🎪🛕ଆଜିର ଅନୁଚିନ୍ତା🛕🎪

➡️ବାପା ଓ ମାଆଙ୍କୁ ଶେଷ ସମୟରେ ଯେଉଁ ପୁଅ ଦୁଃଖ ଦେଇଥାଏ, ସେଇ ଦୁଃଖ ତା’ଶେଷ ସମୟରେ ତାକୁ ହିଁ ମିଳିଥାଏ –।
➡️ହଜାରେ ଲୋକଙ୍କ ସହିତ ସମ୍ପର୍କ ଯୋଡିବା କିଛି ବଡ କଥା ନୁହେଁ, ବଡ କଥା ଗୋଟିଏ ସମ୍ପର୍କକୁ ଆଜୀବନ ତୁଲାଇବା ।

➡️ଝିଅ ଜନ୍ମ ହେଲେ କେହି ଖୁସି ହୁଅନ୍ତି ନାହିଁ କି ମିଠା ବାଣ୍ଟନ୍ତି ନାହିଁ,କିନ୍ତୁ ବୋହୁ ସୁନ୍ଦରୀ ମିଳୁ ବୋଲି ସାରା ସଂସାର ଖୋଜି ବୁଲନ୍ତି ।

➡️ସମ୍ମାନ
ଏଭଳି ଗୋଟିଏ ଜିନିଷ
ଯଦି ଆପଣ ପାଇବାକୁ ଚାହୁଁଛନ୍ତି ତାହା ହେଲେ ପ୍ରଥମେ ଦେବା ଶିଖନ୍ତୁ ।

➡️ଜ୍ଞାନୀଙ୍କ ପାଇଁ ଜୀବନ ଗୋଟେ ସ୍ବପ୍ନ, ମୂର୍ଖଙ୍କ ପାଇଁ ଖେଳ, ଧନୀଙ୍କ ପାଇଁ Comedy ଓ ଗରିବଙ୍କ ପାଇଁ Tragedy .

