କଣ୍ଟେନର ଟ୍ରକରେ ଲାଗିଲା ନିଆଁ: ଅଳ୍ପକେ ବର୍ତ୍ତିଲେ ଡ୍ରାଇଭର

ଗଞ୍ଜାମ: ଗଞ୍ଜାମ ଜିଲ୍ଲାରେ ଏକ କଣ୍ଟେନର ଟ୍ରକରେ ନିଆଁ ଲାଗିଯାଇଥିବା ଜଣାପଡିଛି। କିନ୍ତୁ ଟ୍ରକର ଡ୍ରାଇଭର ଅଳ୍ପକେ ବଞ୍ଚି ଯାଇଥିବା ସୂଚନା ମିଳିଛି। ରିପୋର୍ଟ ଅନୁସାରେ, ଚମାଖଣ୍ଡି ଥାନା ନିକଟ ଜାତୀୟ ରାଜପଥରେ କଣ୍ଟେନର ଟ୍ରକଟି ନିଆଁ ଲାଗିଯାଇଥିଲା। ଟ୍ରକଟି କଟକରୁ ବ୍ରହ୍ମପୁରର କାନିସି ଅଭିମୁଖେ ଯାଉଥିବା ବେଳେ ହଠାତ୍ ଏଥିରେ ନିଆଁ ଲାଗିଯାଇଥିଲା।ରିପୋର୍ଟରେ ଆହୁରି କୁହାଯାଇଛି ଯେ ନିଆଁ ଦେଖିବା ମାତ୍ରେ ଟ୍ରକର ଡ୍ରାଇଭର ତୁରନ୍ତ ଟ୍ରକରୁ ଡେଇଁ ପଡ଼ି ଅଳ୍ପକେ ବଞ୍ଚି ଯାଇଥିଲେ। ଛତ୍ରପୁର ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ସର୍ଟସର୍କିଟ ଯୋଗୁଁ ଟ୍ରକରେ ନିଆଁ ଲାଗି ଥାଇପାରେ ବୋଲି ଅଭିଯୋଗ ହୋଇଛି।