ଉତ୍ତର ପ୍ରଦେଶ: ଉତ୍ତର ପ୍ରଦେଶର ଆଲିଗଡ଼ର ହରଦୁଆଗଞ୍ଜ ପୋଲିସ ଷ୍ଟେସନ ଅଞ୍ଚଳରୁ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି। ଜଣେ ଭାଇ ତା ଭାଇକୁ ଗୁଳିକରିବା ପରେ ଗଲା କାଟି ହତ୍ୟା କରିଥିବା ନେଇ ସୂଚନା ମିଳିଛି। ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ହେପାଜତକୁ ନେଇଛି ପୋଲିସ। ଏକ ମାମଲା ରୁଜୁ କରି ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି। ଦେବୁ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ବଣ୍ଟିକୁ ପୋଲିସ ହେପାଜତକୁ ନେଇ ପଚରାଉଚରା କରୁଛି। ରିପୋର୍ଟ ଅନୁସାରେ, ହରଦୁଆଗଞ୍ଜ ଥାନା ଅଞ୍ଚଳର ରାହସୁପୁର ଗାଁରେ ତାଙ୍କ ମାମୁଁ ଘରକୁ ଆସିଥିବା ସମ୍ପର୍କୀୟ ଭାଇଙ୍କୁ ଗୁଳି କରାଯାଇଥିଲା ଏବଂ ପରେ ଏକ କୁରାଢ଼ିରେ ତାଙ୍କ ଗଳା କାଟି ଦିଆଯାଇଥିଲା। ବିଜୟଗଡ଼ ଥାନା ଅଞ୍ଚଳର ଭଟୌଲି ଗାଁର ବାସିନ୍ଦା ଦେବୁଙ୍କୁ ପ୍ରେମ ସମ୍ପର୍କ ଯୋଗୁଁ ଗୁଳି କରି ହତ୍ୟା କରିଛି ବଣ୍ଟି।
ଗାଁ ଭିତରେ ଗୁଳି ଫୁଟିବା ଶବ୍ଦ ଶୁଣି ଗାଁ ଲୋକଙ୍କ ମଧ୍ୟରେ ଭୟ ଏବଂ ଆତଙ୍କ ଖେଳିଗଲା। ମାମୁଁଙ୍କୁ ଭେଟିବାକୁ ଆସିଥିବା ଯୁବକ ଦେବୁଙ୍କ ମୃତଦେହ ରକ୍ତ ଜୁଡୁବୁଡୁ ଅବସ୍ଥାରେ ଏକ ଖଟିଆରେ ପଡ଼ିଥିଲା। ସୂଚନା ଅନୁଯାୟୀ, ପୋଲିସ ଅଭିଯୁକ୍ତ ବଣ୍ଟିଙ୍କୁ ହତ୍ୟା ଅସ୍ତ୍ର ସହିତ ଗିରଫ କରିଛି। ପ୍ରାରମ୍ଭିକ ତଦନ୍ତରୁ ଏହା ପ୍ରେମ ସମ୍ପର୍କ ବୋଲି ଜଣାପଡିଛି। ତଥାପି, ଅଭିଯୁକ୍ତଙ୍କୁ ପଚରାଉଚରା କରାଯାଉଛି। ଗ୍ରାମାଞ୍ଚଳ ପୋଲିସ ଅଧୀକ୍ଷକ ଅମୃତ ଜୈନ କହିଛନ୍ତି ଯେ ଅକ୍ଟୋବର ୭ ତାରିଖରେ ରାହସୁପୁର ଗ୍ରାମରୁ ଜଣେ ଯୁବକଙ୍କୁ ହତ୍ୟା କରାଯାଇଥିବା ସୂଚନା ମିଳିଥିଲା। ଏକ ଅଭିଯୋଗ ଆସିଥିଲା ଏବଂ ହରଦୁଆଗଞ୍ଜ ଥାନାରେ ସମ୍ପୃକ୍ତ ଧାରା ଅନୁଯାୟୀ ଏକ ମାମଲା ରୁଜୁ କରାଯାଇଥିଲା। ମୁଖ୍ୟ ଅଭିଯୁକ୍ତକୁ ହେପାଜତକୁ ନିଆଯାଇଛି। ଏହି ମାମଲାରେ ଅଧିକ ଆଇନଗତ ପ୍ରକ୍ରିୟା ଜାରି ରହିଛି।
