ରାଉରକେଲା : ସ୍ମାର୍ଟ ସିଟି ରାଉରକେଲାରେ ମା’ ଦୁର୍ଗାଙ୍କ ଆଗମନକୁ ନେଇ ଭକ୍ତିମୟ ପରିବେଶ ସୃଷ୍ଟି ହୋଇଛି। ମା’ ଦଶଭୁଜାଙ୍କ ଆରାଧନାରେ ଇସ୍ପାତ ନଗରୀ ଉତ୍ସବମୁଖର ହୋଇଉଠିଛି। ସହରର ବିଭିନ୍ନ ଅଞ୍ଚଳରେ ଆୟୋଜିତ ଦୁର୍ଗାପୂଜା ମଣ୍ଡପଗୁଡ଼ିକରେ ମା’ଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି।
ରାଉରକେଲାର ବାସନ୍ତୀ ନଗର, ଉଦିତନଗର, ଛେଣ୍ଡ, ଜଲଦା, ଫର୍ଟିଲାଇଜର, ଦେଓଗାଁ ଓ ନୟାବଜାର ଅଞ୍ଚଳରେ ଦୁର୍ଗାପୂଜାକୁ ନେଇ ଭକ୍ତି ଓ ଉତ୍ସବର ମାହୋଲ ରହିଛି। ସେହିପରି ସେକ୍ଟର-୨, ସେକ୍ଟର-୬, ସେକ୍ଟର-୭, ସେକ୍ଟର-୧୯ ଓ ଟେଲିଫୋନ୍ ଭବନ ଅଞ୍ଚଳରେ ମଧ୍ୟ ଦୁର୍ଗାପୂଜା ଆୟୋଜନ ହୋଇଛି।ବିଭିନ୍ନ ପୂଜା ମଣ୍ଡପରେ ମା’ଙ୍କ ଆକର୍ଷଣୀୟ ପ୍ରତିମା, ସୁନ୍ଦର ସାଜସଜ୍ଜା ଓ ଆଲୋକମାଳା ଉତ୍ସବର ଆକର୍ଷଣ ବଢ଼ାଉଛି। ପରିବାର ସହ ଲୋକମାନେ ପୂଜା ମଣ୍ଡପକୁ ଯାଇ ମା’ଙ୍କ ଦର୍ଶନ କରିବା ସହ ପୂଜାର ଆନନ୍ଦ ଉଠାଉଛନ୍ତି।ଦୁର୍ଗାପୂଜା କେବଳ ଧାର୍ମିକ ଉତ୍ସବ ନୁହେଁ, ଏହା ଭାଇଚାରା, ଏକତା ଓ ସାମାଜିକ ସଦ୍ଭାବର ପ୍ରତୀକ। ବିଭିନ୍ନ ଅଞ୍ଚଳର ପୂଜା କମିଟି ଓ ସ୍ଥାନୀୟ ଲୋକଙ୍କ ସହଯୋଗରେ ଉତ୍ସବର ମାହୋଲ ଅଧିକ ଆକର୍ଷଣୀୟ ହୋଇଉଠିଛି।
