ମୁମ୍ବାଇ : ବଲିଉଡର ମିଷ୍ଟର ପରଫେକ୍ସନିଷ୍ଟ ଆମୀର ଖାନଙ୍କ ଫିଲ୍ମ ‘ଲାଲ ସିଂ ଚାଧା’କୁ ତାଙ୍କ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ନିକଟରେ ଫିଲ୍ମ ରିଲିଜକୁ ନେଇ ଏକ ନୂଆ ଘୋଷଣା କରାଯାଇଛି। ଯାହା ଅନୁଯାୟୀ ବର୍ତ୍ତମାନ ଏହି ଚଳଚ୍ଚିତ୍ର ଆସନ୍ତା ବର୍ଷ ଭାଲେଣ୍ଟାଇନ୍ସ ଡେ’ରେ ରିଲିଜ୍ ହେବାକୁ ଯାଉଛି। ‘ଲାଲ ସିଂ ଚଢ଼ା’ ରେ କରୀନା କପୁର, ମୋନା ସିଂ ଓ ନାଗା ଚୈତନ୍ୟ ମଧ୍ୟ ଏଥିରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି ହଲିଉଡ ଫିଲ୍ମ ‘ଫରେଷ୍ଟ ଗୁମ୍ପ’ର ଏକ ହିନ୍ଦୀ ରିମେକ ଅଟେ। ତେବେ ଇନଷ୍ଟାଗ୍ରାମରେ ସେୟାର କରାଯାଇଥିବା ରିପୋର୍ଟରେ କୁହାଯାଇଛି ଯେ ଅକ୍ଟୋବର ୨୨ରୁ ସିନେମା ଖୋଲିବାକୁ ଅନୁମତି ଦେବାକୁ ପ୍ରଶାସନର ନିଷ୍ପତ୍ତି ନେଇଛି। ମହାମାରୀର ବିଳମ୍ବ ହେତୁ ଆମେ ଏହି ଫିଲ୍ମ ଖ୍ରୀଷ୍ଟମାସ ରିଲିଜ୍ କରିବାରେ ଅସମର୍ଥ ହେବୁ। ବର୍ତ୍ତମାନ ଆମେ ଭାଲେଣ୍ଟାଇନ୍ସ ଡେ ୨୦୨୨ରେ ଲାଲ ସିଂ ଚଢ଼ାକୁ ରିଲିଜ କରିବୁ “।
ଫେବୃଆରୀ ୨୦୨୨ରେ ଆମିର ଖାନ ଲାଲ ସିଂ ଚଢା ରିଲିଜ କରିବାର ନିଷ୍ପତ୍ତି ପରେ ରଣବୀର ସିଂଙ୍କ କ୍ରିକେଟ୍ ଥିମ୍ ଚଳଚ୍ଚିତ୍ର ‘୮୩’ ଖ୍ରୀଷ୍ଟମାସରେ ମୁକ୍ତିଲାଭ କରିବାକୁ ନିଷ୍ପତ୍ତି ନିଆଯାଇଛି। ରଣବୀର ସିଂ ତାଙ୍କ ପ୍ରଶଂସକଙ୍କ ପାଇଁ ଏକ ପୋଷ୍ଟ ସେୟାର କରିଛନ୍ତି। ଏହି ପୋଷ୍ଟରେ ସେ ଲେଖିଛନ୍ତି ଏହି ଖ୍ରୀଷ୍ଟମାସ ସିନେମାର ସମୟ ଆସିଛି। ଏହା ହିନ୍ଦୀ, ତାମିଲ, ତେଲୁଗୁ, କନ୍ନଡ଼ ଓ ମାଲାୟାଲମ୍ ଭାଷାରେ ମୁକ୍ତିଲାଭ କରୁଛି। ରଣବୀରଙ୍କ ସହ ଦୀପିକା ପାଦୁକୋନଙ୍କ ଯୋଡ଼ି ଫିଲ୍ମ ‘୮୩’ ରେ ପୁଣି ଥରେ ଦେଖିବାକୁ ମିଳିବ। ଏହି ଚଳଚ୍ଚିତ୍ରଟି ୧୯୮୪ ମସିହାରେ ଭାରତୀୟ କ୍ରିକେଟ୍ ଦଳର ବିଶ୍ୱକପ ବିଜୟ ଉପରେ ଆଧାରିତ। କବୀର ଖାନ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି। ଏହି ଚଳଚ୍ଚିତ୍ରରେ ରଣଵିର ସିଂ ଭାରତୀୟ ଦଳର ପୂର୍ବତନ ଅଧିନାୟକ ତଥା ଭେଟେରାନ ଅଲରାଉଣ୍ଡର କପିଲ ଦେବଙ୍କ ଭୂମିକାରେ ନଜର ଆସିବେ। ଏହା ବ୍ୟତୀତ ଦୀପିକା ପାଦୁକୋନ ଫିଲ୍ମରେ କପିଲ ଦେବଙ୍କ ପତ୍ନୀ ଭୂମିକାରେ ଅଭିନୟ କରିବେ।
