🙏🏻” ଆଜିର ଅନୁଚିନ୍ତା “🙏🏻

🦋”ଜୀବନ ସମସ୍ୟାରେ ପରିପୂର୍ଣ୍ଣ! ସମସ୍ୟା ସ୍ଥାୟୀ ନୁହେଁ କିନ୍ତୁ ଜୀବନ ସ୍ଥାୟୀ ତେଣୁ ଆତ୍ମବିଶ୍ୱାସର ସହିତ ସମସ୍ୟାର ସମ୍ମୁଖୀନ ହୁଅନ୍ତୁ ଏବଂ “ନିଜ ଜୀବନକୁ ଉପଭୋଗ କରନ୍ତୁ” !!

🦋”ପ୍ରତ୍ୟେକ ସଫଳ ବ୍ୟକ୍ତିଙ୍କର ଏକ ଯନ୍ତ୍ରଣାଦାୟକ କାହାଣୀ ଅଛି | ପ୍ରତ୍ୟେକ ଯନ୍ତ୍ରଣାଦାୟକ କାହାଣୀର ଏକ ସଫଳ ସମାପ୍ତି ଅଛି !!”

🦋”ଶକ୍ତି ଏବଂ ଅର୍ଥ ଜୀବନର ଫଳ! କିନ୍ତୁ ପରିବାର ଏବଂ ବନ୍ଧୁମାନେ ଜୀବନର ମୂଳ! ଆମେ ଫଳ ବିନା ଚଳି ପାରିବା କିନ୍ତୁ “ROOTS” ବିନା କଦାପି ଠିଆ ହୋଇପାରିବା ନାହିଁ !!”

🦋”ଯଦି କେହି ପ୍ରଶଂସା କରନ୍ତି, ତୁରନ୍ତ ନାଚିବା ଆରମ୍ଭ କରନ୍ତୁ ନାହିଁ, ମନେରଖନ୍ତୁ ପ୍ରଶଂସାର ବ୍ରିଜ୍ ତଳେ ମତଲବର ନଦୀ ପ୍ରବାହିତ ହେଉଛି !!”

🦋”ସେହି ବ୍ୟକ୍ତି ଯେଉଁମାନେ ଅମୂଲ୍ୟ, କ୍ରୋଧରେ ମଧ୍ୟ, କଥା ହେବାକୁ, ଭଦ୍ରତାକୁ ଭୁଲି ନାହାଁନ୍ତି .. !!”

ଆଜି ଆସନ୍ତୁ ଜାଣିବା ଶୀତ ଋତୁରେ ସ୍ନାନ ପାଇଁ କେଉଁ ପାଣି ସର୍ବୋକୃଷ୍ଟ ?
ଗରମ ନା ଥଣ୍ଡା ପାଣି ଏ ସମ୍ବନ୍ଧରେ :-

📝ଶୀତଋତୁର ଆଗମନ ହେଲେ କିଛି ହେଉ କି ନ ହେଉ ଆଲମିରା ଭିତରୁ ଗରମ ପୋଷାକ ଓ ଗାଧୋଇବା ସମୟରେ ଗରମ ପାଣିର ବ୍ୟବହାର ନିହାତି ହୋଇଥାଏ । ତେବେ ଶରୀର ପାଇଁ ଗରମ ନା ଥଣ୍ଡା କେଉଁ ପାଣି ହୋଇଥାଏ ଅଧିକ ଲାଭଦାୟକ ? ଏନେଇ କ’ଣ କୁହନ୍ତି ବିଶେଷଜ୍ଞ , ଆସନ୍ତୁ ଜାଣିରଖିବା । ଚାପ , ଅବସାଦରୁ ମସ୍ତିଷ୍କକୁ ଶାନ୍ତ ଏବଂ ସକ୍ରିୟ କରିବାକୁ ହେଲେ ଥଣ୍ଡା ପାଣି ଏବଂ ଦିନତମାମର ଥକ୍କାପଣ ଏବଂ ଶରୀରର ଯନ୍ତ୍ରଣାକୁ ଦୂର କରିବା ପାଇଁ ଗରମ ପାଣିରେ ଗାଧୋଇବା ଭଲ ହୋଇଥାଏ । କିନ୍ତୁ ବାସ୍ତବରେ କ’ଣ ଏହା ସତ ?

