23.1 C
Bhubaneswar
Wednesday, November 18, 2026
Homeଦେଶ ବିଦେଶଲସ୍କର-ଏ-ତୈବାର ଶୀର୍ଷ କମାଣ୍ଡର ନିହତ

ଲସ୍କର-ଏ-ତୈବାର ଶୀର୍ଷ କମାଣ୍ଡର ନିହତ

ଶ୍ରୀନଗର : ବୁଧବାର ସକାଳେ ଜମ୍ମୁ ଓ କାଶ୍ମୀରର କୁଲଗାମ ଜିଲ୍ଲାରେ ସୁରକ୍ଷା ବାହିନୀଙ୍କୁ ବଡ଼ ସଫଳତା ମିଳିଛି। ସୁରକ୍ଷା ବାହିନୀ- ଆତଙ୍କବାଦୀଙ୍କ ମଧ୍ୟରେ ଚାଲିଥିବା ଏନକାଉଣ୍ଟରରେ ଏକ ଲସ୍କର-ଏ-ତୈବାର ଶୀର୍ଷ କମାଣ୍ଡର ଲତିଫ ଭଟ୍‌ ନିହତ ହୋଇଛି। ଏନକାଉଣ୍ଟର ସ୍ଥଳରୁ ନିହତ ଆତଙ୍କବାଦୀ ମୃତଦେହ ଏବଂ ଏକ ଅସ୍ତ୍ରଶସ୍ତ୍ର ଜବତ କରାଯାଇଛି। ଚିହ୍ନଟ ପ୍ରକ୍ରିୟା ଜାରି ରହିଛି।ବୁଧବାର ସକାଳେ ସୁରକ୍ଷା ବାହିନୀ ଆତଙ୍କବାଦୀ ଲତିଫ ଭଟ୍‌ଙ୍କୁ ଏକ ଭିଡିଓ କଲ୍ ମଧ୍ୟ କରିଥିଲେ, ଅଧିକାରୀମାନେ ଆତଙ୍କବାଦୀ ଲତିଫକୁ ଆତ୍ମସମର୍ପଣ କରିବାକୁ କହିଥିଲେ। ପ୍ରକାଶିତ ଭିଡିଓରେ, ଜଣେ ଅଧିକାରୀ ଭଟ୍‌ଙ୍କୁ କହୁଥିବା ଶୁଣାଯାଇଥିଲା, “ଆମେ ତୁମ ସହିତ ଅଛୁ।” କିନ୍ତୁ, ସେ ଆତ୍ମସମର୍ପଣ କରିବାକୁ ମନା କରି କହିଥିଲେ, “ମୁଁ ଆଲ୍ଲାହଙ୍କୁ ଭେଟିବାକୁ ଚାହୁଁଛି। ମୁଁ ବହୁତ ଖୁସି।”କୁଲଗାମର ଅନେକ ଗାଁରେ ସୁରକ୍ଷା ବାହିନୀ ସେମାନଙ୍କର ଅପରେସନକୁ ତୀବ୍ର କରିବା ସହିତ ସକାଳ ହେବା ପୂର୍ବରୁ ପୁଣି ଗୁଳିଚାଳନା ଆରମ୍ଭ ହୋଇଥିଲା। ସୋମବାର ଦିନ କୁଲଗାମରେ ଏକ ଏନକାଉଣ୍ଟରରେ ଭଟ୍‌ର ସହଯୋଗୀ ଉମର ନିସାର ଡାର ନିହତ ହୋଇ ଥିଲା। ନଭେମ୍ବର ୧୧ ତାରିଖରେ ସିଆରପିଏଫ (କେନ୍ଦ୍ରୀୟ ରିଜର୍ଭ ପୁଲିସ ଫୋର୍ସ) ପୋଷ୍ଟ ଉପରେ ଆକ୍ରମଣରେ ନିସାର ଏବଂ ଲତିଫ ସାମିଲ ଥିଲା।

5,005FansLike
2,475FollowersFollow
12,700SubscribersSubscribe

HOT NEWS

Breaking