ଭୁବନେଶ୍ୱର : ଚିଆସିଡ୍ସକୁ ସବ୍ଚା ମଧ୍ୟ କୁହାଯାଇଥାଏ । ଏଥିରେ ଅନେକ ଔଷଧୀୟ ଗୁଣ ରହିଛି । ଏଥିରେ ଖିର ଠାରୁ ଅଧିକ ପରିମାଣରେ କ୍ୟାଲସିୟମ ରହିଥାଏ । ଏଥିରେ ଓମେଗା-୩ ଫ୍ୟାଟି ଏସିଡ ମଧ୍ୟ ବହୁ ପରିମାଣରେ ମିଳିଥାଏ । ଏହାଛଡା ଫାଇବର, କପର, ଫସଫରସ, ପୋଟାସିୟମ ଓ ଜିଙ୍କ ଭଳି ଅନେକ ପୋଷକ ତତ୍ତ୍ୱ ମଧ୍ୟ ଏହି ଛୋଟ ମଞ୍ଜି ଗୁଡିକ ରେ ରହିଛି । ଏଥିପାଇଁ ଏହାକୁ ସ୍ୱାସ୍ଥ୍ୟ ପାଇଁ ସୁପର ଫୁଡ କୁହାଯାଏ । ଏହାର ନିଜର କୌଣସି ସ୍ୱାଦ ନଥାଏ ତେଣୁ ଏହାକୁ ଯେକୌଣସି ଖାଦ୍ୟ ସହ ମିଶାଇ ଖାଇ ହୋଇଥାଏ । ଏହାକୁ ପାଣି ଭିଜାଇ ୩୦ ମିନିଟ ପରେ ବ୍ୟବହାର କରିବା ଉଚିତ ।
ଆସନ୍ତୁ ଜାଣିବା ଚିଆ ସିଡ୍ସର କିଛି ଉପକାରିତା ବିଷୟରେ :
୧- ଏଥିରେ ପ୍ରୋଟିନ ପରିମାଣ ଅଧିକ ଥିବାରୁ ଲମ୍ବା ସମୟ ପର୍ଯ୍ୟନ୍ତ ଭୋକକୁ ରୋକିବାରେ ସାହାଯ୍ୟ କରିଥାଏ । ତେଣୁ ଓଜନ ହ୍ରାସ କରିବା ପାଇଁ ଏହା ଅତ୍ୟନ୍ତ ଉପଯୋଗୀ ।
୨- ଏହା ଡାଇବେଟିସ ପାଇଁ ଉପଯୋଗୀ ଅଟେ ଓ ଏହାକୁ ଖାଇବା ଦ୍ୱାରା ବ୍ଲଡ ସୁଗାର ଲେଭଲ ସ୍ଥିର ରହିଥାଏ ।
୩- ଚିଆ ସିଡ୍ସ ଶରୀରର ବ୍ୟାଡ କୋଲୋଷ୍ଟ୍ରଲକୁ କମାଇ ଗୁଡ୍ କୋଲୋଷ୍ଟ୍ରଲ ଲେଭଲକୁ ବଢାଇଥାଏ ।
୪- ଏହା ଖାଇବା ଦ୍ୱାରା ଶରୀରର ଇମ୍ୟୁନିଟି ସଠିକ ରହିଥାଏ ।
୫- ଏହା ଶରୀରକୁ ଏନର୍ଜି ଦେଇଥାଏ ତେଣୁ ଏହାକୁ ବ୍ୟାୟାମ ପୁର୍ବରୁ କିମ୍ବା ପରେ ଖାଇବା ଉଚିତ ।
୬- ୨ ଚାମଚ ଚିଆ ସିଡ୍ସରେ ୧୮ ଗ୍ରାମ କ୍ୟାସଲିୟମ ରହିଥାଏ । ଏହା ଆମ ଶରୀରର ଅସ୍ଥି, ଦାନ୍ତ, ନଖ ଇତ୍ୟାଦିକୁ ମଜଭୁଦ ରଖିବାରେ ସାହାଯ୍ୟ କରିଥାଏ ।
