ଭୁବନେଶ୍ୱର: ଚାଷୀମାନଙ୍କର ସବୁ ଧାନ ଉଠିବ କହିଲେ ସମବାୟ ମନ୍ତ୍ରୀ । ମିଲର୍ସଙ୍କ ଷ୍ଟୋରେଜ କ୍ଷମତା ଅନୁଯାୟୀ, ଧାନ ରହିଯାଇଛି । ଯେତେଯେତେ ଖାଲି ହେଉଛି, ସେତିକି ସେତିକି ଧାନ ଉଠୁଛି । ସମସ୍ତଙ୍କ ଧାନ ଉଠିବ କହିଲେ ସମବାୟ ମନ୍ତ୍ରୀ ପ୍ରଦୀପ ବଳସାମନ୍ତ । ଧାନ ବିକ୍ରି ଅବଧି ସରିଲେ ବି ତାକୁ ବୃଦ୍ଧି କରାଯିବ । ଏବର୍ଷ ପ୍ରବଳ ଧାନ ହୋଇଛି, ପ୍ରତି ପଞ୍ଚାୟତରେ ଷ୍ଟୋର ହେବ । ବିଧାନସଭାରେ ବିରୋଧୀ ପ୍ରସଙ୍ଗ କଲେ, ଉତ୍ତର ରେଡି ହୋଇଛି । ଅନ୍ୟପଟେ ଆଜି ଶ୍ରମ କୋଡ୍ ରଦ୍ଧ ଦାବିରେ କେନ୍ଦ୍ରୀୟ ଟ୍ରେଡ୍ ୟୁନିୟନ୍ ମିଳିତ ମଞ୍ଚର ଦେଶବ୍ୟାପି ଧର୍ମଘଟ । ନୂଆ ଶ୍ରମ କୋଡ୍ ପାଇଁ ବିଜ୍ଞପ୍ତି ପ୍ରକାଶ ପାଇବା ପରେ ତାତିଛନ୍ତି ବିଭିନ୍ନ ଶ୍ରମିକ ସଂଗଠନ ।୨୧ ନଭେମ୍ବର ୨୦୨୫ ରେ ନୂଆ ଶ୍ରମ କୋଡ୍ ପାଇଁ ବିଜ୍ଞପ୍ତି ପ୍ରକାଶ ପାଇବା ପରେ ଏହାକୁ ବିରୋଧ କରି ଆସୁଛନ୍ତି ବିଭିନ୍ନ ଶ୍ରମିକ ସଂଗଠନ । ସରକାରଙ୍କ “ଇଜ୍ ଅଫ୍ ଡୁଇଙ୍ଗ୍ ବିଜନେସ୍”କୁ ଆଗକୁ ବଢ଼ାଇବା ପାଇଁ ଶ୍ରମିକଙ୍କ ରକ୍ତ ଶୋଷଣ କରି କର୍ପୋରେଟ୍ ଓ ମାଲିକମାନଙ୍କୁ ଅତ୍ୟଧିକ ଲାଭ ଦେବା ଏହାର ଲକ୍ଷ୍ୟ ବୋଲି ଅଭିଯୋଗ କରି ଆସୁଛନ୍ତି ।
