ଏସିଆ କପ୍ ୨୦୨୩ : କାହିଁକି ଚୟନ ହେଲେନି ୟୁଜବେନ୍ଦ୍ର ଚହଲ? କାରଣ କହିଲେ ରୋହତି ଶର୍ମା

ବ୍ୟୁରୋ : ଏସିଆ କପ ପାଇଁ ଆଜି ଭାରତୀୟ ଦଳ ଘୋଷଣା ହୋଇସାରିଛି । ଏହାର ଅଧିନାୟକ ଦାୟିତ୍ୱ ରୋହିତ ଶର୍ମାଙ୍କ ହାତରେ ରହିବ । ୱେଷ୍ଟଇଣ୍ଡିଜ ବିପକ୍ଷରେ ଦମଦାର ପ୍ରଦର୍ଶନ ଯୋଗୁଁ ତିଲକ ବର୍ମାଙ୍କୁ ଏସିଆ କପରେ ଏଣ୍ଟ୍ରି ମିଳିଛି । ହେଲେ ଟିମ ଇଣ୍ଡିଆର ଅଫ ସ୍ପିନର ଆର ଅଶ୍ୱିନୀ ଓ ଲେଗ ସ୍ପିନର ୟୁଜବେନ୍ଦ୍ର ଚହଲଙ୍କୁ ସ୍ଥାନ ମିଳିନାହିଁ । ଚହଲଙ୍କୁ ସ୍ଥାନ ନମିଳିବା ଯୋଗୁଁ ଏବେ ଅନେକ ପ୍ରଶ୍ନ ସୃଷ୍ଟି ହୋଇଛି । ପ୍ରେସ କନଫରେନ୍ସରେ କ୍ୟାପଟେନ ରୋହିତ ଶର୍ମା ଅଶ୍ୱିନୀ ଓ ଚହଲଙ୍କୁ ନେଇ ପଚରାଯାଇଥିବା ପ୍ରଶ୍ନର ଉତ୍ତର ଦେଇଛନ୍ତି । ରୋହିତଙ୍କ ଅନୁସାରେ ଏହି ୨ ଖେଳାଳି ବିଶ୍ୱକପ ପ୍ଲାନର ଅଂଶ ଅଛନ୍ତି । ରବିଚନ୍ଦ୍ରନ ଅଶ୍ୱିନୀ, ୟୁଜେବନ୍ଦ୍ର ଚହଲ ଓ ୱାସିଂଟନ ସୁନ୍ଦରଙ୍କ ପାଇଁ ଏବେ ଯାଏଁ ବିଶ୍ୱକପ ଖେଳିବାର ବାଟ ବନ୍ଦ ହୋଇ ନାହିଁ । ଆମକୁ ସେମାନଙ୍କୁ ଏଥିରେ ବାଦ ଦେବାକୁ ପଡିଲା କାରଣ ଆମକୁ କେବଳ ୧୭ ଖେଳାଳି ଚୟନ କରିବାର ଥିଲା । ସେହିପରି ରୋହିତ ଶର୍ମା ବାମହାତୀ ଅଲରାଉଣ୍ଡର ଅକ୍ଷର ପଟେଲଙ୍କୁ ନେଇ କହିଛନ୍ତି କି, ଆମେ ଗୋଟେ ଏମିତି ଖେଳାଳିଙ୍କୁ ଚାହୁଁଥିଲୁ ଯିଏ ୮, ୯ ନମ୍ବରରେ ବ୍ୟାଟିଂ କରିପାରିବେ । ଅକ୍ଷର ଚଳିତ ବର୍ଷ ଭଲ ପ୍ରଦର୍ଶନ କରିଛନ୍ତି । ସେ ଦଳରେ ରହିଲେ ଆମକୁ ଜଣେ ବାମହାତୀ ବ୍ୟାଟ୍ସମ୍ୟାନର ସ୍ଥାନ ପୂରଣ କରିହେବ । ରୋହିତ କହିଛନ୍ତି କି ଟପ ୩ରେ କୌଣସି ପରିବର୍ତ୍ତନ ହେବ ନାହିଁ । ଅର୍ଥାତ ରୋହିତ, ଗିଲ ଓପନିଂ କରିବେ ଆଉ ବିରାଟ ୩ ନମ୍ବର ସ୍ଥାନରେ ଆସିବେ ।