💌ଥଣ୍ଡା ପାଣିରେ ଗାଧୋଇବା କେତେ ଠିକ୍ ?

❣️ଦୁନିଆର ଅନେକ ସ୍ଥାନରେ ଗାଧୋଇବା ପାଇଁ ଥଣ୍ଡା ପାଣିର ବ୍ୟବହାର ହିଁ କରାଯାଏ । ଏଥିରେ ଅନେକ ପ୍ରକାର ଫାଇଦା ମିଳିଥାଏ । କିନ୍ତୁ ଡ଼ାକ୍ତରଙ୍କ କହିବାନୁସାରେ , କିଛି ସ୍ଥିତିରେ ଥଣ୍ଡାପାଣିରେ ଗାଧୋଇବା ସ୍ୱାସ୍ଥ୍ୟ ପାଇଁ ଗମ୍ଭୀର ସମସ୍ୟାର କାରଣ ପାଲଟିପାରେ । ଯଦି ଆପଣଙ୍କୁ ହୃଦୟଜନିତ ସମସ୍ୟା ରହିଛି ତେବେ ଥଣ୍ଡା ପାଣି ଗାଧୋଇବା ଆପଣଙ୍କୁ ଅସୁବିଧାରେ ପକାଇପାରେ । ଥଣ୍ଡା ପାଣିର ପ୍ରୟୋଗ ହୃଦୟ ଉପରେ ଅତିରିକ୍ତ ଚାପ ପକାଇଥାଏ ଯେଉଁଥିରେ ହୃଦସ୍ପନ୍ଦନର ଅନିୟମିତତା ଭଳି ସମସ୍ୟା ଦେଖାଯାଏ । ତେବେ ଶରୀର ସୁସ୍ଥ ଥିବା ଲୋକଙ୍କୁ ସକ୍ରିୟ ଏବଂ ଉର୍ଜ୍ଜାବାନ୍ ରଖିବା ପାଇଁ ଥଣ୍ଡାପାଣିରେ ଗାଧୋଇବା ଭଲ ହୋଇଥାଏ । ତେବେ ଥଣ୍ଡାପାଣିରେ ଗାଧୋଇବା ସମୟରେ ଶରୀରକୁ ପ୍ରଥମେ ସମୟ ଦିଅନ୍ତୁ । ପ୍ରଥମେ ଗୋଡ଼ , ହାତରେ ପାଣି ପକାଇ ଧିରେ ଧିରେ ସମ୍ପୁର୍ଣ୍ଣ ଦେହରେ ପାଣି ପକାନ୍ତୁ । ଏହାଦ୍ୱାରା ମସ୍ତିଷ୍କ ପାଣିର ତାପମାନ ବିଷୟରେ ଅବଗତ ହୋଇଯାଏ ।

💌ଗରମ ପାଣିରେ ଗାଧୋଇବା କେତେ ଲାଭଦାୟକ ?

❣️ଶରୀରକୁ ଥକ୍କାପଣରୁ ଆରାମ ଦେବାପାଇଁ ଗରମ ପାଣିରେ ଗାଧୋଇବାକୁ ଲୋକମାନେ ସର୍ବକୃଷ୍ଟ ଭାବନ୍ତି । ହେଲେ ଡ଼ାକ୍ତର ଏହି ଯୁକ୍ତିକୁ ନେଇ ଆଦୌ ସନ୍ତୁଷ୍ଟ ନୁହଁନ୍ତି । ଚିକିତ୍ସକଙ୍କ କହିବାନୁସାରେ , ତ୍ୱଚା ପାଇଁ ଗରମ ପାଣି ଆଦୌ ଠିକ୍ ହୋଇନଥାଏ । ତ୍ୱଚାର ଚିକ୍କଣପଣକୁ ଗରମପାଣି ଶେଷ କରିଦେଇଥାଏ । ଯାହାଦ୍ୱାରା ଶୁଖିଲାପଣ ଭଳି ସମସ୍ୟା ଦେଖାଦିଏ ।

💌ସ୍ନାନ ପାଇଁ କେଉଁ ପାଣିର କରିବେ ବ୍ୟବହାର ?

