ଉତ୍ତର ପ୍ରଦେଶ:ଉତ୍ତର ପ୍ରଦେଶର ମୁରାଦାବାଦରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଜଣେ ମହିଳା ତାଙ୍କର ୧୫ ଦିନର ଶିଶୁକୁ ଫ୍ରିଜରେ ରଖିଥିଲେ। ଏହା ପରେ, ସେ ଶୋଇପଡ଼ିଲେ। ଶିଶୁର କାନ୍ଦ ଶୁଣି ଜେଜେମା ରୋଷେଇ ଘରେ ପହଞ୍ଚିଥିଲେ। ସେ ଫ୍ରିଜ ଭିତରୁ କାନ୍ଦିବାର ଶବ୍ଦ ଶୁଣି ଦ୍ୱାର ଖୋଲିଲା ବେଳେ ଭିତରେ ନବଜାତ ଶିଶୁକୁ ଦେଖିଥିଲେ। ଜେଜେମା ତାକୁ ବାହାରକୁ କାଢି ଡାକ୍ତରଙ୍କ ପାଖକୁ ନେଇଯାଇଥିଲେ। ସେମାନେ ପିଲାଟିର ଯାଞ୍ଚ କରାଇ ଘରକୁ ଆଣିଥିଲେ। ଏହା ପରେ, ପରିବାର ସଦସ୍ୟମାନେ ପିଲାଟିର ମାଆଙ୍କୁ ପଚାରିଲେ ପିଲାଟି ଫ୍ରିଜ୍ ପାଖରେ କିପରି ପହଞ୍ଚିଲା? ସେ କହିଲେ ଯେ ସେ ନ ଶୋଇବାରୁ ତାକୁ ସେଠାରେ ରଖିଥିଲେ। ମାଆଙ୍କ କଥା ଶୁଣି ପରିବାର ସଦସ୍ୟମାନେ ଚିନ୍ତିତ ହୋଇଗଲେ।
ସେମାନେ ଅନୁଭବ କଲେ ଯେ ସେମାନଙ୍କ ବୋହୂ କୌଣସି ଆତ୍ମା ସଂସ୍ପର୍ଶରେ ଆସିଯାଇଛି। ଶନିବାର ଦିନ, ସେମାନେ ତାଙ୍କୁ ଜଣେ ତାନ୍ତ୍ରିକଙ୍କ ପାଖକୁ ନେଇଗଲେ। ସେଠାରୁ ତାଙ୍କୁ ଝଡ଼ାଫୁଙ୍କା କଲେ କିନ୍ତୁ ଏଥିରେ କୌଣସି ଫରକ ପଡ଼ିଲା ନାହିଁ। ପରିବାର ସଦସ୍ୟମାନେ ଏହା ପରେ ରବିବାର ମହିଳାଙ୍କୁ ଜଣେ ମାନସିକ ରୋଗ ବିଶେଷଜ୍ଞଙ୍କ ଦ୍ୱାରା ଚିକିତ୍ସା କରାଉଛି। ସମ୍ପୂର୍ଣ ମାମଲାଟି କଟଘର ଥାନା ଅଞ୍ଚଳର। କରୁଲାର ଜବାର କଲୋନୀରେ ଜଣେ ମହିଳା (୨୩) ତାଙ୍କ ସ୍ୱାମୀ ଏବଂ ଶ୍ୱଶୁର ଘର ଲୋକଙ୍କ ସହିତ ରୁହନ୍ତି। ମହିଳାଙ୍କ ସ୍ୱାମୀ ଜଣେ ପିତ୍ତଳ ଶ୍ରମିକ। ମହିଳା ଜଣକ ୧୫ ଦିନ ପୂର୍ବରୁ ଏକ ପୁଅକୁ ଜନ୍ମ ଦେଇଥିଲେ। ପିଲାଟି ଜନ୍ମ ହେବା ପରେ, ମହିଳା ଜଣକ ପ୍ରସବ ପରେ ରୋଗରେ ପୀଡିତ ଥିଲେ। କିନ୍ତୁ, ପରିବାର ସଦସ୍ୟମାନେ ମହିଳାଙ୍କ ମାନସିକ ଅସୁସ୍ଥତା ବିଷୟରେ ଅବଗତ ନଥିଲେ। ଘଟଣା ପରେ ତାଙ୍କ ମାନସିକ ଅସୁସ୍ଥତା ବିଷୟରେ ଜାଣିବାକୁ ପାଇଲେ।
