ଚିକିଟି : ଏକ ଭୋଜି କାର୍ଯ୍ୟକ୍ରମରେ ଯୋଗ ଦେବା ପୂର୍ବରୁ ଚାଲିଗଲା ଦମ୍ପତିଙ୍କ ଜୀବନ । ଏଭଳି ଦୁଃଖଦ ଘଟଣା ଘଟିଛି କେ. ନୂଆଗାଁ ଥାନା ଖୋର୍ଦ୍ଧାର ନିକଟରେ । ମୃତକ ଦୁଇ ଜଣ ହେଲେ କୋଟିଲିଙ୍ଗି ଗ୍ରାମର ଡି. ମୁକୁନ୍ଦ ରାଓ ଓ ତାଙ୍କ ସ୍ତ୍ରୀ କେ. ହେମାବତି । ହେମାବତି କମାକୁଳମଣିପୂର ସ୍କୁଲରେ ଶିକ୍ଷକତା କରୁଥିବା ବେଳେ ଆଜି ପିଟିିଏମ୍ ମିଟିଂ ସାରି ଏକ ଭୋଜିରେ ଯୋଗ ଦେବାକୁ ସ୍ୱାମୀଙ୍କ ସହ ବାହାରିଥିଲେ ।
ଦମ୍ପତି ସ୍କୁଟିରେ ଯାଉଥିବା ବେଳେ ଖୋର୍ଦ୍ଧାର ନିକଟରେ ବିପରିତ ଦିଗରୁ ଆସୁଥିବା ଏକ ଘରୋଇ ସ୍କୁଲ ବସ୍ ସହ ମୁହାଁମୁହିଁ ଧକ୍କା ଘଟିଥିଲା । ଫଳରେ ସ୍କୁଟିରେ ଯାତ୍ରା କରୁଥିବା ହେମାବତିଙ୍କ ଘଟଣାସ୍ଥଳରେ ହିଁ ମୃତ୍ୟୁ ଘଟିଥିବା ବେଳେ ଗୁରୁତର ଅବସ୍ଥାରେ ଥିବା ସ୍ୱାମୀ ମୁକୁନ୍ଦଙ୍କୁ ଚିକିଟି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନିଆଯାଇଥିଲା ।
ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣା ସ୍ଥଳରେ ପୁଲିସ ଏସ୍ଆଇ ସୁରେଶ ଚନ୍ଦ୍ର ମୁର୍ମୁ ପହଞ୍ôଚ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ଏନେଇ ଥାନାରେ ୧୨୯/୨୦୨୩ରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି । ପୁଲିସ୍ ଅନୁସନ୍ଧାନ ଜାରୀ ରଖିଛି । ଏଭଳି ଦୁଃଖଦ ଘଟଣା ଜଣାପଡିବା ପରେ ସମଗ୍ର ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି କରିଛି ।
