ଚେନ୍ନାଇ: ତାମିଲନାଡୁ ସରକାରଙ୍କୁ ଝଟ୍କା। ରାମ ମନ୍ଦିର ଉଦ୍ଘାଟନର ସିଧା ପ୍ରସାରଣ ପାଇଁ ଅନୁମତି ବନ୍ଦ କରାଯାଇପାରିବ ନାହିଁ। ତାମିଲନାଡୁ ସରକାରଙ୍କୁ ଏହା କହିଛନ୍ତି ସର୍ବୋଚ୍ଚ ନ୍ୟାୟାଳୟ। ତାମିଲନାଡୁର ଡିଏମକେ ସରକାର ସାରା ରାଜ୍ୟରେ ରାମ ମନ୍ଦିର କାର୍ଯ୍ୟକ୍ରମର ସିଧା ପ୍ରସାରଣ ଉପରେ ପ୍ରତିବନ୍ଧକ ଲଗାଇଛନ୍ତି ବୋଲି ବିଜେପି ଅଭିଯୋଗ କରିଛି।
ସୁପ୍ରିମକୋର୍ଟ କହିଛନ୍ତି ଯେ ଅନ୍ୟ ସମ୍ପ୍ରଦାୟ ପଡୋଶୀ ଅଞ୍ଚଳରେ ରହୁଥିବାରୁ ଅନୁମତି ଦେବାକୁ ମନା କରାଯାଇପାରିବନାହିଁ। ସୋମବାର ଶୁଣାଣି ସମୟରେ ସୁପ୍ରିମକୋର୍ଟ ତାମିଲନାଡୁ ସରକାରଙ୍କୁ କହିଛନ୍ତି ଯେ ଏହା ଏକ ସମରୂପ ସମାଜ, ଅନ୍ୟ ସମ୍ପ୍ରଦାୟ ଅଛି ବୋଲି ଆଧାର କରି ଏହାକୁ ବନ୍ଦ କରନ୍ତୁ ନାହିଁ।
ଷ୍ଟାଲିନ ସରକାରଙ୍କ ବିରୋଧରେ ଗୁରୁତର ଅଭିଯୋଗ ଆଣିଥିଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ। ତାମିଲନାଡୁ ସରକାର ଜାନୁୟାରୀ ୨୨ରେ ହେବାକୁ ଥିବା ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମର ସିଧା ପ୍ରସାରଣ ଉପରେ ପ୍ରତିବନ୍ଧକ ଲଗାଇଥିବା ଅଭିଯୋଗ କରିଥିଲେ।
ତାମିଲ ଖବରକାଗଜ ରିପୋର୍ଟକୁ ଉଲ୍ଲେଖ କରି ସେ କହିଛନ୍ତି ଯେ ତାମିଲନାଡୁ ସରକାରଙ୍କ ଦ୍ୱାରା ପରିଚାଳିତ ମନ୍ଦିରଗୁଡିକ ମଧ୍ୟ ଅଯୋଧ୍ୟାରେ ମହାନ ମନ୍ଦିରର ପବିତ୍ର ଦିନ ଭଗବାନ ରାମଙ୍କ ପୂଜା ଉପରେ ପ୍ରତିବନ୍ଧକ ଲଗାଇଛନ୍ତି। ବ୍ୟକ୍ତିଗତ ଭାବେ ଚାଲୁଥିବା ମନ୍ଦିରରେ କାର୍ଯ୍ୟକ୍ରମ ଆୟୋଜନ କରିବାକୁ ମଧ୍ୟ ପୋଲିସ ପ୍ରତିରୋଧ କରୁଛି। ସେମାନେ ପେଣ୍ଡାଲକୁ ଭାଙ୍ଗିବା ପାଇଁ ଆୟୋଜକମାନଙ୍କୁ ଧମକ ଦେଉଛନ୍ତି।