ଅଦ୍ୟ ଅପ୍ରେଲ ମାସ ୦୩ ତାରିଖ ୨୦୨୨ ମସିହା(ରବିବାର)*

ଶକାବ୍ଦ -୧୯୪୩

ସମ୍ବତ -୨୦୭୯

ଦିଲ୍ଲୀସ୍ୱରାଦ୍ଧ-୧୪୨୯

ସମ୍ବତ୍ସର-ରାକ୍ଷସ

ଚୈତ୍ର-ଶୁକ୍ଳପକ୍ଷ

ତିଥି- ଦ୍ଵିତୀୟା ଦିବା ଘ ୧୨/୫୪ ପର୍ଯ୍ୟନ୍ତ ତଦନ୍ତେ ତୃତୀୟା

ନକ୍ଷତ୍ର- ଅଶ୍ଵିନୀ ଦିବା ଘ ୦୧/୩୨ ପର୍ଯ୍ୟନ୍ତ ତଦନ୍ତେ ଦ୍ଵିଜା

ଚନ୍ଦ୍ର-ମେଷ

ଯୋଗ- ବୈଧୃତି

କରଣ – କୌଳବ

ସୌରମାସ- ମୀନ ୨୦ ଦିନ

✧═════•❁❀❁•═════✧

ସୁର୍ୟୋଦୟ-ପ୍ରାତଃ ଘ୦୫/୪୩/୪୦

ସୂର୍ଯ୍ୟାସ୍ତ -ସନ୍ଧ୍ୟା ଘ୦୫/୫୮/୧୯

*✧═════•❁❀

ଯୋଗିନୀ ଉତ୍ତରେ ଦିବା ଘ ୧୨/୫୪ ପର୍ଯ୍ୟନ୍ତ ତଦନ୍ତେ ଅଗ୍ନିକୋଣେ

ମେଷ ରାଶିର ଘାତଚନ୍ଦ୍ର

ମେଷ ରାଶିର ଘାତବାର

ଦ୍ଵିତୀୟା ର ଏକୋଦିଷ୍ଟ ଓ ତୃତୀୟା ର ପାର୍ବଣ ଶ୍ରାଦ୍ଧ

✧═════•❁❀❁•═══

କାଳବେଳ। ଓ ବାରବେଳା – ଦିବା ଘ ୧୦/୧୪ ଗତେ ଘ୦୧/୧୮ ମଧ୍ୟେ

══•❁❀❁•═══

ବିଶୁଦ୍ଧ ଅମୃତ ବେଳ। -ଦିବା ଘ୦୬/୩୨ ଗତେ ଘ୦୯/୪୩ ମଧ୍ୟେ ଓ ରାତ୍ରି ଘ୦୭/୩୭ ଗତେ ଘ୦୯/୧୧ ମଧ୍ୟେ

ବିଶୁଦ୍ଧ ମ।ହେନ୍ଦ୍ର ବେଳ।- ଦିବା ଘ୦୬/୩୦ ମଧ୍ୟେ ଓ ଘ୦୧/୧୯ ଗତେ ଘ୦୧/୪୪ ମଧ୍ୟେ

═✧══•❁❀❁•═════✧

*ଅଦ୍ୟ ବୋଇତୀକଖାରୁ ଦିବା ଘ ୧୨/୫୪ ଗତେ ପୋଟଳ ଭକ୍ଷଣ ନିଷେଧ
*✧═════•❁❀❁•════

🌼🌹꧁ ଆଜିର ରାଶିଫଳ꧂🌹🌼

✧═════•❁❀❁•═════✧

🌹ମେଷ🌹👉ଆଜିର ଦିନଟିରେ ଆପଣଙ୍କ ଆତ୍ମିଅଙ୍କ ସହଯୋଗ କରିବାରୁ ଆନନ୍ଦିତ ରହିବେ । ବସ୍ତ୍ରଭୂଷଣ ପ୍ରାପ୍ତି ମାଧ୍ୟମରେ ଦିନଟି ଖୁସିରେ ଅତିବାହିତ କରିବେ। ସ୍ବାସ୍ଥ୍ୟ ସ୍ଥିତିରେ ସମ୍ପୂର୍ଣ୍ଣ ଉନ୍ନତି ଦେଖାଦେବ। ଶତ୍ରୁମାନେ ସୁଯୋଗ ଅପେକ୍ଷାରେ ରହିବେ କିନ୍ତୁ କୌଣସି କ୍ଷେତ୍ରରୁ ବାଧା ଦେଇପାରିବେ ନାହିଁ । ଅଧ୍ୟୟନ ଓ ଅଧ୍ୟାପନା କ୍ଷେତ୍ରରୁ ଶୁଭଫଳ ମିଳିବ।

✧═════•❁❀❁•═════✧

🌹ବୃଷ🌹👉ସାଧାରଣ କଥାକୁ କେନ୍ଦ୍ରକରି ବନ୍ଧୁଙ୍କ ସହ ମନୋମାଳିନ୍ୟ ଯୋଗୁ ମନ ଉଦାସ ରହିବ। ଭୁଲ୍‌ ବୁଝାମଣା ବଶତଃ କ୍ଷୁବ୍ଧ ହୋଇ ସ୍ତ୍ରୀ ମୁହଁ ଫେରାଇ ନେଇପାରନ୍ତି। ଯାତ୍ରା, ବାଣିଜ୍ୟରେ ଲାଭବାନ ହେବେ। ସ୍ବାସ୍ଥ୍ୟ ସମସ୍ୟା ନେଇ ଚିନ୍ତିତ ରହିବେ ସତ କିନ୍ତୁ ଅବହେଳା ଜନିତ କୌଣସି ଉପଚାର କରିବା ସହଜସାଧ୍ୟ ନ ହୋଇପାରେ।

✧═════•❁❀❁•═════✧

🌹ମିଥୁନ🌹👉ଆଜି ଆତ୍ମୀୟ ସ୍ବଜନଙ୍କ ଗହଣରେ ଦିନଟି ହସଖୁସିରେ ଅତିବାହିତ ହେବ। ଆକସ୍ମିକ ଭାବରେ ଖର୍ଚ୍ଚଭାର ବୃଦ୍ଧି ପାଇବା କାରଣରୁ ଚିନ୍ତା ପ୍ରକଟ କରିପାରନ୍ତି। ବାରୁଦ ଓ ବିଦ୍ୟୁତ୍‌ ପ୍ରତି ସାବଧାନ ରହିବା ଭଲ। କ୍ରୀଡା, କଳା, ସାହିତ୍ୟ ଓ ପ୍ରଶାସନିକ ସ୍ତରରେ ଉଚ୍ଚ ସମ୍ମାନ ପାଇପାରନ୍ତି।

✧═════•❁❀❁•═════✧

🌹କର୍କଟ🌹👉ଆଜି ସମସ୍ତ ଆଶା ଓ ଆକାଂକ୍ଷାକୁ ପୂରଣ କରିବାରେ ସାହାଯ୍ୟ କରିବ। କର୍ମକ୍ଷେତ୍ରରେ ସାଧାରଣ ସମସ୍ୟା ଆସିଲେ ମଧ୍ୟ ତାହାକୁ ଠିକ୍‌ ଭାବରେ ସାମନା କରିବାର ସାହସ ରଖି କୃତକାର୍ଯ୍ୟ ହେବେ। କରଜଦାତାଙ୍କ ଚାପ ବୃଦ୍ଧି ପାଇବା କାରଣରୁ ବ୍ୟସ୍ତତା ବୃଦ୍ଧି ପାଇବ। ସମସ୍ୟା ସମାଧାନର ଆଶା କରିପାରନ୍ତି।

✧═════•❁❀❁•═════✧

🌹ସିଂହ🌹👉ଆଜି ସମ୍ପର୍କୀୟମାନଙ୍କ କାର୍ଯ୍ୟକଳାପ ନିଜପାଇଁ ଅସନ୍ତୋଷ ସୃଷ୍ଟି କରିବାରେ ସହାୟକ ହେବ। ପାରିବାରିକ କ୍ଷେତ୍ରରେ କିଛି କହିବା ଅପେକ୍ଷା ବରଂ ନୀରବ ରହିପାରିଲେ ଭଲ ହେବ।ପ୍ରତ୍ୟୁଷ ଯାତ୍ରାରେ ସଫଳତା ମିଳିବ। ଆଜି ଦିନଟି ଶିଳ୍ପ, ବାଣିଜ୍ୟ ଓ ବ୍ୟବସାୟ ତଥା ପରିବହନ ସକାଶେ ବହୁତ ଭଲ।

