ନୂଆଦିଲ୍ଲୀ: ଏକ ମର୍ମନ୍ତୁଦ ଦୁର୍ଘଟଣା ପରେ ଦୁଇଟି ଟ୍ରେନରେ ଭୟଙ୍କର ନିଆଁ ଲାଗିଯାଇଛି। ଦକ୍ଷିଣ ନେଦରଲ୍ୟାଣ୍ଡରେ ଏହି ଦୁର୍ଘଟଣା ଘଟିଥିବା ନେଇ ଜଣାପଡ଼ିଛି। ଦକ୍ଷିଣ ନେଦରଲ୍ୟାଣ୍ଡର ଏକ ମାଲବାହୀ ଟ୍ରେନ୍ ଏବଂ ଏକ ଯାତ୍ରୀବାହୀ ଟ୍ରେନ୍ ମଧ୍ୟରେ ଧକ୍କା ହେବା ଫଳରେ ଅନେକ ଯାତ୍ରୀ ଗୁରୁତର ଆହତ ହୋଇଥିବା ସୂଚନା ମିଳିଛି। କୁହାଯାଉଛି ଯେ ଧକ୍କା ହେବା ପରେ ଉଭୟ ଟ୍ରେନ୍ ଖସିପଡିଥିଲା ଏବଂ ଟ୍ରେନରେ ନିଆଁ ଲାଗିଯାଇଥିଲା। ମଙ୍ଗଳବାର ସ୍ଥାନୀୟ ଜରୁରୀକାଳୀନ ସେବା କହିଛି ଯେ ଆହତମାନଙ୍କୁ ସ୍ଥାନୀୟ ଡାକ୍ତରଖାନା ନିଆଯାଇଛି।
ହେଗ ଏବଂ ଆମଷ୍ଟରଡାମ୍ ମଧ୍ୟରେ ଟ୍ରେନ୍ ଧକ୍କା ହେବାର ଚର୍ଚ୍ଚା ହେଉଛି । ଏହି ଦୁର୍ଘଟଣା ପରେ ଆହତଙ୍କୁ ସ୍ଥାନୀୟ ଭୁର୍ସଚୋଟେନ ସହରସ୍ଥିତ ଡାକ୍ତରଖାନାରେ ଭର୍ତ୍ତି କରାଯାଇଛି। ବ୍ରଡକାଷ୍ଟର ଏନଓଏସ ଅନୁଯାୟୀ ଦୁର୍ଘଟଣା ରାଜଧାନୀ ଆମଷ୍ଟରଡ୍ୟାମ ଠାରୁ ୫୫ କିଲୋମିଟର ଦୂର ଦକ୍ଷିଣ ଭୁର୍ସଚୋଟେନ ଅଞ୍ଚଳରେ ଘଟିଥିଲା। ଏହି ଦୁର୍ଘଟଣା ଭାରତୀୟ ସମୟ ରାତି ପ୍ରାୟ ସାଢେ ୩ଟା ବେଳେ ହୋଇଥିଲା।