❣️ଡାକ୍ତରଙ୍କ ମତନୁସାରେ , ଯେଉଁ ଲୋକଙ୍କୁ ଏକ୍ସିମା ଏବଂ ସୋରାୟସିସ୍ ଭଳି ତ୍ୱଚା ସମ୍ବନ୍ଧୀୟ ଅସୁବିଧା ଦେଖାଯାଏ ସେମାନେ ଗରମ ପାଣିର ବ୍ୟବହାରକୁ କମାଇବା ଦରକାର । ଏଥିରେ କୁଣ୍ଡିଆ ବଢିବାର ସମସ୍ୟା ଦେଖାଯାଏ । ଏହାଦ୍ୱାରା ତ୍ୱଚାରେ ଲାଲିମାର ଅଭାବ ଦେଖାଯାଏ । ଯଦି ଆପଣଙ୍କ ସ୍ୱାସ୍ଥ୍ୟ ଏକଦମ୍ ଠିକ୍ ଅଛି ତେବେ ଥଣ୍ଡାପାଣିରେ ହିଁ ଗାଧୋଇବାକୁ ଚେଷ୍ଟା କରନ୍ତୁ । ଏହାର ଅର୍ଥ ହେଉଛି , ଗରମ ପାଣିଠାରୁ ଅଧିକ ଲାଭଦାୟକ ହେଉଛି ଥଣ୍ଡାପାଣିରେ ଗାଧୋଇବା ।

ଅଦ୍ୟ ଜାନୁଆରୀ ମାସ ୨୯ ତାରିଖ ୨୦୨୨ ମସିହା(ଶନିବାର)*

ଶକାବ୍ଦ -୧୯୪୩

ସମ୍ବତ -୨୦୭୮

ସାଲ-୧୪୨୯

ସମ୍ବତ୍ସର-ରାକ୍ଷସ

ମାଘ- କୃଷ୍ଣପକ୍ଷ

ତିଥି- ଦ୍ୱାଦଶି ରାତ୍ରି ଘ ୦୮/୨୬ ପର୍ଯ୍ୟନ୍ତ ତଦନ୍ତେ ତ୍ରୟୋଦଶୀ

ନକ୍ଷତ୍ର- ମୂଳା ରାତ୍ରି ଘ ୦୩/୧୧ ପର୍ଯ୍ୟନ୍ତ ତଦନ୍ତେ ପୂର୍ବାଷାଢ଼।

ଚନ୍ଦ୍ର- ଧନୁ

ଯୋଗ-ବ୍ୟାଘାତ

କରଣ – କୌଳବ

ସୌରମାସ- ମକର ୧୬ ଦିନ

✧═════•❁❀❁•═════✧

ସୁର୍ୟୋଦୟ-ପ୍ରାତଃ ଘ୦୬/୨୬/୫୦

ସୂର୍ଯ୍ୟାସ୍ତ -ସନ୍ଧ୍ୟା ଘ୦୫/୩୩/୨୮

*✧═════•❁❀

ଯୋଗିନୀ ନୈରୁତେ ରାତ୍ରି ଘ ୦୮/୨୬ ପର୍ଯ୍ୟନ୍ତ ତଦନ୍ତେ ଦକ୍ଷିଣେ

ବୃଷ,ସିଂହ ଓ କନ୍ୟା ରାଶିର ଘାତବାର

ଦ୍ୱାଦଶୀ ର ଏକୋଦିଷ୍ଟ ଓ ପାର୍ବଣ ଶ୍ରାଦ୍ଧ

✧═════•❁❀❁•═══

କାଳବେଳ। -ଦିବା ଘ୦୭/୫୦ ମଧ୍ୟେ ଓ ଘ ୦୪/୦୯ ଗତେ ଘ୦୫/୩୫ ମଧ୍ୟେ

ବାର ବେଳା – ଦିବା ଘ ୦୧/୨୫ ଗତେ ଘ୦୨/୫୦ ମଧ୍ୟେ

══•❁❀❁•═══

ବିଶୁଦ୍ଧ ଅମୃତ ବେଳ। – ଦିବା ଘ ୧୦/୨୭ ଗତେ ଘ୦୧/୩୮ ମଧ୍ୟେ ଓ ରାତ୍ରି ଘ୦୭/୫୫ ଗତେ ଘ୦?୧୦/୧୯ ମଧ୍ୟେ

