍ରୀଙ୍କ ମଧ୍ୟରେ ଜିଲ୍ଲା ସ୍ତରରେ ୧୫୮, ମଣ୍ଡଳ ସ୍ତରରେ ୧୦୧୦, ନେତୃତ୍ୟ ବିକାଶ ଅନ୍ଵେଷଣ ପ୍ରତିଭାରେ ୮୧୮ ଜଣ, ମାଧ୍ଯମିକ ପ୍ରଧାନ ଶିକ୍ଷକ ୩୦, ପ୍ରାଥମିକ ପ୍ରଧାନଶିକ୍ଷକ ୩୦, ପ୍ରାଥମିକ ଶିକ୍ଷକ ୧୦, ପ୍ରଧାନ ଶିକ୍ଷକ, ମାଧ୍ୟମିକ ୧୦, ପ୍ରଧାନ ଶିକ୍ଷକ ୧୦, ପ୍ରାଥମିକ ୧୦, ଆଲୁମିନି ୧୦, ବିଦ୍ୟାଳୟ ପରିଚାଳନା କମିଟି ୧୦, ଗ୍ରାମ ପଞ୍ଚାଯତ ୧୦, ଏହି ପରି ମୋଟ ୨୦୯୬ ଜଣଙ୍କୁ ଉପସ୍ଥିତ ଅତିଥି ମାନେ ସମ୍ବର୍ଦ୍ଧିତ କରିଥିଲେ ।