ହରିୟାଣାର କୁରୁକ୍ଷେତ୍ରରେ ମହାଯଜ୍ଞ ସମୟରେ ଗୁଳିଚାଳନା

ହରିୟାଣା: ହରିୟାଣାର କୁରୁକ୍ଷେତ୍ରରେ ଅନୁଷ୍ଠିତ ହେଉଥିବା ୧୦୦୮ କୁଣ୍ଡୀୟ ମହାଯଜ୍ଞ ସମୟରେ ଗୁଳିକାଣ୍ଡ ଘଟିବା ଫଳରେ ବ୍ୟାପକ ଉତ୍ତେଜନା ସୃଷ୍ଟି ହୋଇଥିଲା। ଯଜ୍ଞ ପରିଚାଳନା କରୁଥିବା ବ୍ରାହ୍ମଣମାନଙ୍କ ମଧ୍ୟରେ କିଛି ବିବାଦ ଯୋଗୁଁ ଗୁଳି ଏବଂ ଲାଠିଚାର୍ଜ ହୋଇଥିଲା। ଏଥିରେ ଦୁଇ ଜଣ ଯୁବକ ଆହତ ହୋଇଛନ୍ତି। ଗୁଳିରେ ଆହତ ହୋଇଥିବା ବ୍ୟକ୍ତିଙ୍କ ନାମ ଆଶିଷ, ସେ ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌର ବାସିନ୍ଦା। ତାଙ୍କ ଜଙ୍ଘରେ ଗୁଳି ବାଜିଥିଲା। ଅନ୍ୟ ଯୁବକ ଜଣକ ହେଉଛନ୍ତି ପ୍ରିନ୍ସ, ଯାହାଙ୍କ ମୁଣ୍ଡରେ ପଥର ଲାଗିଛି ଏବଂ ସେ ଲଖିମପୁର ଖେରିର ବାସିନ୍ଦା ବୋଲି କୁହାଯାଉଛି। ଯଜ୍ଞ କରୁଥିବା ଏହି ସମସ୍ତ ବ୍ରାହ୍ମଣଙ୍କୁ ବିଭିନ୍ନ ରାଜ୍ୟରୁ ଡକାଯାଇଥିଲା। ଯଜ୍ଞ କରିବାକୁ ଆସିଥିବା ବ୍ରାହ୍ମଣମାନଙ୍କୁ ବାଡ଼ିରେ ପିଟି ଦିଆଯାଇଥିଲା ଏବଂ ବାବାଙ୍କ ବାଉନ୍ସରମାନେ ଗୁଳି ଚଳାଇଥିଲେ।