ଲକ୍ଷ୍ନୌ: କେରଳର ଏର୍ନାକୁଲମରେ କନ୍ଭେନ୍ସନ୍ ସେଣ୍ଟରରେ ବୋମା ବିସ୍ଫୋରଣ ପରେ ୟୁପିରେ ହାଇ ଆଲର୍ଟ ଘୋଷଣା କରାଯାଇଛି। ୟୁପି ଏଟିଏସ୍ ଏବଂ ସମସ୍ତ ଜିଲାର ପୁଲିସକୁ ଅଧିକରୁ ଅଧିକ ସଚେତନତା ଅବଲମ୍ବନ କରିବା ସହ ସନ୍ଦିଗ୍ଧମାନଙ୍କୁ ଚିହ୍ନଟ କରିବାକୁ ନିର୍ଦ୍ଦେଶ ଦିଆଯାଇଛି। ଏଥିସହ ଇସ୍ରାଏଲ୍-ପାଲେଷ୍ଟାଇନ ସହ ଜଡ଼ିତ ପ୍ରତ୍ୟେକ ବିରୋଧ ପ୍ରଦର୍ଶନ ଉପରେ ତୀକ୍ଷ୍ଣ ନଜର ରଖିବାକୁ କୁହାଯାଇଛି।
ସ୍ବତନ୍ତ୍ର ଡିଜି(ଆଇନ ଶୃଙ୍ଖଳା) ପ୍ରଶାନ୍ତ କୁମାର କହିଛନ୍ତି ଯେ, ଇସ୍ରାଏଲ-ହମାସ ଯୁଦ୍ଧକୁ ଦୃଷ୍ଟିରେ ରଖି ପୂର୍ବରୁ ମଧ୍ୟ ସତର୍କ ସୂଚନା ଜାରି କରାଯାଇଥିଲା। ନିକଟରେ କେରଳରେ ଘଟିଥିବା ଘଟଣା ସମ୍ପର୍କରେ ସୂଚନା ସଂଗ୍ରହ କରାଯାଉଛି। ସତର୍କତା ସ୍ବରୂପ ଇସ୍ରାଏଲ୍ ଏବଂ ପାଲେଷ୍ଟାଇନକୁ ସମର୍ଥନ କରୁଥିବା ବିରୋଧ ପ୍ରଦର୍ଶନ ଉପରେ ମଧ୍ୟ ତୀକ୍ଷ୍ଣ ନଜର ରଖାଯାଉଛି।
ଏତିରେ ଉପସ୍ଥିତ ଲୋକମାନଙ୍କ ସହିତ ଆଭାସୀ ମାଧ୍ୟମରେ ଯୋଡ଼ି ହୋଇଥିବା ଲୋକଙ୍କ ବିଷୟରେ ମଧ୍ୟ ସମ୍ପୂର୍ଣ୍ଣ ସୂଚନା ସଂଗ୍ରହ କରାଯାଉଛି। ୟୁପି ପୁଲିସ କେରଳ ପୁଲିସ ଏବଂ ଅନ୍ୟାନ୍ୟ କେନ୍ଦ୍ରୀୟ ଗୁପ୍ତଚର ସଂସ୍ଥା ସହ ଯୋଗାଯୋଗରେ ଅଛି। କେରଳର ରୁଢିବାଦୀ ସଂଗଠନ ସହ ଜଡିତ ଲୋକଙ୍କୁ ରାଜ୍ୟରେ ଚିହ୍ନଟ କରାଯାଉଛି।
