ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣର ପ୍ରତିବାଦରେ ବିଭିନ୍ନ ରାଜ୍ୟର ସ୍ଥାନୀୟ ଲୋକମାନେ ରାସ୍ତାରେ ପାକିସ୍ତାନୀ ପତାକା ଲଗାଇଛନ୍ତି । ସୋସିଆଲ ମିଡିଆରେ ସେୟାର ହୋଇଥିବା ଅନେକ ଭିଡିଓରେ ସ୍ଥାନୟ ଲୋକଙ୍କୁ ରାସ୍ତା , ସପିଂ କମ୍ପେ୍ଲକ୍ସ ବାହାରେ ଏବଂ ଅନ୍ୟନ୍ୟ ସାର୍ବଜନୀନ ସ୍ଥାନରେ ପାକିସ୍ତାନୀ ପତାକା ଲଗାଇଥିବାର ଦେଖିବାକୁ ମିଳୁଛି । ଯେତେବେଳେ ସେମାନେ ପତାକା ଲଗାଉଛନ୍ତି , ଯାତ୍ରୀମାନେ ପତାକା ଉପରେ ପାଦ ରଖି ଯିବା ଆସିବା କରିବା ସହ ଗାଡି ଚଳାଉଛନ୍ତି । ଏଭଳି କିଛି ଭିଡିଓ କଣ୍ଣାଟକ , ଓଡିଶା , ଡେରାଡୁନ ଏବଂ ଅନ୍ୟାନ୍ୟ ରାଜ୍ୟରୁ ଆସିଛି । ଏହି ସମୟରେ ମୁସଲିମ ସମ୍ପ୍ରଦାୟର ଲୋକମାନେ ଏହାକୁ ବିରୋଧ କରିଥିଲେ ।
View this post on Instagram
ଏକ X ପୋଷ୍ଟରେ, ଭାରତୀୟ ଜନତା ପାର୍ଟି ର ବରିଷ୍ଠ ନେତା ଶୁଭେନ୍ଦୁ ଅଧିକାରୀ ଏପରି ଲୋକଙ୍କୁ “ଜାତୀୟ ବିରୋଧୀ” ବୋଲି କହିଛନ୍ତି, ଏବଂ ପୋଲିସକୁ ଏପରି ଲୋକଙ୍କୁ ଚିହ୍ନଟ କରି ଗିରଫ କରିବାକୁ ଅନୁରୋଧ କରିଛନ୍ତି, ନଚେତ୍, ସେ କହିଛନ୍ତି ଯେ ପୋଲିସ ଷ୍ଟେସନ ଘେରାଉ କରାଯିବ।
Nationalist Greetings and salute to the People of Raghunathpur; Purulia district, who bashed up the Anti National elements who came in support of the rouge nation Pakistan, when Pakistani Flags were pasted on the road to condemn the inhuman Terrorist Attack on Hindu Tourists at… pic.twitter.com/Le8ruWJBRN
— Suvendu Adhikari (@SuvenduWB) April 27, 2025
ପହଲଗାମ ଆତଙ୍କବାଦୀ ଆକ୍ରମଣ ବିରୋଧରେ କେବଳ ଭାରତରେ ନୁହେଁ ବରଂ ଲଣ୍ଡନରେ ମଧ୍ୟ ପ୍ରତିବାଦ ଦେଖାଯାଇଥିଲା, ଯେଉଁଠାରେ ଭାରତୀୟ ସମ୍ପ୍ରଦାୟର ସଦସ୍ୟମାନେ ପାକିସ୍ତାନ ହାଇକମିଶନ ବାହାରେ ପ୍ରତିବାଦ କରିଥିଲେ ଏବଂ ଆକ୍ରମଣକୁ ନିନ୍ଦା କରିଥିଲେ। ଭାରତୀୟ ପତାକା, ବ୍ୟାନର ଏବଂ ପ୍ଲାକାର୍ଡ ଧରି ପ୍ରତିବାଦକାରୀମାନେ ନିର୍ଦ୍ଦୋଷ ଜୀବନ ହରାଇବା ପାଇଁ ଗଭୀର ଦୁଃଖ ପ୍ରକାଶ କରିଥିଲେ ଏବଂ ପୀଡିତଙ୍କ ପାଇଁ ନ୍ୟାୟ ଦାବି କରିଥିଲେ।
ସେମାନେ ଆତଙ୍କବାଦ ବିରୋଧରେ ସ୍ଲୋଗାନ ଦେଇଥିଲେ ଏବଂ ଏପରି ଆକ୍ରମଣ ପାଇଁ ଦାୟୀ ଆତଙ୍କବାଦୀ ଗୋଷ୍ଠୀଗୁଡ଼ିକୁ ସମର୍ଥନ ଏବଂ ଆଶ୍ରୟ ଦେଉଥିବା ଅଭିଯୋଗରେ ପାକିସ୍ତାନକୁ ସମାଲୋଚନା କରିଥିଲେ।
