ନୂଆଦିଲ୍ଲୀ: ନୂଆଦିଲ୍ଲୀର କାବେରୀ ଆପାର୍ଟମେଣ୍ଟରେ ଏକ ଭୟଙ୍କର ଅଗ୍ନିକାଣ୍ଡ ଘଟିଛି। ଅନେକ ସାଂସଦଙ୍କର ସେଠାରେ ଘର ରହିଥିବା ସୂଚନା ମିଳିଛି। ଶନିବାର ଦିନ ପ୍ରାୟ ୧ଟା ସମୟରେ ଅଗ୍ନିକାଣ୍ଡ ଘଟିଥିବା ଜଣାପଡିଛି। ଅଗ୍ନିଶମ ବାହିନୀକୁ ଅପରାହ୍ନ ୧:୨୨ ସମୟରେ ସୂଚନା ଦିଆଯାଇଥିଲା, ଯାହା ଫଳରେ ୧୨ଟି ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚିଥିଲା। ବର୍ତ୍ତମାନ ନିଆଁ ଲିଭାଇବା ପାଇଁ ପ୍ରୟାସ ଜାରି ରହିଛି। ଦିଲ୍ଲୀର ଡକ୍ଟର ବିଶମ୍ବର ଦାସ ମାର୍ଗରେ ଥିବା ବ୍ରହ୍ମପୁତ୍ର ଆପାର୍ଟମେଣ୍ଟରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି।
ଅଗ୍ନିକାଣ୍ଡର ଖବର ପାଇବା ମାତ୍ରେ ଅଗ୍ନିଶମ ବାହିନୀର ଗାଡ଼ିଗୁଡ଼ିକ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବାକୁ ପ୍ରୟାସ ଆରମ୍ଭ କରିଥିଲେ। ଏହି ଆପାର୍ଟମେଣ୍ଟରେ ଅନେକ ଲୋକସଭା ଏବଂ ରାଜ୍ୟସଭା ସାଂସଦ ଏବଂ ସେମାନଙ୍କର କର୍ମଚାରୀ ମଧ୍ୟ ରୁହନ୍ତି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି। ସୌଭାଗ୍ୟବଶତଃ, ଏଥିରେ କୌଣସି ମୃତାହତଙ୍କ ରିପୋର୍ଟ ନାହିଁ। କିଛି ଲୋକ ପୋଡ଼ି ଯିବାରୁ ଆହତ ହୋଇଥିବା ଜଣାପଡ଼ିଛି। ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି ଯେ, ଡକାଯିବା ପରେ ଅଗ୍ନିଶମ ବାହିନୀ ଦଳ ବିଳମ୍ବରେ ପହଞ୍ଚିଥିଲା। ଯଦି ସେମାନେ ଠିକ୍ ସମୟ ମଧ୍ୟରେ ପହଞ୍ଚିଥାନ୍ତେ, ତେବେ କ୍ଷୟକ୍ଷତି କମ୍ ହୋଇଥାନ୍ତା।
