ନାରୀ ସଚେତନ ହେଲେ ସମାଜରୁ କୁସଂସ୍କାର ହଟିବ

ଢେଙ୍କାନାଳ : ଭୁବନ ମହିଳା ସଂଗଠନ ତରଫରୁ ବିଶ୍ୱ ମହିଳା ଦିବସ ପାଳିତି ହୋଇଯାଇଛି । ଏହି ଅଂଚଳର ସମସ୍ତ ମହିଳା ସ୍ୱଚ୍ଛାସେବି ସଂଗଠନର ସଦସ୍ୟମାନଙ୍କୁ ନେଇ ଏକ ସଚେତନ ରାଲି କରାଯାଇଥିଲା । ଏନ୍‌ଏସିର ବିଜେଡି ସଭାପତି ଶ୍ରୀ ନନ୍ଦ କିଶୋର ସାହୁଙ୍କ ନେତୃତ୍ୱରେ ଭୁବନ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବ୍ଲକ ଅଧ୍ୟକ୍ଷ ଧର୍ମାନନ୍ଦ ବରାଳ ମୁଖ୍ୟ ଅତିଥି ଭାବେ ଯୋଗଦାନ କରି ମହିଳାମାନେ ସଚେତନ ହେଲେ କୁସଂସ୍କାର ହଟିବା ନେଇ ବାର୍ତା ରଖିଥିଲେ । ଏହି ବୈଠକରେ ବିଜେଡି ସଭାପତି ରମେଶ ସାହୁ, ଜିଲ୍ଲା ପରିଷଦ ସଦସ୍ୟ ପ୍ରବୋଧ ଦାସ, ନାରୀନେତ୍ରୀ ସନ୍ଧ୍ୟାରାଣୀ ନାୟକ ପ୍ରମୁଖ ଉପସ୍ଥିତ ଥିଲେ । ଭୁବନ ମହିଳା କଲେଜର ଅଧ୍ୟାପିକା ଶ୍ରୀମତି ନମିତା ଦାସ, ମମତା ପାତ୍ର, ଅଧ୍ୟାପକ ପ୍ରଶାନ୍ତ ରାଉତରାୟ ଅତିଥି ଭାବେ ଯୋଗଦାନ କରିଥିଲେ ।