ଶ୍ରୀକ୍ଷେତ୍ରରେ ହବିଷିଆଳି ପାଳୁଛନ୍ତି କାର୍ତ୍ତିକ ବ୍ରତ

ପୁରୀ: ଆରମ୍ଭ ହୋଇଯାଇଛି କାର୍ତ୍ତିକ  ମାସ ।  ଧାର୍ମିକ ମାସରେ  ଧର୍ମ ଅର୍ଜନ କରିବାକୁ  ଶ୍ରୀକ୍ଷେତ୍ରରେ ଜମୁଛି ହବିଷିଆଳୀଙ୍କ ଭିଡ । ପବିତ୍ର ନରେନ୍ଦ୍ର ପୁଷ୍କରିଣୀ ଓ ମହୋଦଧିରେ ସ୍ନାନ କରିବା ପରେ  ତୁଳସୀ  ଚଉଁରା ମୁଳେ  ରାଇ ଦାମୋଦରଙ୍କୁ ପୂଜା କରିଛନ୍ତି ବ୍ରତଧାରୀ । ଏହାପରେ ଶ୍ରୀମନ୍ଦିରକୁ ଯାଇ ମହାପ୍ରଭୁଙ୍କ ରାଧା ଦାମୋଦର ବେଶ  ଦର୍ଶନ କରୁଛନ୍ତି ହବିଷିଆଳୀ ମା । ଶ୍ରୀକ୍ଷେତ୍ରରେ  ହବିଷିଆଳିଙ୍କ  ପାଇଁ ସ୍ୱତନ୍ତ୍ର  ବ୍ୟବସ୍ଥା ମଧ୍ୟ ରହିଛି ।  ଆନନ୍ଦର ସହିତ ରାଇ, ଦାମୋଦର ବେଶରେ ଗୀତ ଗାଇ ନାଚି କାର୍ତ୍ତିକ ବ୍ରତ ପାଳନ କରୁଛନ୍ତି ବ୍ରତଧାରୀ ।