ନୂଆଦିଲ୍ଲୀ: ରବିବାର ଜଳନ୍ଧର ସିଭିଲ ହସ୍ପିଟାଲର ଟ୍ରମା ୱାର୍ଡରେ ଅକ୍ସିଜେନ ଚାପ ହଠାତ ହ୍ରାସ ପାଇବାରୁ ଅତି କମରେ ତିନି ଜଣଙ୍କ ମୃତ୍ୟୁ ହୋଇଛି । ଘଟଣା ଜଣାପଡିବା ପରେ ପଞ୍ଜାବ ସ୍ୱାସ୍ଥ୍ୟମନ୍ତ୍ରୀ ବଲବୀର ସିଂ ହସ୍ପିଟାଲ ପରିଦର୍ଶନ କରିଥିଲେ । ଏହାର ତଦନ୍ତ କରାଯିବ ବୋଲି ନିଶ୍ଚିତ କରିଛନ୍ତି । ବଲବୀର ସିଂହ କହିଛନ୍ତି, “ଏହି ରୋଗୀମାନେ ICUରେ ଥିଲେ ଏବଂ ଏକ ସଙ୍କଟଜନକ ପରିସ୍ଥିତିରେ ଥିଲେ । ଅକ୍ସିଜେନ ଯୋଗାଣ କିଛି ସମୟ ପାଇଁ ବନ୍ଦ ହୋଇଯାଇଥିଲା, କିନ୍ତୁ ଏହାକୁ ତୁରନ୍ତ ପୁନଃ ଚାଲୁ କରାଯାଇଥିଲା। ଅକ୍ସିଜେନ ଯୋଗାଣ ସମ୍ପୂର୍ଣ୍ଣ ହୋଇଛି। ଏକା ଥରକେ ତିନି ଜଣଙ୍କ ମୃତ୍ୟୁ ହୋଇନଥିଲା ।ଜଣଙ୍କର ଫୁସଫୁସରେ ସମସ୍ୟା ହୋଇଥିଲା, ଅନ୍ୟ ଜଣଙ୍କର ମଲ୍ଟିପଲ୍ ଅର୍ଗାନ ଫେଲ୍ୟୁଅର ଥିଲା, ଏବଂ ତୃତୀୟ ଜଣଙ୍କର ନିଶାଦ୍ରବ୍ୟ ଥିଲା ।
ପଞ୍ଜାବ ସ୍ୱାସ୍ଥ୍ୟମନ୍ତ୍ରୀ ଏହି ମାମଲାରେ ଉପଯୁକ୍ତ ତଦନ୍ତର ପ୍ରତିଶ୍ରୁତି ଦେଇ କହିଛନ୍ତି, “ଚଣ୍ଡିଗଡ଼ରୁ ଡାକ୍ତରଙ୍କ ଏକ ଦଳ ଏଠାକୁ ତଦନ୍ତ ପାଇଁ ଆସିବେ। ଆମେ ଏକ ବିସ୍ତୃତ ତଦନ୍ତ କରିବୁ ୪୮ ଘଣ୍ଟା ମଧ୍ୟରେ ଏକ ରିପୋର୍ଟ ଜାରି କରାଯିବ । ଘଟଣାସ୍ଥଳରେ ଉପସ୍ଥିତ ଥିବା ଡେପୁଟି କମିଶନର ଡକ୍ଟର ହିମାଂଶୁ ଅଗ୍ରୱାଲ ଏକ ତଦନ୍ତ କମିଟି ଗଠନ କରାଯାଇଥିବା ନିଶ୍ଚିତ କରିଛନ୍ତି। ଆମେ ପ୍ରକୃତ କାରଣ ନିର୍ଣ୍ଣୟ କରିବାକୁ ଚେଷ୍ଟା କରୁଛୁ ଏବଂ ଏପରି ଘଟଣା ପୁନରାବୃତ୍ତି ନ ହୁଏ ତାହା ନିଶ୍ଚିତ କରୁଛୁ। ଯଦି କାହାର ଦୋଷ ଯୋଗୁଁ ମୃତ୍ୟୁ ଘଟିଛି, ତେବେ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