✧═════•❁❀❁•═════✧

🌹କନ୍ୟା🌹👉ଆଜି ଅର୍ଥଲାଭ କରାଇବା ସହ ସମସ୍ୟା ସମାଧାନ ପାଇଁ ରାସ୍ତା ପରିଷ୍କାର କରିଦେବେ। ତଥାପି ଖଳକଥାରେ ପ୍ରଭାବିତ ହୋଇ ଚିତ୍ରା ନକ୍ଷତ୍ର ପରିବାର ସକାଶେ କିଛିଟା ଗୋଳମାଳିଆ ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି। ନିଜ ପରିସରରେ ପିଲାମାନଙ୍କ ସକାଶେ ଅନ୍ୟମାନଙ୍କ ନିକଟରେ ମୁଣ୍ଡ ନୁଆଁଇବାକୁ ପଡିବ।

✧═════•❁❀❁•═════✧

🌹ତୁଳା🌹👉ଆଜି ପ୍ରତ୍ୟେକ କ୍ଷେତ୍ରରେ ଉପସ୍ଥିତ ବୁଦ୍ଧି ଓ କୂଟନୀତି ପ୍ରୟୋଗ କରି କାମ ହାସଲ କରି ପାରିବେ। ପାଇବାକୁ ଥିବା ଅର୍ଥ କିମ୍ବା କୌଣସି ଜିନିଷପତ୍ର ପାଇବାରେ କଳହର ସମ୍ମୁଖୀନ ହୋଇପାରନ୍ତି। ଅଫିସରେ କିମ୍ବା କର୍ମକ୍ଷେତ୍ରରେ ଗୁଡାଏ କାମ ହାତକୁ ନେଇ ବ୍ୟଥିତ ହେବେ। ଅପ୍ରିୟ ସତ୍ୟ କଥା ପ୍ରକାଶ କରିବା ଦ୍ୱାରା ସମ୍ମାନ ବୃଦ୍ଧି ପାଇବ।

✧═════•❁❀❁•═════✧

🌹ବିଛା🌹👉ଆଜି ମନ ଅସ୍ଥିର ରହିବ। କିନ୍ତୁ କୌଣସି ବ୍ୟବହାର୍ଯ୍ୟ ମୂଲ୍ୟବାନ୍‌ ଜିନିଷ କିଣିବା ଦିଗରେ ମନ ବଳାଇପାରନ୍ତି। ଯେ କୌଣସି କ୍ଷେତ୍ରରେ ହେଉନା କାହିଁକି ଆଜି ଆପଣ ପ୍ରତିଦ୍ୱନ୍ଦ୍ୱିତା କଲେ କିଛି ଲାଭ ହେବନାହିଁ।ଏଜେନ୍ସିପ୍‌, ସାମ୍ବାଦିକତା, ରାଜନୀତି ଓ ସାହିତ୍ୟ ପ୍ରଭୃତିରୁ ସୁଫଳ ପାଇବେ।

✧═════•❁❀❁•═════✧

🌹ଧନୁ🌹👉କାଲିର ପରିସ୍ଥିତି କ୍ରମଶଃ ବଦଳିଯିବା ସାଙ୍ଗକୁ ସଙ୍କଟମୁ୍‌କ୍ତ ହୋଇପାରନ୍ତି। ଦିନର ପ୍ରତ୍ୟେକ କ୍ଷେତ୍ରରେ ପରୋକ୍ଷ ଶତ୍ରୁତାର ପ୍ରଭାବ ଅନୁଭବ କରିବାକୁ ପଡିପାରେ। ଅନ୍ୟମନସ୍କତା କିମ୍ବା ବିସ୍ମରଣଜନିତ କୌଣସି ଜିନିଷ ହରାଇ ପାରନ୍ତି। ସହକର୍ମୀ, ଭାଇ ଭଉଣୀ, ଅଧସ୍ତନ କର୍ମଚାରୀଙ୍କ ଦ୍ୱାରା କାର୍ଯ୍ୟ ସାଧନ କରିବେ।

 

✧═════•❁❀❁•═════✧

🌹ମକର🌹👉ଆଜି କୌଣସି କାମରେ ସାହାଯ୍ୟ କରିବାକୁ ମନ ବଳିବ।କିନ୍ତୁ କର୍ମକ୍ଷେତ୍ରରେ ସହକର୍ମୀଙ୍କ କାମରେ ଅସନ୍ତୁଷ୍ଟ ହୋଇପାରନ୍ତି। ପାରିବାରିକ ଜୀବନରେ ସ୍ତ୍ରୀଙ୍କ ସହ ମତାନ୍ତର ସୃଷ୍ଟି ହେବାର ସମ୍ଭାବନା ରହିଛି। ଶିଳ୍ପ, ବାଣିଜ୍ୟ, ବ୍ୟବସାୟ, ପରିବହନ ଓ ନିର୍ମାଣ କ୍ଷେତ୍ରରେ ଉନ୍ନତମାନର ଫଳ ପାଇବେ।

✧═════•❁❀❁•═════✧

🌹କୁମ୍ଭ🌹👉ଆଜି ପାରିବାରିକ ଜୀବନ ଓ କର୍ମକ୍ଷେତ୍ର ସରଳୀକୃତ ହେବ। ତଥାପି କେତେକ କ୍ଷେତ୍ରରେ ଜାଣିଶୁଣି ନୀରବତା ଅବଲମ୍ବନ କରିବାକୁ ବାଧ୍ୟ ହେବେ। ଆଶଙ୍କାଜନିତ ଅନ୍ୟମନସ୍କ ହେତୁ କେତେକ ବ୍ୟତିକ୍ରମ ପରିଲକ୍ଷିତ ହୋଇପାରେ। ଅର୍ଥ କିମ୍ବା ଦ୍ରବ୍ୟହାନି ଯୋଗୁ ବ୍ୟସ୍ତତା ବଢିଯିବାର ସୂଚନା ରହିଛ।

