ଟିକେଟ ଗୁମର ଖୋଲିଲେ ବିଜେଡି ନେତା!

ଭୁବନେଶ୍ୱର: ବିଜେଡିରେ ଟିକେଟ କିଏ ଦିଅନ୍ତି ତାହାର ଗୁମର ଖୋଲିଛନ୍ତି ବିଜେଡି ନେତା । ବିଜେଡି ନେତାଙ୍କ ଫେସବୁକ ପୋଷ୍ଟ ଏହି ଗୁମରକୁ ସାମନାକୁ ଆଣିଛି । ଜଣେ ରାଜ୍ୟସଭା ସାଂସଦ ଓ ୨ ବିଧାୟକଙ୍କ ଫେସବୁକ ପୋଷ୍ଟରୁ ଏହି ଗୁମର ସାମନାକୁ ଆସିଛି । ବିଜେଡିର ସାଂଗଠନିକ ସମ୍ପାଦକ ବବି ଦାସ ହିଁ ଟିକେଟ ଦିଅନ୍ତି ବୋଲି ଉକ୍ତ ପୋଷ୍ଟରେ ଇଙ୍ଗିତ କରାଯାଇଛି । ‘ସେ ଯହାକୁ ପାରିଥାନ୍ତେ, ଟିକେଟ ଦେଇଥାନ୍ତେ’ ବୋଲି ଜଣେ ରାଜ୍ୟସଭା ସାଂସଦ ଓ ୨ ବିଧାୟକ ଫେସବୁକ ପୋଷ୍ଟରେ ଲେଖିଛନ୍ତି । ପ୍ରଣବ ପ୍ରକାଶ ଦାସ ପରିବାର ନୁହେଁ, ଦଳ ଓ ଦଳର କର୍ମୀଙ୍କୁ ଗୁରୁତ୍ୱ ଦିଅନ୍ତି । ସେ ଚାହିଁଥିଲେ ପରିବାରର ଏକାଧିକ ସଦସ୍ୟଙ୍କୁ ଟିକେଟ ଦେଇପାରିଥାନ୍ତେ । ସେ ଯହାକୁ ପାରିଥାନ୍ତେ, ଟିକେଟ ଦେଇଥାନ୍ତେ । ଅରିନ୍ଦମଙ୍କ ଇସ୍ତଫା ପରେ ନେତାମାନେ ଏମିତି ମତ ଦେଇଥିବା ଚର୍ଚ୍ଚା ହେଉଛି । ଗତକାଲି ବବିଙ୍କ ଭିଣୋଇ ଅରିନ୍ଦମ ବିଜେଡିରୁ ଇସ୍ତଫା ଦେଇ ବିଜେପିରେ ମିଶିଥିଲେ । ଗତ କିଛି ଦିନ ତଳେ ବବିଙ୍କ ମାମୁଁ ଭବାନୀ ଜଗଦେ୍ଧବ ମଧ୍ୟ ବିଜେପିରେ ମିଶିଥିଲେ । ତେବେ ନେତାମାନଙ୍କ ଏଭଳି ମନ୍ତବ୍ୟ ନେଇ ବିଜେଡିର କୌଣସି ପ୍ରତିକ୍ରିୟା ମିଳିନାହିଁ ।