ମୁମ୍ବାଇ: ବଲିଉଡର ଆକ୍ସନ ଡାଇରେକ୍ଟର ରୋହିତ ଶେଟ୍ଟୀଙ୍କ କପ୍ ୟୁନିଭର୍ସରେ ଏଣ୍ଟ୍ରି କରିବାକୁ ଯାଉଛନ୍ତି ଦୀପିକା ପାଦୁକୋନ୍ । ବାଜିରାଓ ମସ୍ତାନୀ ଏବଂ ପଦ୍ମାବତ୍ ଭଳି ଚଳଚ୍ଚିତ୍ରରେ ରାଣୀ ଚରିତ୍ରରେ ସେ ସମସ୍ତଙ୍କ ମନ ଜିଣି ସାରିଥିବା ବେଳେ ଏବେ ହାତକୁ ଆସିଛି ଲେଡି ସିଂଘମ ରୋଲ । ରୋହିତଙ୍କ ଆଗାମୀ ପ୍ରୋଜେକ୍ଟ ‘ସିଂଘମ ଏଗେନ’ରେ ସୁଯୋଗ ପାଇଛନ୍ତି ଦୀପିକା ।
ରୋହିତଙ୍କ କପ୍ ୟୁନିଭର୍ସର ସୁପରହିଟ ସିନେମା ‘ସିଂଘମ’ ଏବଂ ‘ସିଂଘମ ରିଟର୍ଣ୍ଣସ’ ପରେ ଏବେ ଖୁବଶୀଘ୍ର ପରଦାକୁ ଆସୁଛି ‘ସିଂଘମ ଏଗେନ’ । ଏଥିରେ ଦୀପିକାଙ୍କୁ ଲେଡି ସିଂଘମ ରୂପରେ ଦେକିବାକୁ ପାଇବେ ଦର୍ଶକ । ତେବେ ଅଜୟ ଦେବଗନ୍ ପୂର୍ବ ପରି ବାଜିରାଓ ସିଂଘମ ଚରିତ୍ରରେ ନଜର ଆସିବେ । ସେପଟେ ପ୍ରଥମ ଥର ପାଇଁ ରୋହିତଙ୍କ ଏହି ସରିଜରେ ଜଣେ ମହିଳା ପୋଲିସ ଅଫିସର ନଜର ଆସିବେ । ଏହାସହିତ ଅଜୟ ଦେବଗନ ଏବଂ ଦୀପିକା ପାଦୁକୋନ ପ୍ରଥମ ଥର ପାଇଁ ସ୍କ୍ରିନ ସେୟାର କରିବାକୁ ଯାଉଛନ୍ତି । ଏବେ ଦୀପିକାଙ୍କୁ ଲେଡି ସିଂଘମ ଅବତାରରେ ଦେକିବା ପାଇଁ ଫ୍ୟାନ୍ସମାନଙ୍କ ମଧ୍ୟରେ ଖୁବ ଉତ୍ସାହ ଭରି ଯାଇଛି ।
‘ସିଂଘମ ଏଗେନ’ ବ୍ୟତୀତ ରୋହିତ ଶେଟ୍ଟୀ ତାଙ୍କ କପ୍ ୟୁନିଭର୍ସ ସହିତ ଓଟିଟି ମଧ୍ୟ ଯାଉଛନ୍ତି । କିଛି ଦିନ ତଳେ ରୋହିତ ନିଜର ଆଉ ଏକ ସରିଜ ‘ଇଣ୍ଡିଆନ୍ ପୋଲିସ ଫୋର୍ସ’କୁ ନେଇ ମଧ୍ୟ ଘୋଷଣା କରିଛନ୍ତି । ତେବେ ଏହି ସିରିଜରେ ଶିଳ୍ପା ଶେଟଟୀ ଜଣେ ପୋଲିସ ଅଫିସର ଭୂମିକାରେ ନଜର ଆସିବେ । ତାଙ୍କ ସହ ସିଦ୍ଧାର୍ଥ ମଲହୋତ୍ରା ଏବଂ ବିବେକ ଓବ୍ରୟ ସିନେମାରେ ସୁଯୋଗ ପାଇଛନ୍ତି । ଏହି ସିରିଜ ଆମାଜନ ପ୍ରାଇମରେ ମଧ୍ୟ ରିଲିଜ ହେବ ବୋଲି ସୂଚନା ମିଳିଛି ।