✧═════•❁❀❁•═════✧

🌹ମୀନ🌹👉ଆଜି କର୍ମୋନ୍ନତି ସହ ସମ୍ମାନଜନକ ସ୍ଥିତିକୁ ନେବାରେ ସମର୍ଥ ହେବେ। କଳା, ସାହିତ୍ୟ, ସଙ୍ଗୀତ, କ୍ରୀଡ଼ା ଓ ଚଳଚ୍ଚିତ୍ର କ୍ଷେତ୍ରରେ ବେଶ୍‌ ଆଦୃତ ହୋଇପାରନ୍ତି। ବାଣିଜ୍ୟ, ବ୍ୟବସାୟ ଓ ପରିବହନରୁ ଲାଭବାନ ହେବେ। ଆନୁଷ୍ଠାନିକ କାମରେ ସତକଥା କହି ପ୍ରଶଂସିତ ହୋଇପାରନ୍ତି।

ଆମ ସ୍ୱାସ୍ଥ୍ୟ ଖବର🌿

ରାତିରେ ଶୋଇବା ପୂର୍ବରୁ ଏହି ଜିନିଷ ଖାଇଲେ ବଢିଥାଏ ଓଜନ

ଆଜିକାଲିର ଧାଁଦୌଢ ଜୀବନରେ ମଣିଷ ଏତେ ବ୍ୟସ୍ଥ ରହେ ଯେ, ନିଜ ସ୍ବାସ୍ଥ୍ୟର ଧ୍ୟାନ ରଖିବା ପୂରା ଭୁଲିଯାଏ। ଟଙ୍କା ରୋଜଗାର କରିବା ସମସ୍ତଙ୍କ ଜୀବନର ମୁଖ୍ୟ ଉଦେଶ୍ୟ ପାଲଟିଯାଇଛି। ଏଥିପାଇଁ ଶରୀର ପ୍ରତି କେହି ଧ୍ୟାନ ଦେଉନାହାନ୍ତି। ଆଜିକାଲି ଅଧିକାଂଶ ଲୋକେ ଓଜନ ବଢିବା ସମସ୍ୟାର ଶିକାର ହେଉଛନ୍ତି। ତେବେ ରାତିରେ ଏହି ସବୁ ଖାଦ୍ୟ ଖାଇଲେ ଓଜନ ବଢିବା ସୁନିଶ୍ଚିତ।

ରାତିରେ ଶୋଇବା ପୂବର୍ରୁ ବଟର ଖାଇବା ଅନୁଚିତ୍‌। ବଟର ଖାଇଲେ ଓଜନ ଖୁବ ଶୀଘ୍ର ବଢେ। ଏଥିପାଇଁ ରାତିରେ ବଟରରେ ତିଆରି ହୋଇଥିବା ଖାଦ୍ୟ ଖାଇବା ଅନୁଚିତ୍‌। ଓଜନ ବଢିବା ସମସ୍ୟା ଥିଲେ ରାତିରେ ଘିଅ ବା କ୍ରିମ୍‌ ଖାଇବା ଅନୁଚିତ୍‌। କାରଣ ଏହା ଓଜନ ବଢାଇବେରେ ସାହାଯ୍ୟ କରେ।

ରାତିରେ ଶୋଇବା ପୂର୍ବରୁ ହ୍ବାଇଟ୍‌ ବ୍ରେଡ୍‌ ଖାଇବା ଅନୁଚିତ୍‌। ହ୍ବାଇଟ୍‌ ବ୍ରେଡ ଖାଇଲେ ଉଚ୍ଚ ରକ୍ତ ଚାପ ଓ ସୁଗରର ମାତ୍ରା ବଢିଥାଏ। ଏଥିରେ ଫାଇବର ଭରପୁର ମାତ୍ରାରେ ଥାଏ। ଯେଉଁଥିପାଇଁ ଶରୀରରେ ଫ୍ୟାଟ୍‌ ମାତ୍ରା ବଢେ।

କଦଳୀ ଖାଇବା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ହେଲେ ରାତିରେ ଶୋଇବା ପୂର୍ବରୁ କଦଳୀ ଖାଇ ଶୋଇଲେ ଓଜନ ବଢିବାର ସମ୍ଭାବନା ଥାଏ।

ନୃସିଂହ ପୁରାଣ “🌹☘️🌸

☘️ଭାଗ : ୩୧୬ !!☘️

ତାରିଖ :୦୨.ଏପ୍ରିଲ.୨୦୨୨,ଶନିବାର !!
ରଚନା : ଦୁଷ୍ମନ୍ତ କୁମାର ମିଶ୍ର !!
କାହାଣୀ କ୍ରମିକ ସଂଖ୍ୟା : ୪୩୭୫ !!
ସଂଗ୍ରହ : ꧁༒ 💖ৡ କୃଷ୍ଣ ৡ💖༒꧂
!
❀꧁❀꧂❀꧁❀꧂❀꧁❀꧂❀
______________
🌻☘️🌸🌼🌼🙏🌼🌼🌸☘️🌻

