ନୂଆପଡା ଉପନିର୍ବାଚନ: ୨୫ ରାଉଣ୍ଡ ସୁଦ୍ଧା ୮୧ ହଜାର ୩୮୧ ଭୋଟରେ ବିଜେପି ଆଗୁଆ

ନୂଆପଡା: ନୂଆପଡାରେ ରେକର୍ଡ ବିଜୟ ପଥେ ବିଜେପି ପ୍ରାର୍ଥୀ ଜୟ ଢୋଲକିଆ । ୨୫ ରାଉଣ୍ଡ ସୁଦ୍ଧା ୮୧ ହଜାର ୩୮୧ ଭୋଟରେ ବିଜେପି ଆଗୁଆ ରହିଛି । ୨୫ ରାଉଣ୍ଡ ସୁଦ୍ଧା ଜୟ ଢୋଲକିଆଙ୍କୁ ୧,୨୦,୪୬୬ ଭୋଟ ମିଳିଛି । ଦ୍ୱିତୀୟ ସ୍ଥାନରେ ଘାସିରାମ ମାଝିଙ୍କୁ ୩୯,୦୮୫ ଭୋଟ ମିଳିଛି । ତୃତୀୟ ସ୍ଥାନରେ  ସ୍ନେହାଙ୍ଗିନୀ ଛୁରିଆଙ୍କୁ ୩୭, ୪୬୪ ଭୋଟ ମିଳିଛି । ନୂଆପଡାରେ ବିଜେପିର ଅଦ୍ଭୁତପୂର୍ବ ସଫଳତା । କଂଗ୍ରେସ ଓ ବିଜେଡିକୁ ବହୁ ପଛରେ  ପଛରେ ବିଜେପି । ଘାସିରାମ ଓ ସ୍ନେହାଙ୍ଗିନୀଙ୍କ ମୋଟ ଭୋଟଠୁ ବି ଜୟଙ୍କୁ ବହୁ ଅଧିକ ଭୋଟ  ମିଳିଛି ।  ନୂଆପଡା ଉପନିର୍ବାଚନ ପାଇଁ ହୋଇଥିବା ମତଦାନର ଗଣତି ଜାରି ରହିଛି ।ଷ୍ଟ୍ରଙ୍ଗ ରୁମରେ ସିଲ ହୋଇଥିବା ଇଭିଏମ ଖୋଲାଯାଇଛି । ଏକାସାଙ୍ଗେ  ପୋଷ୍ଟାଲ ବାଲାଟ ଓ ଇଭିଏମ ଗଣତି ଚାଲିଛି ।  ପ୍ରଥମ ରାଉଣ୍ଡର ଗଣତି ସରିଛି ।  ଶୁକ୍ରବାର ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଛି ।  ଏବଂ  ଭୋଟ ଗଣତି ଶେଷ ହେଲା ପରେ ଫଳାଫଳ ପ୍ରକାଶ ପାଇବ ।  ଏନେଇ ପ୍ରଶାସନ ପକ୍ଷରୁ  ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।୩୫୮ଟି ବୁଥରେ ମତ ଗଣତି ହେବ । ଏଥିପାଇଁ ୧୪ଟି ଟେବୁଲ କରାଯାଇଛି । ୨୬ ରାଉଣ୍ଡରେ ଭୋଟ ଗଣତି ହେବ ।