ଭବାନୀପାଟଣା : ବିଜେଡି ପକ୍ଷରୁ ଟିକେଟ ଘୋଷଣା ପରେ ସରଗରମ ରହିଛି କଳାହାଣ୍ଡି ରାଜନୀତି l କଳାହାଣ୍ଡି ର ସଂସଦୀୟ ସାତ ନିର୍ବାଚନ ମଣ୍ଡଳୀ ର ସଂସଦ ପ୍ରାଥୀ ଲମ୍ବୋଦର ନିଆଲ କଳାହାଣ୍ଡି ଇଷ୍ଟ ଦେବୀ ମା ମାଣିକେଶ୍ବରୀ, ଜୁନାଗଡ଼ ରେ ମା ଲଙ୍କେଶ୍ୱରୀ ଓ ଆମପାଣି ର ପ୍ରଭୁ ବୁଢାରଜା ଙ୍କ ଦର୍ଶନ କରି ପ୍ରଚାର ମଇଦାନ କୁ ଓହ୍ଲାଇଛନ୍ତି ଲମ୍ବୋଦର ନିଆଲ l ସେ କହିଛନ୍ତି ଯେ ପୂର୍ବରୁ ଉଭୟ କଳାହାଣ୍ଡି ଓ ନୂଆପଡା ଜିଲ୍ଲାରେ ଜିଲ୍ଲା ପରିଷଦ ରେ ବାଜିମାତ କରି ସେମିଫାଇନାଲ ଜିଥିଥିବା ବେଳେ ଚଳିତ ସାଧାରଣ ନିର୍ବାଚନ ରେ ମଧ୍ୟ ସମସ୍ତ ସାତୋଗୋଟି ବିଧାନସଭା ଓ କଳାହାଣ୍ଡି ଲୋକସଭା ବିଜେଡି ଦଖଲ କରି ସଷ୍ଠ ଥର ପାଇଁ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେବେ ବୋଲି ଦୃଢୋକ୍ତି ପ୍ରକାଶ କରିଛନ୍ତି. ଗତ ନିର୍ବାଚନରେ ଭବାନୀପାଟଣା ସଦର ଓ କଳାହାଣ୍ଡି ସଂସଦୀୟ କ୍ଷେତ୍ରରେ ବିଜେପି ବାଜିମାତ କରିଥିଲେ ହେଁ ନବୀନ ଙ୍କ ବିକାଶ ମୂଳକ ଯୋଜନରେ ସାଧାରଣ ଜନତା ପ୍ରଭାବିତ ହୋଇ ବିଜେଡି ପ୍ରତି ଆକୃଷ୍ଟ ହୋଇସାରିଛନ୍ତି l ବିଶେଷ କରି ମହିଳା ମାନେ ରାଜ୍ୟସରକାର ଙ୍କ ଯୋଜନାରେ ପ୍ରଭାବିତ ହୋଇ ଥିବାବେଳେ ଯୁବଶକ୍ତି ମଧ୍ୟ ନବୀନ ଓଦିଶା ବିକାଶର ବାସ୍ତବତା କୁ ଉପଲବ୍ଧି କଲେଣି ତେଣୁ କଳାହାଣ୍ଡି କାହିଁକି ସମଗ୍ର ରାଜ୍ୟରେ ବିଜେଡି ଜିତିବା ସହ ସରକାର ଗଢ଼ିବ ବୋଲି କଳାହାଣ୍ଡି ବିଜେଡି ସାଂସଦ ପ୍ରାଥୀ ଲମ୍ବୋଦର ନିଆଲ ପ୍ରକାଶ କରିଛନ୍ତି l ମା ମାଣିକେଶ୍ବରୀ ଙ୍କ ଦର୍ଶନ ସମୟରେ ଭବାନୀପାଟଣା ସଦର ବିଜେଡି ବିଧାୟିକା ପ୍ରାଥୀ ଲଳିତା ନାଏକ, ଜୁନାଗଡ଼ ପ୍ରାଥୀ ଦିବ୍ୟାଶଙ୍କର ମିଶ୍ର, ଭବାନୀପାଟଣା ପୌରଧ୍ୟକ୍ଷ୍ୟ ସଂଯୁକ୍ତା ବେହେରା,ପୂର୍ବତନ ବିଧାୟକ ଦୁଷ୍ମନ୍ତ ନାଏକ, ବରିଷ୍ଠ ବିଜେଡି ନେତା ଭବାନୀ ଶଙ୍କର ମିଶ୍ର ସମେତ ବହୁ ବିଜେଡି ନେତା ଓ କର୍ମୀ ଉପସ୍ଥିତ ଥିଲେ l
ମା ମାଣିକେଶ୍ବରୀ, ଲଙ୍କେଶ୍ୱରୀ ଓ ବୁଢାରଜା ଙ୍କୁ ଦର୍ଶନ ପରେ ପ୍ରଚାର ମଇଦାନ ରେ କଳାହାଣ୍ଡି ର ବିଜେଡି ସଂସଦ ପ୍ରାର୍ଥୀ ଲମ୍ବୋଧର ନିଆଲ