ଶେଷ ଓ ନୃସିଂହଙ୍କ ବିଦ୍ୟା ପଢ଼ାଇବା ପାଇଁ କନକାବତୀ ଯାତ୍ରା

ପକ୍ଷୀରାଜ ଭଗବାନ ଶେଷ ,ନୃସିଂହ ଓ ମାୟା ପିତା କୃଷ୍ଣ ବଲ୍ଲଭଙ୍କୁ ନିଜ ପୃଷ୍ଠରେ ବସାଇ ପହଣ୍ଡି ବିଜେ କଲା ଭଳି ଚାଲିଲେ ।ଖଣ୍ଡେ ଦୂରରୁ ଅଶୀଳ ଏ ତିନି ଜଣଙ୍କୁ ଦେଖି ନିଜେ ସଜ ହୋଇଗଲା ।ଅଶୀଳ ଦୈତ୍ୟ ଦେଖିଲା ଗରୁଡ଼ ତିନି ମୂର୍ତ୍ତି କୁ ସାଥି ରେ ଧରି ବସିଛି ।ମଝିରେ ପିତା ଓ ବାମ ଓ ଡାହାଣ ରେ ଦୁଇ ଭାଇ ବସିଛନ୍ତି ।ଅଶୀଳ ଦୈତ୍ୟ ବଡ଼ ପାଟିରେ କହିଲା -ହୋ କୃଷ୍ଣ ବଲ୍ଲଭ !ରାଜା ମୁରାସୁର ର ଆଜ୍ଞା ଏବେ ଆସିଲା ।ତୁ ଏତେ ବିଳମ୍ବ କାହିଁକି କରୁଛୁ ?ଶୀଘ୍ର ପୁତ୍ରକୁ ଧରି ମୁରାସୁର ନିକଟରେ ହାଜର ହୁଅ ।ନ ହେଲେ ତୁମେ ବୋଲଣା ପାଇବାଟା ନିଶ୍ଚିତ ।ଯାହାର ନାମ ଶୁଣିଲେ ସବୁଲୋକ ଚମକି ଉଠନ୍ତି ତୁମେ ତିନିଜଣ ତାଙ୍କ ପାଖକୁ ଯାଉଛ ବୋଲି ମନେରଖ।ମୋତେ ତ ଛାମୁଙ୍କ ନିକଟ କୁ ଯିବାକୁ ଡର ଲାଗୁଛି କାରଣ ବହୁତ ବିଳମ୍ବ ହୋଇ ଗଲାଣି ।ଅଶୀଳ ଦୈତ୍ୟ ଏହିପରି ଆଣ୍ଟ କରି କହିବାରୁ ମାୟା କୃଷ୍ଣ ବଲ୍ଲଭ କାନ୍ଦି ପକାଇଲେ ଓ କହିଲେ
-ସତରେ କଅଣ ମୋ ଦୁଇ ପୁଅ ଓ ମୁଁ ମୁରାସୁର ନିକଟକୁ ବିଳମ୍ବ ରେ ଯାଉଛୁ ବୋଲି ସେ ଆମକୁ ବନ୍ଦୀ କରି ରଖିବ ।ମୋ ପୁଅ ମାନେ ଯଦି ବନ୍ଦୀ ହୋଇ ରହିବେ ତାହାଲେ ମୋ ଦିନ ଗୁଡିକ କିପରି କଟିବ । ଭୁଞ୍ଜିବା ଅନ୍ନ ମୋତେ ସବୁ ପିତା ଲାଗିବ । ଭଗବତୀ ଏକଥା ଚିନ୍ତା କରି କରି ମରିଯିବ ।ରାଜା କୃଷ୍ଣ ବଲ୍ଲଭ କାନ୍ଦୁଥାନ୍ତି ଓ ଅଶୀଳ ଅସୁର କୁ କହୁଥାନ୍ତି ଯେ -ରେ ଦୈତ୍ୟ ଚାଲ ,ମୁଁ ତୁମ ରାଜାଙ୍କ ହସ୍ତରେ ମୋ ଦୁଇ ପୁଅଙ୍କୁ ସମର୍ପି ଦେଇ ପୁଣି କୁହାକୁହି କରି ଘେନି ଆସିବି ।ଯଦି ତୁମ ରାଜା ମୋ କଥା ନବୁଝନ୍ତି ତେବେ ତାଙ୍କୁ ତିଆରି ତୁମ ରାଜ୍ୟରୁ ବାହାରି ଆସିବି ।

ଦୈତ୍ୟ ଅଶୀଳ ଏକଥା ଶୁଣି ରାଜା କୃଷ୍ଣ ବଲ୍ଲଭ ଙ୍କୁ ବହୁ ପ୍ରସଂଶା କଲା ଓ କହିଲା ଏ ସବୁ ବଡ଼ ଲୋକଙ୍କ ମହିମା ।ବଡ଼ ଲୋକ ମାନେ ଏକା ବଡ଼ କଥା ଜାଣନ୍ତି ।ସମସ୍ତେ ହାନି ଲାଭ ଜାଣି ପାରନ୍ତି ନାହିଁ ।ଆପଣ ନିଶ୍ଚିତ ବଡ଼ ଲୋକ ରାଜା ବଲ୍ଲଭ ।ଅଶୀଳ କହିଲା ହେ ରାଜା ବଲ୍ଲଭ !ଆଉ ବିଳମ୍ବ କଥା ମୋ ଆଗରେ ନକହି ପୁତ୍ରକୁ ଧରି ମୋ ପାଖକୁ ଆସ । ରାଜା ବଲ୍ଲବ କହିଲେ -ଆଉ ବିଳମ୍ବ ନାହିଁ ,ତୁମେ ଦେଖ ମୋ ଦୁଇପୁଅ ଗରୁଡ଼ ଉପରେ ବସି ଗଲେଣି ।ଅଶୀଳ କହିଲା ତୁମେ ମୋ ଆଗରେ ଚାଲ ।ତୁମ ପଛରେ ମୁଁ ଯାଇଁ ଆଗ ପହଁଞ୍ଚିବି ।

