ଆଜି ୪୫ ବର୍ଷରେ ପାଦ ଥାପିଲେ ବଲିଉଡ ଅଭିନେତା ରିତେଶ ଦେଶମୁଖ

ମୁମ୍ବାଇ : ବଲିଉଡ ଅଭିନେତା ରିତେଶ ଦେଶମୁଖ । ତାଙ୍କୁ ଜାଣିବାକୁ ହେଲେ ତାଙ୍କ ନାଁ ହିଁ କାଫି । ପରିଚୟ ଦେବାର କୌଣସି ଆବଶ୍ୟକତା ନାହିଁ । ବଲିଉଡର ଏବେ ଫ୍ୟାନ୍ସଙ୍କ ପ୍ରିୟ କପଲ ମାନଙ୍କ ଭିତରେ ରହିଛନ୍ତି ରିତିଶ ଦେଶମୁଖ ଏବଂ ଜେନେଲିଆ ଡିସୁଜା । ବର୍ତ୍ତମାନ ସେମାନଙ୍କୁ ଫିଲ୍ମରେ କମ୍ ଓ ସୋସିଆଲ ମିଡିଆରେ ବେଶି ଆକ୍ଚିଭ ଅଛନ୍ତି । ଉଭୟ ପ୍ରାୟତଃ ମଜାଳିଆ ରିଲ୍ କରି ନିଜ ନିଜର ଫ୍ୟାନ୍ସ ମାନଙ୍କ ମନୋରଞ୍ଜନ କରୁଥିବା ଦେଖିବାକୁ ମିଳୁଛି କମେଡିଠାରୁ ଆରମ୍ଭ କରି ସରିୟସ୍ ଓ ଭିଲେଆନ୍ ସବୁ ଭୂମିକାରେ ସେ ଫିଟ୍ । ତେବେ ଆଜି ହେଉଛି ରିତେଶଙ୍କ ଜନ୍ମଦିନ । ୪୫ ବର୍ଷରେ ପର୍ଦାପଣ କରିଛନ୍ତି ବଲିଉଡ଼ର ଏହି ଷ୍ଟାର ଅଭିନେତା । ରିତେଶ ‘ତୁଜେ ମେରି କସମ’ ଚଳଚ୍ଚିତ୍ର ରୁ ନିଜ ଫିଲ୍ମ କ୍ୟାରିୟର ଆରମ୍ଭ କରିଥିଲେ। ଏଥିରେ ରିତେଶଙ୍କ ସହ ପତ୍ନୀ ଜେନେଲିଆ ଡି’ସୁଜା ମଧ୍ୟ ନଜର ଆସିଥିଲେ। କିନ୍ତୁ ଡେବ୍ୟୁ ଚଳଚ୍ଚିତ୍ରରେ ଏତେଟା ଲୋକପ୍ରିୟତା ହାସଲ କରିପାରିନଥିଲେ ଅଭିନେତା । ପରେ ୨୦୦୪ରେ ମୁକ୍ତିଲାଭ କରିଥିବା କମେଡ଼ି ଫିଲ୍ମ ‘ମସ୍ତି’  । ଯାହା ତାଙ୍କୁ ରାତାରାତି ଷ୍ଟାର ବନାଇଥିଲା । ​​ଏହି ଫିଲ୍ମରେ ରିତେଶଙ୍କ ଦମଦାର ଅଭିନୟ ଲକ୍ଷ ଲକ୍ଷ ଫ୍ୟାନ୍ସଙ୍କ ହୃଦୟକୁ ଛୁଇଁଥିଲା । କେବଳ ହିନ୍ଦୀ ନୁହଁନ୍ତି ମରାଠୀ ସିନେମାରେ ମଧ୍ୟ ସେ ନଜର ଆସିଛନ୍ତି । ରିତେଶ-ଜେନେଲିଆଙ୍କ ଯୋଡ଼ି ବି ଟାଉନର ବେଶ ଲୋକପ୍ରିୟ ଅଟେ । ପ୍ରାୟ ୧୦ବର୍ଷ ଧରି ପରସ୍ପରକୁ ଡେଟ୍ କରିବା ପରେ ଉଭୟ ୨୦୧୨ ମସିହା ଫେବୃଆରୀ ୩ ରେ ବିବାହ କରିଥିଲେ । ଏବେ ତାଙ୍କର ଦୁଇ ପୁଅ ମଧ୍ୟ ରହିଛନ୍ତି । ରିତେଶଙ୍କ ଜନ୍ମଦିନରେ ଆଜି ତାଙ୍କ ନିକଟକୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି  ।