ଖୋର୍ଦ୍ଧା: ଶୋଇଥିବା ବେଳେ ଜୀବନ୍ତ ଜଳିଗଲେ ବାପ-ପୁଅ । ଖୋର୍ଦ୍ଧା ସାନପଦର ଅଞ୍ଚଳରେ ଘଟିଛି ଏ ଦୁଃଖଦ ଘଟଣା। ଦୋକାନରେ ଶୋଇଥିବା ବେଳେ ବାପ ପୁଅ ଜଳି ଯାଇଛନ୍ତି । ମୃତକ ହେଲେ ସାନପଦର ଗାଁର ରାଜେଶ କୁମାର ସାହୁ ଓ ତାଙ୍କ ପୁଅ ଲକ୍ଷ୍ମୀଧର ସାହୁ। ସାନପଦର-ଦେଉଳି ରାସ୍ତାର ବିନ୍ଧ୍ୟଗିରି ପାହାଡ଼କୁ ଯିବା ରାସ୍ତାକଡ଼ରେ ବାପ-ପୁଅ ଏକ ଚା ଦୋକାନ କରିଥିଲେ ।ବିଳମ୍ବିତ ରାତିରେ ଦୋକାନରେ ହଠାତ୍ ନିଆଁ ଲାଗି ଯାଇଥିଲା । ଫଳରେ ଶୋଇଥିବା ଅବସ୍ଥାରେ ହିଁ ବାପ ପୁଅ ଜୀବନ୍ତ ଦଗ୍ଧ ହୋଇଯାଇଛନ୍ତି । କିଭଳି ସ୍ଥିତିରେ ନିଆଁ ଲାଗିଲା ତାହା ଜଣାପଡ଼ିନାହିଁ ।