ଅଶୀଳ କଥା ଶୁଣି ପ୍ରଭୁ ନୃସିଂହ ଗରୁଡ଼କୁ ଠାରି କହିବାରୁ ଗରୁଡ଼ ଶୁନ୍ୟମାର୍ଗରେ ଉଠିଲା ।ଗରୁଡ଼ ପଛରେ ଅଶୀଳ ଯାଉଥାଏ ।ବଦ୍ରିକା ଆଶ୍ରମ ରୁ କନକାବତୀ ପୁର ପାଞ୍ଚ ଶହ ଯୋଜନ ଦୂର ବାଟ ଅଟେ ।ଗୋଟିଏ ପ୍ରହର ମଧ୍ୟରେ ଗରୁଡ଼ ପ୍ରଭୁଙ୍କୁ ନେଇ କନକାବତୀ ପୁର ରେ ପ୍ରବେଶ କରାଇ ଦେଲା ।କନକାବତୀ ପୁର ପଶ୍ଚିମ ମୁଣ୍ଡରେ ପ୍ରଭୁ ସଦାଶିବ ବିଜେ କରିଛନ୍ତି ।ନୃସିଂହ ଓ ଶେଷଦେଵ ସେହି ସ୍ଥାନକୁ ଗଲେ ।
ଖଗେଶ୍ୱର କନ୍ଧୁ ରୁ ଦୁଇ ଭାଇ ଓଲ୍ହାଇଲେ ।ମାୟା ପିତାଙ୍କୁ ସଙ୍ଗରେ ନେଇ ସ୍ନାନ କଲେ ।ସନ୍ଧ୍ୟା କର୍ମ ସାରି ସୂର୍ଯ୍ୟ ଙ୍କୁ ଅର୍ଘ୍ୟ ଦେଲେ ।ଦେବାର୍ଚ୍ଚନା ସାରି ପ୍ରଭୁ ଶୀତଳ ମଣୋହୀ କଲେ ।ଆଚମନ ସାରି ପ୍ରଭୁ ବିହରଣ କଲେ ।ଗରୁଡ଼ ମଧ୍ୟ ସେହି ପରି ସନ୍ଧ୍ୟା ତର୍ପଣ ସାରି ମଣୋହୀ କରି ନୃସିଂହଙ୍କ ସେବାରେ ଲାଗିଲା ।ଶେଷ ଓ ନୃସିଂହଙ୍କୁ ସେହି ଶିବ ମନ୍ଦିର ପାଖରେ ରଖି ଦେଇ ଅଶୀଳ ଦୈତ୍ୟ ମୁରାସୁର ନିକଟକୁ ଗଲା । ଅଶୀଳ ଦୈତ୍ୟ ଦେଖି ମୁରାସୁର ହସ ହସ ହେଲା ।କିରେ ଅଶୀଳ ଆସିଲୁ କି ?ମୁରାସୁର ପଚାରିଲା ।ଦୂତ କହିଲା ହେ ସ୍ୱାମୀ !ଆପଣଂକ ଆଜ୍ଞା ପ୍ରମାଣେ ବାପ ପୁଅ ତିନି ଜଣଙ୍କୁ ଆଣି ଆସିଅଛି ।ଆମ ନଗରର ପଶ୍ଚମ ଦିଗରେ ଥିବା ଶିବ ମନ୍ଦିର ପାଖରେ ସେମାନେ ଅଛନ୍ତି ।ଆପଣଂକ ଆଜ୍ଞା ହେଲେ ଏଠାକୁ ସେମାନଙ୍କୁ ଆଣିବି ।

