ବେଦାନ୍ତ ପ୍ରସଙ୍ଗରେ ସରକାରଙ୍କୁ ନରସିଂହ ମିଶ୍ରଙ୍କ ଭର୍ସନା ଓ ବିଧାନସଭାରେ ଧାରଣା, ଗୃହ ୩୦ ମିନିଟ୍ ମୁଲତବୀ

ଭୁବନେଶ୍ୱର: ବିଧାନସଭାରେ ବେଦାନ୍ତ ଜମି ତାତି । ୩୦ ମିନିଟ୍ ଯାଏଁ ଗୃହ ମୁଲତବି । ପ୍ରଶ୍ନକାଳ ସ୍ୱାଭାବିକ ଭାବେ ଚାଲିବା ପରେ ଶୂନ୍ୟକାଳରେ ଉଠିଛି ବେଦାନ୍ତ ଜମି ହସ୍ତାନ୍ତର ପ୍ରସଙ୍ଗ । ବେଦାନ୍ତ ନେଇଥିବା ଜମି ରାଜ୍ୟ ସରକାର ତୁରନ୍ତ ଫେରାଇ ଆଣନ୍ତୁ ବୋଲି ଦାବି କଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ବେଦାନ୍ତ ନେଇଥିବା ଜମିକୁ ଫେରସ୍ତ ପାଇଁ ସୁପ୍ରିମକୋର୍ଟ ରାୟ ଦେଇଥିଲେ । କିନ୍ତୁ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ସରକାର କାହିଁକି ପାଳନ କରୁନାହାନ୍ତି ବୋଲି ପ୍ରଶ୍ନ କରିଥିଲେ ନରସିଂହ । ଏପରିକି ସୁପ୍ରିମକୋର୍ଟଙ୍କ ରାୟ ପାଳନ କରିବାକୁ ସରକାରଙ୍କୁ ନିର୍ଦ୍ଦେଶ ଦେବାକୁ ମଧ୍ୟ ଦାବି କରିଥିଲେ ନରସିଂହ । ବାଚସ୍ପତି ନିର୍ଦ୍ଦେଶ ନ ଦେବା ଯାଏଁ ଗୃହର ମଧ୍ୟଭାଗରେ ଧାରଣାରେ ବସି ରହିବାକୁ କହିଥିଲେ ନରସିଂହ ।