ମଧ୍ୟପ୍ରଦେଶ: ମଧ୍ୟପ୍ରଦେଶର ଜବଲପୁରରେ ଏକ ଭୟଙ୍କର ଦୁର୍ଘଟଣା ଘଟିଛି। ଏକ ନିୟନ୍ତ୍ରଣହୀନ ବସ୍ ଅନେକ ଗାଡ଼ିକୁ ଧକ୍କା ଦେଇ ଏକ ଦୁର୍ଗା ପେଣ୍ଡାଲରେ ପଶି ଯାଇଛି। ଦ୍ରୁତ ଗତିରେ ଆସୁଥିବା ବସଟି ଅନେକ ଲୋକଙ୍କୁ ଧକ୍କା ଦେଇଥିବା ନେଇ ଜଣା ପଡିଛି। ଜଣେ ପଦଯାତ୍ରୀଙ୍କ ମୃତ୍ୟୁ ଘଟିଥିଲା ଏବଂ ୨୦ ଜଣ ଆହତ ହୋଇଛନ୍ତି। ସିହୋରା ଥାନା ଅଞ୍ଚଳର ଗୌରୀ ତିରାହା ନିକଟରେ ଏହି ଦୁର୍ଘଟଣା ଘଟିଛି। ସୂଚନା ଅନୁଯାୟୀ, ନିୟନ୍ତ୍ରଣ ବାହାରେ ଥିବା ବସଟି ଦ୍ରୁତ ଗତିରେ ଏକ ନୋ-ଏଣ୍ଟ୍ରି ଜୋନ୍ରେ ପ୍ରବେଶ କରିଥିଲା, ଆଗକୁ ବଢ଼ିବା ସହିତ ଅନେକ ଗାଡ଼ିକୁ ଧକ୍କା ଦେଇଥିଲା। ଏହା ଲୋକଙ୍କ ମଧ୍ୟରେ ଦଳାଚକଟା ସୃଷ୍ଟି କରିଥିଲା। କେହି କିଛି ବୁଝିବା ପୂର୍ବରୁ, ବସଟି ଦୁର୍ଗା ପେଣ୍ଡାଲରେ ପଶି ଯାଇଥିଲା।
ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ ଦୁର୍ଘଟଣା ସମୟରେ ବସ୍ ଡ୍ରାଇଭର ମଦ୍ୟପ ଅବସ୍ଥାରେ ଥିଲେ। ପ୍ରବେଶ ନିଷେଧ ନିର୍ଦ୍ଦେଶ ଜାରି ହୋଇଥିଲେ ମଧ୍ୟ ଡ୍ରାଇଭର ବସଟିକୁ ସହର ଭିତରକୁ ଚଲାଇ ଦେଇଥିଲେ। ଦୁର୍ଘଟଣାରେ ଜଣେ ମୃତ୍ୟୁବରଣ କରିବା ସହ ମୋଟ ୨୦ ଜଣ ଆହତ ହୋଇଛନ୍ତି। ପ୍ରବେଶ ନିଷେଧ ଅଞ୍ଚଳରେ ନିୟୋଜିତ ଜଣେ ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ, ପୂଜା ଚାଲିଥିବା ସମୟରେ ରାତି ପ୍ରାୟ ୧୦ଟା ସମୟରେ ଏକ ଅନିୟନ୍ତ୍ରିତ ବସ୍ ପେଣ୍ଡାଲ ଭିତରକୁ ଭିତରକୁ ପାସ ଯାଇଥିଲା। ସେହି ସମୟରେ ବସଟି ବହୁତ ଦ୍ରୁତ ଗତିରେ ଚାଲୁଥିଲା। ମଣ୍ଡପ ଭିତରକୁ ପ୍ରବେଶ କରିବା ପୂର୍ବରୁ, ଏହା ବାହାରେ ଛିଡ଼ା ହୋଇଥିବା ଅନେକ ଗାଡ଼ିକୁ ଧକ୍କା ଦେଇଥିଲା।