ମୁରାସୁର କହିଲା -ମୋ ନିକଟକୁ ସେ ଦୁଇଭାଇ ଓ କୃଷ୍ଣ ବଲ୍ଲଭ କୁ ଘେନି ଆସ ।ତାଙ୍କର ବର୍ଣ୍ଣ କିପରି ମୁଁ ଦେଖିବାକୁ ଚାହେଁ ।ତାପରେ ଯାଇଁ ତାଙ୍କ ପାଇଁ ଘର ର ବ୍ୟବସ୍ଥା କରିବି ।ଦିନେ ହେଲେ ବି ମୋ ପୁଅମାନେ ତା ଠାରୁ ବିଦ୍ୟା ପଢିବେ ।ଅଶୀଳ ଦୈତ୍ୟ ମୁରାସୁର ଆଜ୍ଞା ପାଇ ଶୀଘ୍ର ଚାଲିଗଲା ଓ କୃଷ୍ଣ ବଲ୍ଲଭ ଙ୍କୁ କହିଲା ତୁମେ ମାନେ ଶୀଘ୍ର ମୋ ସହିତ ଆସ ।ଏବେ ମୁରାସୁର ଆଜ୍ଞା ଦେଲା ଓ କହିଲା ମୁଁ ଚକ୍ରପାଣି ଙ୍କୁ ଦେଖିବାକୁ ଚାହେଁ ।ଏକଥା ଶୁଣି ବିଷ୍ଣୁ ମାୟା ପିତା ହରଷ ହୋଇ ଉଠିଲେ ।ଦୁଇ ପୁଅକୁ ଧରି ରାଜା ବଲ୍ଲଭ ମୁରାସୁର ନିକଟକୁ ଗଲେ ।ତାଙ୍କ ପଛରେ ଗରୁଡ଼ ଧୀରେ ଧୀରେ ଯାଉଥାଏ ।ପହଣ୍ଡି ସମୟରେ ଜଗନ୍ନାଥ ଯେପରି ଦେଖା ଯାଆନ୍ତି ସେହିପରି ଦୁଇ ଭାଇ ଓ ମାୟା ପିତା ବଲ୍ଲଭ ସେହିପରି ବିଜେ କରୁଥିଲେ ।କନକାବତୀ ପୁରରେ ଯେତେ ନାରୀ ଥିଲେ ଚାରିପାଖରେ ରହି ଭଗବାନ ଶେଷ ନୃସିଂହଙ୍କ ଚାଲି କୁ ଦେଖୁଥିଲେ ।କିଏ କହୁଥାଏ ଏମାନେ କେଉଁ ଠାରୁ ଆସିଲେ ?କିଏ କହିଲା ଏ ସାକ୍ଷ୍ୟାତ ପରଂବ୍ରହ୍ମ ବୋଲି ସଖୀ ତୁ ଜାଣିଥା ।କିଏ କହିଲା ଏ ହେଉଛନ୍ତି ହରି ଓ ହର ବୋଲି ଜାଣେ ।ଆର ଜଣଙ୍କ ଏହାଙ୍କର ଜନଙ୍କ ଅଟନ୍ତି ।ପିତା ପୁତ୍ର ପରି ଏମାନେ ଦେଖା ଯାଉଛନ୍ତି ।କେଉଁ ନାରୀ କହିଲା ଏ ସ୍ୱର୍ଗର ଇନ୍ଦ୍ର ଅଟନ୍ତି ।ରାଜା ମୁରାସୁର ନିକଟକୁ ସନ୍ଧି କରିବାକୁ ଆସିଛି ।କିଏ କହିଲା ଏ ନୀଳଗିରି ରୁ ଜଗନ୍ନାଥ ଆସିଛନ୍ତି ।କିଏ କହିଲା ଚନ୍ଦ୍ର ଓ ସୂର୍ଯ୍ୟ ରୂପ ଧରି ଏ ଦୁଇଭାଇ ଆସିଛନ୍ତି ।କେଉଁ ନାରୀ କହିଲା ଏ କାମଦେବ ଙ୍କର ଦୁଇଟି କର୍ଣ୍ଣ ।ସମସ୍ତ ନାରୀମାନେ ଶେଷ ଓ ନୃସିଂହଙ୍କୁ ଦେଖି ଛନ୍ନ ଛନ୍ନ ହେଲେ ।କେଉଁ ନାରୀ କହିଲା ମାୟା ରୂପ ଧରି ହରି ହର ଆସିଛନ୍ତି କପଟ କରି ମୁରାସୁର କୁ ମାରିକି ଯିବେ ।କିଏ କହିଲା ଦୁଇ ଭାଇ ଲୀଳାଗତ ହୋଇ ଦାଣ୍ଡରେ ବୁଲୁଛନ୍ତି ଓ ସମସ୍ତଙ୍କ ମନ ମୋହିବା ପାଇଁ ଆସିଛନ୍ତି ।କିଏ କହିଲା ଏ ହେଉଛନ୍ତି କାମଦେବ ।ଯୁବତୀ ଙ୍କୁ ଦେଖି ଏ ନିଶ୍ଚିତ କାମରେ ବାଇ ହେବେ ।କିଏ କହିଲା ଆମେ ଏ ପୁରୁଷର କେତେ ରୂପ ଦେଖୁଛେ ।ଏଭଳି ପୁରୁଷ କୁ ଯେଉଁ ନାରୀ ପାଇବ ସେ ନିଶ୍ଚିତ ଭାଗ୍ୟବତୀ ।ମଝିରେ ଏଦୁଇ ଭାଇ ଙ୍କର ବାପ ଅଛନ୍ତି ଓ ପଛରେ ଗରୁଡ଼ ଯାଉଛି ।ସକଳ ନାରୀ ମାନେ କହିଲେ ଯେ ଆମେ ପୂର୍ବରୁ କେତେ ଭାଗ୍ୟ କରିଥିଲେ ଯେ ଆଜି ଗରୁଡ଼ ସହିତ ନରହରି ଙ୍କୁ ଦର୍ଶନ କଲେ ।ଆମ ପୁରରେ ଆଜି ଭଗବାନ ଶଙ୍ଖ ,ଚକ୍ରଧରି ବିଜେ କରିଛନ୍ତି ।ଆମ୍ଭ ମାନଙ୍କ ମୋକ୍ଷ ପାଇଁ ବ୍ରହ୍ମ ରାଶି ଆସିଛନ୍ତି । କିଏ କହିଲା ହେ ସଖୀ ମୁରାସୁର ପୁତ୍ର ମାନଙ୍କୁ ବିଦ୍ୟା ପଢ଼ାଇବା ପାଇଁ ମୁରାସୁର ଅସୁର ଦୈତ୍ୟ ଅଶୀଳ ହାତରେ ଏମାନଙ୍କୁ ଡକାଇ ଅଛି ।କିଏ କହିଲା ଆମେ ଆଗରୁ ଶୁଣିଛୁ ଯେ ଏ ଦୁଇ ଭାଇ ମୁରାସୁର ପୁଅ ମାନଙ୍କୁ ପାଠ ପଢ଼ାଇବେ। ।କିଏ କହିଲା ରାଜ ପୁତ୍ର ଙ୍କର ଭାଗ୍ୟ ଯୋର ।ଶ୍ରୀମୁଖ ରୁ ବିଦ୍ୟା ଶୁଣି ମୋକ୍ଷ ହୋଇଯିବେ । କିଏ କହିଲା ଅଦୃଷ୍ଟେ ଯାହାର ଯାହା ଥିବ ଦୈବ୍ୟ ତାକୁ ଆଣି ସେଇୟା ଦେବ
କିଏ କହିଲା କାହାକୁ ଏ କଥା ଜଣାନାହିଁ ।ଏଥିରେ ଭଲ ମନ୍ଦ ଦୁଇ କଥା ଅଛି ।ପଣ୍ଡିତ ଲୋକ କହିଲେ ଏହାହିଁ ସତ ।ଏକଥା ଅପୂର୍ଵ ଓ ଆଲୋକିତ ଅଟେ। ଏ ଦୁଇ ଭାଇ ପ୍ରତ୍ୟକ୍ଷ ରେ ବିଷ୍ଣୁ ଭଳି ଦେଖା ଯାଉଛନ୍ତି ।ଏଥିରେ ଶୁଭ କି ଅଶୁଭ ଅଛି ଜଣା ପଡିବ ।ଏକଥା କେବଳ ବିଧାତାକୁ ଜଣା ।ଭଲ ଯୋଗ ଥିଲେ ଭଲ ବୁଝାବଣା ହେବ ।ସବୁବେଳେ ପ୍ରାଣୀକି ଭଲ ଯୋଗ ନଥାଏ ।ଅତି ଉଗ୍ର ହେଲେ ଅତି ଅଳ୍ପ ଭୋଗ କରେ ।

