ବିହାର: ବିହାରରେ ଭୟଙ୍କର ସିରିଜ ଦୁର୍ଘଟଣା। ଆଜି ଅପରାହ୍ନରେ, ବିହାରର ମୋତିହାରୀ-ଗୋପାଳଗଞ୍ଜ ଜାତୀୟ ରାଜପଥର କୋଟୱା ଥାନା ଅଞ୍ଚଳର ଦୀପୁ ମୋର ନିକଟରେ ଏକ ଦ୍ରୁତଗାମୀ ଟ୍ରକ୍ ଛଅଟି ଗାଡ଼ିକୁ ଧକ୍କା ଦେଇଥିଲା। ଟ୍ରକଟି ପାଞ୍ଚଟି ବାଇକ୍ ଏବଂ ଗୋଟିଏ ଇ-ରିକ୍ସା ଟ୍ରକ୍ ସହିତ ଧକ୍କା ହୋଇଥିଲା।। ଏହି ଧକ୍କାରେ ପାଞ୍ଚ ଜଣଙ୍କର ଦୁଃଖଦ ମୃତ୍ୟୁ ହୋଇଥିବା ବେଳେ ଛଅ ଜଣ ଆହତ ହୋଇଛନ୍ତି। ଗ୍ରାମବାସୀଙ୍କ ସହାୟତାରେ ଆହତ ସମସ୍ତଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଛି। ଆହତମାନଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି। ଏପର୍ଯ୍ୟନ୍ତ ମୃତକଙ୍କ ପରିଚୟ ମିଳିପାରିନାହିଁ।
ଧକ୍କା ଏତେ ଜୋରଦାର ଥିଲା ଯେ ଟ୍ରକ ତଳେ ତିନିରୁ ଚାରୋଟି ବାଇକ୍ ଚାପି ହୋଇଯାଇଥିଲା। ଫଳରେ ବାଇକ୍ ଏବଂ ଇ-ରିକ୍ସା ଆରୋହୀଙ୍କ ସମେତ ପାଞ୍ଚ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ଘଟଣା ପରେ ସ୍ଥାନୀୟ ବାସିନ୍ଦା ଉତ୍ତ୍ୟକ୍ତ ହୋଇ ଜାତୀୟ ରାଜପଥ ଅବରୋଧ କରିଥିଲେ। ଘଟଣା ସମ୍ପର୍କରେ ସୂଚନା ପାଇ କୋଟୱା ଥାନା ପୋଲିସ ଘଟଣାସ୍ଥଳରେ ପହଞ୍ଚି ବାସିନ୍ଦାଙ୍କୁ ବୁଝାସୁଝା କରିବା ପରେ ଜାତୀୟ ରାଜପଥରେ ଟ୍ରାଫିକ୍ ଜାମ୍ ହଟାଇଥିଲା। ଏବେ ପୋଲିସ ମୃତକଙ୍କ ପରିଚୟ ଜାଣିବା ସହ ଏହି ଘଟଣାର ତଦନ୍ତ ଆରମ୍ଭ କରିଛି।