ବିଶୁଦ୍ଧ ମ।ହେନ୍ଦ୍ର ବେଳ।- ନାସ୍ତି

═✧══•❁❀❁•═════✧

ଅଦ୍ୟ ପୋଇ ରାତ୍ରି ଘ ୦୮/୨୬ ଗତେ ବାଇଗଣ ଭକ୍ଷଣ ନିଷେଧ

ଆଜିର ରାଶିଫଳ

🌹ମେଷ🌹👉:-କର୍ମକ୍ଷେତ୍ରରେ ସହକର୍ମୀମାନଙ୍କୁ ସୁପରାମର୍ଶ ଓ ପ୍ରେରଣା ଦେଇ କର୍ମକ୍ଷେତ୍ରରେ ପ୍ରଶଂସିତ ହେବେ। ଦୀର୍ଘ ସମୟ ଧରି ଅପପେକ୍ଷା ବନ୍ଧୁଙ୍କୁ ଭେଟିପାରନ୍ତି। ସାଧାରଣ କଥାକୁ ନେଇ ପାରିବାରିକ ଅସହଯୋଗରୁ ଶେଷ ପର୍ଯ୍ୟାୟରେ କାମ ଗୁଡିକ ଅଧାରେ ଅଟକିଯିବ। ପାରିବାରିକ ଚାପ ଦୃଷ୍ଟିରୁ ମାନସିକ ସ୍ତରରେ କଷ୍ଟ ସ୍ବୀକାର କରିବେ।

🌹ବୃଷ🌹👉:-ଆଜି ଆପଣଙ୍କର ମାନସିକ ସ୍ବାସ୍ଥ୍ୟ କେତେକାଂଶରେ ଭଲ ରହି ନପାରେ। ଅଭାବ ନଥିଲେ ମଧ୍ୟ ଆକସ୍ମିକ ଆବଶ୍ୟକତା ପୂରଣ କ୍ଷେତ୍ରରେ ଅସୁବିଧା ମନେ କରିବେ। କର୍ମକ୍ଷେତ୍ରରେ ଅନ୍ୟକୁ ସାହାଯ୍ୟ କରିବାକୁ ଯାଇ ନିଜେ ହଇରାଣରେ ପଡିପାରନ୍ତି। ପଡୋଶୀଙ୍କ କଥାରେ ପ୍ରଭାବିତ ହୋଇ କୌଣସି ଭୁଲ୍‌ କାମ କରିପାରନ୍ତି।

🌹ମିଥୁନ🌹👉:-ବନ୍ଧୁମାନଙ୍କ ସାହାଯ୍ୟରେ ଭାଙ୍ଗି ପଡିଥିବା ସ୍ବାସ୍ଥ୍ୟରେ ଉନ୍ନତି ଘଟିପାରେ। ସହକର୍ମୀଙ୍କ କାର୍ଯ୍ୟାବଳୀ ଓ ଅଫିସ୍‌ର ପ୍ରତ୍ୟେକ ଘଟଣାକୁ ସନ୍ଦେହ ଦୃଷ୍ଟିରେ ଦେଖିବେ। ପ୍ରତୀକ୍ଷିତ ଖବରଟି ଆଜି ଅପରାହ୍ନେ ପାଇପାରନ୍ତି। ବନ୍ଧୁଙ୍କ ପ୍ରତିଶ୍ରୁତି ଦେଇ ଶେଷ ରେ ନାସ୍ତିବାଣୀ ଶୁଣାଇବେ।