କିଏ କହିଲା ଆମେ ପୂର୍ବରୁ ପଣ୍ଡିତଙ୍କ ମୁଖରୁ ଶୁଣିଅଛୁ ଯେ ମୁରାସୁର ଯେତେବେଳେ ହର ଙ୍କୁ ବର ମାଗିଲା ସେତେବେଳେ କହିଲା ମୁଁ ଅମର ହୋଇ ସଂସାରରେ ରହିବି ।ବିଧାତା ଯେତେ ଦିନ ଥିବେ ମୁଁ ସେତେଦିନ ରହିବି ।ଉମାବର ଏକଥାରେ ହଁ କରିଦେଲେ ।ବର ଦେଇ ହର କହିଲେ -ରେ ମୁରାସୁର !ତୁ ଶ୍ରୀହରିଙ୍କ ସହିତ ଲାଗିବୁ ନାହିଁ ।ଯଦି ଲାଗିବୁ ତେବେ ଚକ୍ରପାଣି ଙ୍କ ହାତରେ ମରିବୁ ।ଯେଉଁ ସମୟରେ ମୁର ଦୈତ୍ୟ ଦିଗ୍ ବିଜୟ କଲା ।ସେହି ସମୟରେ ଶାକଲ୍ୟ ଦ୍ବୀପ ରେ ଯାଇଁ ବିଷ୍ଣୁ ଙ୍କୁ ଭେଟିଥିଲା ।ପ୍ରଭୁ ବାଳକ ରୂପରେ ଶୋଇଥିଲେ ।ପୁତ୍ର କରି ରଖିବ ବୋଲି ବିଷ୍ଣୁଙ୍କୁ ଟେକି ଆଣୁଥିଲା ।ଭାର ସମ୍ଭାଳି ନପାରି ତାଙ୍କୁ ଛେଚି ପକାଇଲା ।ପ୍ରଭୁ ନୃସିଂହଙ୍କର କିଛି ହେଲାନାହିଁ ସେ ଯାଇଁ ଶାକଲ୍ୟ ପୁରରେ ରହିଲେ ।ମୁରା ଶାକଲ୍ୟ ନଗରକୁ ପୋଡ଼ିଦେଲା ।ହେଲେ ନାରାୟଣ ଙ୍କର କିଛି ହେଲାନାହିଁ ।ସେହିପରି ପ୍ରଭୁ ନୃସିଂହ ଶେଷ ଏଠାକୁ ଆସିଛନ୍ତି ।

ମୁରାସୁର ଜଗତି ଉପରେ ବିରାଜ ମାନ ।ଏହି ସମୟରେ ଭଗବାନ ଶେଷ ,ନୃସିଂହ ଓ ରାଜା କୃଷ୍ଣ ବଲ୍ଲଭ ମୁରାସୁର ସଭାକୁ ପ୍ରବେଶ ହେଲେ ।