ବିଷ ପିଇ ନାବାଳିକାର ଆତ୍ମହତ୍ୟା

ଭଞ୍ଜନଗର: ତାରସିଂ ଥାନା ଅନ୍ତର୍ଗତ ଜାରଧାର ଗ୍ରାମର ଲକ୍ଷ୍ମଣ ନାଇକଙ୍କ ନାବାଳିକା ଝିଅ ବିଷପିଇ ଆତ୍ମହତ୍ୟା କରିଥିବା ଜଣାପଡିଛି । ସୂଚନା ପ୍ରକାରେ ବାପା ଓ ମା\’ ବିଲକୁ ଯାଇଥିଲେ । ଘରେ ଏକାକୀ ରହିଥିଲା ନାବାଳିକା ଝିଅ । ବିଲରୁ ବାପା ଓ ମା\’ ଫେରିବା ପରେ ଘର ଭିତରେ ଝିଅ ଅଚେତ ଅବସ୍ଥାରେ ପଡ଼ି ରହିଥିଲା । ସେଠାରୁ ଝିଅକୁ ଉଦ୍ଧାର କରି ଭଞ୍ଜନଗର ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ ନାବାଳିକାର ମୃତ୍ୟୁ ଘଟିଥିଲା । ତାରସିଂ ଥାନା ପୋଲିସ ଖବର ପାଇ ଭଞ୍ଜନଗର ଡାକ୍ତରଖାନାରେ ପହଞ୍ôଚ ମୃତଦେହକୁ ଜବତ କରିଛି । ତଦନ୍ତ ପରେ ଶବ ବ୍ୟବଛେଦ ପାଇଁ ପଠାଯାଇଥିଲା । ଏନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ଭାରପ୍ରାପ୍ତ ଥାନା ଅଧିକାରୀ ଭାଗୀରଥି ନାୟକ ସୁଚନା ଦେଇଛନ୍ତି ।