🌹କର୍କଟ🌹👉:-ଭାବପ୍ରବଣତାବଶତଃ ଅନ୍ୟଦ୍ୱାରା ପ୍ରଭାବିତ ହୋଇ ମରିଚିକା ପଛରେ ଦୌଡି ପରିଶେଷରେ ଅନୁତାପ କରିପାରନ୍ତି। ବନ୍ଧୁଗହଣରେ ବାକ୍‌ ଅସଂଯମତା ଯୋଗୁ ସୁସମ୍ପର୍କ ବ୍ୟାହତ ହୋଇପାରେ। ବିଭିନ୍ନ ପ୍ରକାରର ଆଶା ଓ ଆଶଙ୍କାରେ ବ୍ୟବସାୟକୁ ସଙ୍କୁଚିତ କରିନେଇ ପାରନ୍ତି। ଶିଳ୍ପ, ରପ୍ତାନି ବାଣିଜ୍ୟ ଓ କଳା ସାହିତ୍ୟରେ ସମସ୍ୟା ସମାଧାନ ହୋଇଯିବ।

🌹ସିଂହ🌹👉:-ନିକଟ ଅତୀତରେ ସୃଷ୍ଟି ହୋଇଥିବା ପରିସ୍ଥିତିକୁ ସମ୍ଭାଳି ନେବାପାଇଁ ପଡୋଶୀଙ୍କ ସାହାଯ୍ୟ ଆବଶ୍ୟ ମନେ କରିବେ। କର୍ମକ୍ଷେତ୍ରରେ ଅଯଥା ମିଥ୍ୟା ଅଭିଯୋଗ ସକାଶେ ଅନ୍ୟ ଉପରେ ବିରକ୍ତି ପ୍ରକାଶ କରିପାରନ୍ତି। ପରିବାରର ବ୍ୟୟ ବୃଦ୍ଧି ଯୋଗୁ କିମ୍ବା ପରିବହନରେ ସମସ୍ୟା କାରଣରୁ ବ୍ୟସ୍ତ ରହିପାରନ୍ତି।

🌹କନ୍ୟା🌹👉:-ପାରିବାରିକ ସ୍ତରରେ ବନ୍ଧୁଙ୍କ ବ୍ୟବହାରରେ ଅସନ୍ତୁଷ୍ଟ ହୋଇ ଆଲୋଚନା କାଳରେ ସ୍ତ୍ରୀଙ୍କ ସହ ମତ ପାର୍ଥକ୍ୟ ଦେଖା ଦେଇପାରେ। କର୍ମକ୍ଷେତ୍ରରେ ଶେଷ ସମୟରେ ସୁଯୋଗ ହରାଇବା ସକାଶେ ବ୍ୟଥିତ ହୋଇପାରନ୍ତି। ଅପରାହ୍ନରେ ପୁରାତନ ରୋଗର ପୀଡା ଅନୁଭବ କରି ପାରନ୍ତି। ସାହିତ୍ୟ,କଳା, କ୍ଷେତ୍ରରୁ ପ୍ରଶଂସିତ ହେବେ।

🌹ତୁଳା🌹👉:-ଆନୁଷ୍ଠାନିକ କାମରେ ସାଙ୍ଗଠନିକ କାର୍ଯ୍ୟରେ ନେତୃତ୍ୱ ନେଇ ପ୍ରଶଂସିତ ହେବେ। ସାମାଜିକ ସ୍ତରରେ ସମ୍ମାନ ଲାଭ ଓ ପଦମର୍ଯ୍ୟାଦା ବୃଦ୍ଧି ପାଇବ। ପ୍ରତ୍ୟେକ କ୍ଷେତ୍ରରେ ଜିଦ୍‌ଖୋର ତ୍ୟାଗ କଲେ କେତେକାଂଶରେ ଉପକୃତ ହୋଇପାରନ୍ତି। ପ୍ରତ୍ୟୁଷ ଯାତ୍ରା ସମୟରେ ଯାନ୍ତ୍ରିକ ତ୍ରୁଟି ଯୋଗୁ ଯାତ୍ରାରେ ବିଳମ୍ବ ଘଟିପାରେ।

🌹ବିଛା🌹👉:-ସାଧାରଣ କଥାକୁ କେନ୍ଦ୍ରକରି ମଧ୍ୟାହ୍ନେ ମନରେ ବିରକ୍ତିଭାବ ସୃଷ୍ଟି ହୋଇପାରେ। ସଭାସମିତିରେ ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ ହୋଇପାରିବ। ପାରିବାରିିକ ସମସ୍ୟାର ସରଳ ସମାଧାନ କରିବାରେ ପଡୋଶୀଙ୍କ ଅବଦାନ ସ୍ମରଣୀୟ ରହିବ। ଗତକାଲି ଠାରୁ ଭାବୁଥିବା କାମଟିକୁ ଆଜିହିଁ ଶେଷ କରିପାରିବେନ।

