ଏଆଇ ଧରିଲା ୩ ଶିକାରୀ

ସୋର: କୁଳଡିହା ଅଭୟାରଣ୍ୟରୁ ଏଆଇ ଧରିଲା ୩ ଶିକାରୀ। ଔପଦା ରେଞ୍ଜ ବେତେଇ ଓ ନରସିଂହସିଲା ଅଞ୍ଚଳରୁ ୩ ଶିକାରୀ ଗିରଫ ହୋଇଛନ୍ତି। ଅଭିଯୁକ୍ତଙ୍କ ଠାରୁ ୫ଟି ଦେଶୀ ବନ୍ଧୁକ ଜବତ କରାଯାଇଛି। ସୂଚନା ଅନୁଯାୟୀ, ବନ ବିଭାଗ ବେତେଇ ଜଙ୍ଗଲରେ ବାଘ ଗଣନା ପାଇଁ ଏଆଇ କ୍ୟାମେରା ଲଗାଇଥିଲା। ଏଆଇ କ୍ୟାମେରା ସାହାଯ୍ୟରେ ବନ ବିଭାଗ ଅସ୍ତ୍ରଶସ୍ତ୍ର ସହିତ ଜଙ୍ଗଲରେ ବୁଲୁଥିବା ଶିକାରୀମାନଙ୍କୁ ଦେଖି ଫଟୋ ସହିତ ସେମାନଙ୍କ ପାଇଁ ସନ୍ଧାନ ଅଭିଯାନ ଆରମ୍ଭ କରିଥିଲା। ଏଆଇ କ୍ୟାମେରାରେ କଏଦ ହୋଇଥିବା ଫଟୋ ଆଧାରରେ ବନ ଅଧିକାରୀ ହରିହର ମାଝୀ ଏବଂ କୁଲଧିଆ ରେଞ୍ଜ ଅଧିକାରୀ ବେତେଇ ଗ୍ରାମରୁ ଜଣେ ଏବଂ ନରସିଂହସିଲା ଗ୍ରାମରୁ ଅନ୍ୟ ଦୁଇଜଣଙ୍କୁ ଗିରଫ କରିଛନ୍ତି। ସେମାନେ ଜଙ୍ଗଲରେ ଲୁଚାଇ ରଖାଯାଇଥିବା ପାଞ୍ଚଟି ବନ୍ଧୁକ ମଧ୍ୟ ଜବତ କରିଥିଲେ। ଏବେ ବି ବନ ବିଭାଗର ତଦନ୍ତ ଜାରି ରହିଛି।