ନୂଆଦିଲ୍ଲୀ : ୱାକଫ ବିଲ୍କୁ କ୍ୟାବିନେଟ ମଞ୍ଜୁରି ମିଳିଛି । ଜେପିସି ରିପୋର୍ଟ ଆଧାରରେ ବିଲ୍କୁ ମଞ୍ଜୁରି ମିଳିଛି । ଆଗାମୀ ସଂସଦ ଅଧିବେଶନରେ ବିଲ ଉପସ୍ତାପିତ ହୋଇପାରେ । ମାର୍ଚ୍ଚ ୧୦ରୁ ଆରମ୍ଭ ହେଉଛି ସଂସଦର ଦ୍ୱିତୀୟ ଅଧିବେଶନ । ସୂଚନା ଥାଉ ଯେ, ସଂସଦରେ ୨୦୨୫ ବଜେଟ ଅଧିବେଶନର ପ୍ରଥମାର୍ଦ୍ଧରେ ବିରୋଧୀଙ୍କ ହଟ୍ଟଗୋଳ ମଧ୍ୟରେ ଏହି ରିପୋର୍ଟ ଉଭୟ ଲୋକସଭା ଏବଂ ରାଜ୍ୟସଭାରେ ଉପସ୍ଥାପିତ ହୋଇଥିଲା, ଯାହା ଫଳରେ ଉଭୟ ଗୃହର କାର୍ଯ୍ୟ କିଛି ଦିନ ପାଇଁ ମୁଲତବୀ ରଖାଯାଇଥିଲା। ବିରୋଧୀ ଦଳର ସାଂସଦମାନେ ଦାବି କରିଥିଲେ ଯେ ସେମାନଙ୍କର ଭିନ୍ନମତ ତଥ୍ୟ ଜେ ପି ସି ରିପୋର୍ଟରୁ ସଂଶୋଧିତ କରାଯାଇଛି । କିନ୍ତୁ କେନ୍ଦ୍ର ଏହି ଅଭିଯୋଗକୁ ଅସ୍ୱୀକାର କରିଛି । ଏନେଇ କେନ୍ଦ୍ର କ୍ୟାବିନେଟ୍ ଗତ ସପ୍ତାହରେ ରିପୋର୍ଟକୁ ଅନୁମୋଦନ କରିଛି, ଯାହା ଦ୍ୱାରା ବିରୋଧୀଙ୍କ ମତଭେଦ ମଧ୍ୟରେ ବିଜେପି ନେତା ଜଗଦମ୍ବିକା ପାଲଙ୍କ ନେତୃତ୍ୱରେ ଗଠିତ ଜେପିସି ଆଇନରେ ଅନେକ ସଂଶୋଧନ ପାଇଁ ପରାମର୍ଶ ଦେଇଥିଲେ । ଜାନୁଆରୀ ମାସରେ, ସଂସଦୀୟ କମିଟି ଶାସକ ବିଜେପି ନେତୃତ୍ୱାଧୀନ ଏନଡିଏର ସଦସ୍ୟମାନଙ୍କ ଦ୍ୱାରା ପ୍ରସ୍ତାବିତ ୱାକଫ୍ ବିଲରେ ସମସ୍ତ ସଂଶୋଧନକୁ ଗ୍ରହଣ କରାଯାଇଥିଲା । ଆଗତ ହୋଇଥିବା ୪୪ଟି ସଂଶୋଧନ ମଧ୍ୟରୁ, ଏନଡିଏ ସଦସ୍ୟମାନଙ୍କ ଦ୍ୱାରା ୧୪ଟି ଧାରା ପରିବର୍ତ୍ତନ ପ୍ରସ୍ତାବ ଦିଆଯାଇଥିଲା ।
