ନୂଆଦିଲ୍ଲୀ : ଟିଏମସିର ପୁର୍ବ ରାଜ୍ୟସଭା ସାଂସଦ ଦିନେଶ ତ୍ରିବେଦୀ ଆଜି ବିଜେପିରେ ସାମିଲ ହୋଇଛନ୍ତି । ବିଜେପି ଅଧ୍ୟକ୍ଷ ଜେ.ପି.ନଡ୍ଡା , ଦିନେଶ ତ୍ରବେଦୀଙ୍କୁ ଦଳର ମେମ୍ବରସିପ ଦେଇଥିଲେ । ଦିନ ୧୨ ଟା ବେଳେ ବିଜେପିର ପ୍ରେସ ମିଟ କରାଯାଇ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଜେ.ପି ନଡ୍ଡା କହିଥିଲେ ଯେ,ଦିନେଶ ତ୍ରିବେଦୀ ପଶ୍ଚିମବଙ୍ଗର ସେବା କରିବେ ଓ ନିର୍ବାଚନରେ ମୁଖ୍ୟ ଭୂମିକା ଗ୍ରହଣ କରିବେ ।
ଏହାସହ ଦିନେଶ ତ୍ରିବେଦୀ କହିଛନ୍ତି ଯେ, ଦେଶ ଓ ଜନତା ସର୍ବୋପରି । ସମସ୍ତଙ୍କୁ ଏହା ବିଶ୍ୱାସ ଅଛିଯେ, ପ୍ରଧାନମନ୍ତ୍ରୀ ମୋଦୀଙ୍କ ହାତରେ ଦେଶ ସୁରକ୍ଷିତ ଅଛି । ଏହାକହି ସେ ଧନ୍ୟବାଦ ଅର୍ପଣ କରିଥିଲ ।
ସୂଚନାଯୋଗ୍ୟଯେ, ଏହି କିଛି ଦିନ ତଳେ ଦିନେଶ ତ୍ରିବେଦୀ ରାଜ୍ୟସଭା ସଦସ୍ୟତାରୁ ଇସ୍ତଫା ଦେଇଥିଲେ ।
ରାଜ୍ୟସଭାରେ ବଜେଟ ସଦନ ଚାଲିଥିବା ସମୟରେ ସେ ନିଜ ପଦରୁ ଇସ୍ତଫା ଦେଇଥିଲେ । ସେ କହିଥିଲେ ଯେ, ସେ ଲୋକଙ୍କ ପାଇଁ କିଛି କରିପାରୁନାହାନ୍ତି, ତେଣୁ ସେ ନିଜ ପଦ ଛାଡୁଛନ୍ତି ।
ମମତା ବାନାର୍ଜୀଙ୍କ ପାଖ ନେତା ଓ ଟିଏମସିର ଜଣେ ଆଗ ଧାଡିର ନେତା ଦିନେଶ ତ୍ରିବେଦୀ ମନମୋହନ ସରକାରଙ୍କ ସମୟରେ ରେଳ ମନ୍ତ୍ରୀ ଥିଲେ । ଦଳରେ ତାଙ୍କୁ ଠିକସେ କାର୍ଯ୍ୟ କରିବାକୁ ଦିଆଯାଉନାହିଁ ସେଥିପାଇଁ ଦଳରେ ସେ ରହିବାକୁ ଚାହୁଁନାହାନ୍ତି କହିଥିଲେ ।
ଦୀନେଶ ତ୍ରିବେଦୀ (ଜନ୍ମ 4 ଜୁନ୍ 1950) ଜଣେ ଭାରତୀୟ ରାଜନେତା। ସେ ପଶ୍ଚିମବଙ୍ଗରୁ ରାଜ୍ୟସଭାରେ ସଂସଦର ସଦସ୍ୟ ଥିଲେ ଏବଂ ପଶ୍ଚିମବଙ୍ଗର ବାରାକପୁର ନିର୍ବାଚନମଣ୍ଡଳୀରୁ ପ୍ରତିନିଧିତ୍ୱ କରୁଥିବା ଲୋକସଭା (2009 ରୁ 2019) ର ପୂର୍ବତନ ସାଂସଦ ଥିଲେ। ଏହାପୂର୍ବରୁ ସେ ଦୁଇଟି ପୃଥକ ପଦବୀ ପାଇଁ (1990-1996, 2002 ରୁ 2008) ରାଜ୍ୟସଭା ସଦସ୍ୟ ଥିଲେ। ସେ ହେଉଛନ୍ତି ପୂର୍ବତନ ରେଳ ମନ୍ତ୍ରୀ ତଥା ମନମୋହନ ସିଂଙ୍କ କ୍ୟାବିନେଟ ଅନ୍ତର୍ଗତ ପୂର୍ବତନ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ।
ତ୍ରିବେଦୀ 2016-2017 ଅବଧି ପାଇଁ ଉଲ୍ଲେଖନୀୟ ସଂସଦୀୟ ପୁରସ୍କାର ପାଇଥିଲେ ଏବଂ ସଂସଦର କେନ୍ଦ୍ରୀୟ ହଲରେ ଏକ କାର୍ଯ୍ୟକ୍ରମରେ ତାଙ୍କୁ ସମ୍ମାନିତ କରାଯାଇଥିଲା। ସେ ଇଣ୍ଡୋ-ୟୁରୋପୀୟ ୟୁନିଅନ୍ ସଂସଦୀୟ ଫୋରମ୍ (IEUPF) ଏବଂ ଅନ୍ୟାନ୍ୟ ସଂସଦୀୟ ଫୋରମର ଚେୟାରମ୍ୟାନ୍ ମଧ୍ୟ ଅଟନ୍ତି।
12 ଫେବୃଆରୀ 2021 ରେ ତ୍ରିବେଦୀ ତୃଣମୂଳ କଂଗ୍ରେସରୁ ଇସ୍ତଫା ଦେଇଥିଲେ ଏବଂ ତାଙ୍କ ରାଜ୍ୟସଭା ଆସନ ଛାଡିବାକୁ ମଧ୍ୟ ନିଷ୍ପତ୍ତି ନେଇଥିଲେ। ସେ 6 ମାର୍ଚ୍ଚ 2021 ରେ ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ ।
