ଶ୍ରୀମନ୍ଦିରରେ ଭକ୍ତଙ୍କ ପ୍ରବଳ ଭିଡ

ପୁରୀ: ନୂଆ ବର୍ଷରେ ପୁରୀ ଶ୍ରୀମନ୍ଦିରରେ ଭକ୍ତଙ୍କ ସମାଗମ । ମହାପ୍ରଭୁଙ୍କୁ ଦର୍ଶନ କରିବା ପାଇଁ ସାଉଁଟି ଆସୁଛନ୍ତି ଶ୍ରଦ୍ଧାଳୁ । ପ୍ରଶାସନ ପକ୍ଷରୁ ମନ୍ଦିରର ଦ୍ୱାର ନୀତି ୧.୫୫ ରେ ଖୋଲିଥିଲା । ବର୍ଷର ପ୍ରଥମ ଦିନରେ ପ୍ରଭୁଙ୍କ ଆଶୀର୍ବାଦ ପାଇବା ଦ୍ୱାରା ସେମାନଙ୍କୁ ସଫଳତା ମିଳିବ ବୋଲି ଭକ୍ତମାନେ ଭାବନ୍ତି । ମନ୍ଦିରରେ ସୁରକ୍ଷାକୁ ଦୃଷ୍ଟିରେ ରଖି ୨୧୦୦ରୁ ଅଧିକ ସିସିଟିଭି ଲଗାଯାଇଛି । ସିସିଟିଭି ମାଧ୍ୟମରେ ଭକ୍ତଙ୍କ ପ୍ରତ୍ୟେକ ଗତିବିଧି ଉପରେ ନଜିର ରଖାଯାଇଛି । ପୋଲିସ କହିଛି ଯେ ମନ୍ଦିରରେ ଦର୍ଶନ କରିବା ପରେ ଭକ୍ତମାନେ ସମୁଦ୍ର କୂଳକୁ ଧାଇଁ ଯାଉଥିବାରୁ ସମୁଦ୍ର କୂଳରେ ମଧ୍ୟ ସ୍ୱତନ୍ତ୍ର ବ୍ୟବସ୍ଥା କରାଯାଇଛି।ନିୟମିତ କର୍ମଚାରୀଙ୍କ ବ୍ୟତୀତ, ପୁରୀ ଜିଲ୍ଲା ପ୍ରଶାସନ ପର୍ଯ୍ୟଟକମାନଙ୍କୁ ସୁଗମ ସମୁଦ୍ର ସ୍ନାନ କରିବାରେ ସହାୟତା କରିବା ପାଇଁ 300 ରୁ ଅଧିକ ଲାଇଫଗାର୍ଡଙ୍କୁ ନିୟୋଜିତ କରିଛି, ଜଣେ ଅଗ୍ନିଶମ ସେବା ଅଧିକାରୀ କହିଛନ୍ତି।