ଶିକ୍ଷକ ଭିତରେ ରହିଛି ଶିକ୍ଷାର୍ଥୀର ସ୍ୱପ୍ନ : ମୋଦୀ

ନୂଆଦିଲ୍ଲୀ:ଶିକ୍ଷକ ମଧ୍ୟରେ ଶିକ୍ଷାର୍ଥୀର ସ୍ୱପ୍ନ ରହିଛି ତେଣୁ ଶିକ୍ଷକ ଶିକ୍ଷାର୍ଥୀ ମନରେ ସବୁ ସମୟରେ ଆଗ୍ରହ ସୃଷ୍ଟି କରିବା ପାଇଁ ଉଦ୍ୟମ କରିବା ଆବଶ୍ୟକ। ଗୁରୁଦିବସର ପୂର୍ବ ସନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚଳିତ ବର୍ଷର ଜାତୀୟ ଶିକ୍ଷକ ପୁରସ୍କାର ବିଜେତାଙ୍କ ସହ ଭାବ ବିନିମୟ କରିବା ଅବସରରେ ଏହା କହିଛନ୍ତି। ଚଳିତ ବର୍ଷ ଏହି ପୁରସ୍କାର ଲାଭ କରିଥିବା ୭୫ ଜଣ ଶିକ୍ଷକଙ୍କ ସହ ପ୍ରଧାନମନ୍ତ୍ରୀ ତାଙ୍କ ନୂଆଦିଲ୍ଲୀ ସ୍ଥିତ ସରକାରୀ ବାସ ଭବନରେ ବିଭିନ୍ନ ବିଷୟରେ ଆଲୋଚନା କରିଛନ୍ତି।