ପୁରୀ: ପଣା ସଂକ୍ରାନ୍ତି କେବେ ପାଳନ ହେବ ତାକୁ ନେଇ ହଟିଲା ସଂଶୟ । ମହାବିଷୁବ ପଣା ସଂକ୍ରାନ୍ତି ଶେଷରେ ଆସନ୍ତା ଏପ୍ରିଲ ୧୪ ତାରିଖ ଦିନ ପାଳନ ହେବ । ଉକ୍ତ ଦିନ ପାଳନ ନେଇ ମୁକ୍ତି ମଣ୍ଡପ ପଣ୍ଡିତ ସଭା ପକ୍ଷରୁ ନିଷ୍ପତ୍ତି ନିଆଯାଇଛି । ତେବେ ଅନ୍ୟ କିଛି ଗଣନାକାରୀ ୧୩ ତାରିଖ ସଂକ୍ରାନ୍ତି ନେଇ କହିଛନ୍ତି । ପ୍ରକାଶ ଯେ କେବେ ପଣା ସଂକ୍ରାନ୍ତି ପାଳନ ହେବ ତାହାକୁ ନେଇ ଗତ କିଛି ଦିନ ଧରି ଦ୍ୱନ୍ଦ୍ୱ ଲାଗିରହିଥିଲା । ପଞ୍ଜିକା ଗଣନାରେ ଦିନ ଧାର୍ଯ୍ୟ ହୋଇପାରୁନଥିଲା । ପଣା ସଂକ୍ରାନ୍ତି ପାଳନ ତାରିଖକୁ ନେଇ ଭିନ୍ନ ଭିନ୍ନ ମତ ପ୍ରକାଶ ପାଉଥିଲା । ତେବେ ଶେଷରେ ମହାବିଷୁବ ପଣା ସଂକ୍ରାନ୍ତି ଶେଷରେ ଆସନ୍ତା ଏପ୍ରିଲ ୧୪ ତାରିଖ ଦିନ ପାଳନ ନେଇ ନିଷ୍ପତ୍ତି ନିଆଯାଇଛି ।