🌹ଧନୁ🌹👉:-ସାମାନ୍ୟ ଶାରୀରିକ ଅସୁସ୍ଥି ଅନୁଭବ କରିବା ସହ ପ୍ରିୟଜନଙ୍କ ସହ ସମ୍ପର୍କ ହାନି ଯୋଗୁ ଚିନ୍ତିତ ହେବାକୁ ପଡିବ। ଘରେ ଭୁଲ୍‌ ବୁଝାମଣା ହେତୁ ସ୍ତ୍ରୀଙ୍କ ସହ ମତ ପାର୍ଥକ୍ୟ ଦେଖା ଦେଇପାରେ। ଆଜିର ପ୍ରତ୍ୟୁଷ ଯାତ୍ରାରେ ସଫଳତା ମିଳିବ। ବିବାଦୀୟ ପରିସ୍ଥିତିରେ ଘଟଣାର ଗୁରୁତ୍ୱ ନବୁଝି ଅଯଥା କ୍ରୋଧ ପ୍ରକାଶ କରିପାରନ୍ତି।

🌹ମକର🌹👉:-ବନ୍ଧୁଙ୍କ ଆନ୍ତରିକତାର ପରାମର୍ଶକୁ ନିର୍ବିବାଦରେ ଗହଣ କରିନେଲେ ବିଭିନ୍ନ ଦିଗରୁ ଉପକୃତ ହୋଇପାରିବେ। କର୍ମକ୍ଷେତ୍ରରେ ଉପରିସ୍ଥଙ୍କ ସାହାଯ୍ୟ ଲାଭକରି ସ୍ଥଗିତ କାମକୁ ପୂରା ଦମରେ କରିବାପାଇଁ ନିଷ୍ପତି ନେଇପାରନ୍ତି। ପ୍ରତ୍ୟେକ କ୍ଷେତ୍ରରେ ନୀରବଦ୍ରଷ୍ଟା ଭଳି କାମ କରି ସମସ୍ୟା ସମାଧାନ କରିପାରିବେ।

🌹କୁମ୍ଭ🌹👉:-ସରଳ ଭାବରେ କୌଣସି କଥାକୁ ଗ୍ରହଣ ନ କରି ପରୀକ୍ଷା କରି କାମରେ ଲଗାଇଲେ ଉପକୃତ ହୋଇପାରିବେ। ଅଫିସରେ ବାଦବିବାଦ କ୍ରମେ ଜଟିଳ ହେବ କିନ୍ତୁ ଆପଣ ଅବଶ୍ୟ ସଫଳତା ହାସଲ କରିବେ। ଜମିଜମା ବ୍ୟବସାୟରେ ଉନ୍ନତି କରିବା ସହ ନିକଟ ସମ୍ପର୍କୀୟଙ୍କ ସହ ସମ୍ପର୍କରେ ଉନ୍ନତି ପରିଲକ୍ଷିତ ହେବ।

🌹ମୀନ🌹👉:-ଆଜି ଲକ୍ଷ୍ୟ ପୂରଣ ହେବାରେ ଜଣେ ଅଜଣାବନ୍ଧୁଙ୍କ ସାହାଯ୍ୟ ଅବିସ୍ମରଣୀୟ ରହିବ। କୈାଣସି କ୍ଷେତ୍ର୍ରରେ ଆଜି ତରବରିଆ ପଦକ୍ଷେପ ନେବା ଠିକ୍‌ ହେବ ନାହିଁ। ଅସମର୍ଥିତ ସୂତ୍ରରୁ ଶୁଣାକଥାକୁ ବିଶ୍ୱାସ କଲେ ଅସୁବିଧାର ସମ୍ମୁଖୀନ ହୋଇପାରନ୍ତି। ପାରିବାରିକ ଅଶାନ୍ତି ଦେଖାଦେଇପାରେ।