ରାଉରକେଲା: ରବିବାର ଅପରାହ୍ନରେ ବୋଣ୍ଡାମୁଣ୍ଡା ନିକଟରେ ଏକ ମାଲବାହୀ ଟ୍ରେନର କିଛି ବଗି ଲାଇନଚ୍ୟୁତ ହେବା ଫଳରେ ରାଉରକେଲା ଦେଇ ଯାଉଥିବା ଟ୍ରେନଗୁଡ଼ିକର ଚଳାଚଳ ବାଧାପ୍ରାପ୍ତ ହୋଇଛି। ସୂଚନା ଅନୁଯାୟୀ, ଆଜି ଅପରାହ୍ନରେ ବୋଣ୍ଡାମୁଣ୍ଡା ରେଳ ୟାର୍ଡରେ ମାଲବାହୀ ଟ୍ରେନର ୫-୬ଟି ବଗି ଲାଇନଚ୍ୟୁତ ହୋଇଥିବା ଜଣାପଡିଛି। ଫଳରେ ଏହି ରୁଟରେ ଯାତ୍ରୀବାହୀ ଟ୍ରେନ ସମେତ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି। କିନ୍ତୁ ମାଲବାହୀ ଟ୍ରେନ ଲାଇନଚ୍ୟୁତ ହେବାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ଟ୍ରେନ୍ ଲାଇନଚ୍ୟୁତ ହେବା ବିଷୟରେ ଜାଣିବା ପରେ, ସମ୍ପୃକ୍ତ ରେଳ ଅଧିକାରୀ ଏବଂ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଲାଇନଚ୍ୟୁତ ବଗିଗୁଡ଼ିକୁ ଟ୍ରାକରେ ରଖିବା ଏବଂ ରୁଟରେ ସ୍ୱାଭାବିକତା ଆଣିବା ପାଇଁ ସମସ୍ତ ପ୍ରକାରର ପଦକ୍ଷେପ ନେଉଛନ୍ତି।ଅନ୍ୟପକ୍ଷରେ, ବୋଣ୍ଡାମୁଣ୍ଡା ରେଳ ୟାର୍ଡର କର୍ମଚାରୀଙ୍କ ଅବହେଳା ଯୋଗୁଁ ମାଲବାହୀ ଟ୍ରେନ୍ ଲାଇନଚ୍ୟୁତ ହୋଇଥିବା ଅଭିଯୋଗ ହୋଇଛି। ଏ ବିଷୟରେ ଚକ୍ରଧରପୁର ରେଳବାଇର ସମ୍ପୃକ୍ତ ଅଧିକାରୀଙ୍କୁ ପଚାରିବାରୁ, ସେମାନେ ଏହି ଘଟଣାର ତଦନ୍ତ କରି ଏଥିପାଇଁ ଦାୟୀ ବ୍ୟକ୍ତିଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରତିଶ୍ରୁତି ଦେଇଛନ୍ତି।
