କାନପୁର: ସ୍ୱାମୀକୁ ପ୍ରେମିକ ସହିତ ମିଶି ହତ୍ୟା କରିବା ପରେ ଘଟଣାକୁ ଚପାଇବାକୁ ସମସ୍ତ ଉଦ୍ୟମ କରି ଶେଷରେ ଫଶିଗଲା ସ୍ତ୍ରୀ । ମହିଳା ଜଣକ ସ୍ୱାମୀଙ୍କ ତଣ୍ଟି ଚାପି ହତ୍ୟା କରିବା ପରେ ଚପାଇବାକୁ ପକେଟରେ ଓଭରଡୋଜ ଦେଇ ମୃତ୍ୟୁ ହୋଇଛି ବୋଲି ସ୍ୱାମୀର ପକେଟରେ ଶକ୍ତିବର୍ଦ୍ଧକ କ୍ୟାପସୁଲର ୮ଟି ପ୍ୟାକେଟ ରଖିଦେଇଥିଲା ସ୍ତ୍ରୀ । ତେବେ ଏଭଳି ଘଟଣା କାନପୁରର ବିଥୁର ଥାନା ଅଞ୍ଚଳରେ ଘଟିଛି । ଖବର ମୁତାବକ, କାନପୁରରେ ମହିଳା ଜଣକ ସ୍ୱାମୀଙ୍କ ଗଳା ଚାପି ହତ୍ୟା କରିବା ପରେ ଡ୍ରଗ୍ସ ଓଭରଡୋଜ୍ ଯୋଗୁଁ ମୃତ୍ୟୁ ହୋଇଥିଲା ବୋଲି ପ୍ରମାଣ କରିବା ପାଇଁ ସ୍ୱାମୀଙ୍କ ପକେଟରେ ଶକ୍ତି ବୃଦ୍ଧିକାରୀ କ୍ୟାପସୁଲର ୮ଟି ରାପର ରଖିଦେଇଥିଲେ । ତେବେ ପୋଷ୍ଟମର୍ଟମ ରିପୋର୍ଟ ଆସିବା ପରେ ସମସ୍ତ ତଥ୍ୟ ସାମ୍ନାକୁ ଆସିଛି । ଆବିଦ ଅଲି ତାଙ୍କ ସ୍ତ୍ରୀ ଏବଂ ଗୋଟିଏ ପୁଅ ସହିତ ରହୁଥିଲେ ।
ଜାନୁଆରୀ ୧୯ ତାରିଖରେ, ଆବିଦଙ୍କ ସ୍ତ୍ରୀ ଶବାନା ପୋଲିସକୁ ଜଣାଇଥିଲେ ଯେ, ତାଙ୍କ ସ୍ୱାମୀଙ୍କ ମୃତ୍ୟୁ ଶକ୍ତିବର୍ଦ୍ଧକ ଔଷଧର ଅତ୍ୟଧିକ ମାତ୍ରା ଯୋଗୁଁ ହୋଇଛି । ପୋଲିସ ତଦନ୍ତ କରି ମୃତକଙ୍କ ପକେଟରୁ ୮ଟି ଶକ୍ତିବର୍ଦ୍ଧକ କ୍ୟାପସୁଲର ରାପର ପାଇଥିଲା । ମୃତକ ଶରୀରରେ କୌଣସି ଆଘାତର ଚିହ୍ନ ମଧ୍ୟ ନଥିଲା । ଏପରି ପରିସ୍ଥିତିରେ ପୋଲିସ ପତ୍ନୀଙ୍କ କଥା ସତ ମାନି ନେଇଥିଲା । ହେଲେ ପରଦିନ ପୋଷ୍ଟମର୍ଟମ ରିପୋର୍ଟ ଆସିବା ପରେ ପୋଲିସର ହୋସ ଉଡିଯାଇଥିଲା । ପୋଷ୍ଟମର୍ଟମରୁ ରିପୋର୍ଟରୁ ଜଣାପଡିଲା କି, ଆବିଦ ଅଲିଙ୍କ ହତ୍ୟା ଗଳାକାଟି ହତ୍ୟା କରାଯାଇଥିଲା । ପତ୍ନୀ କହିଥିବା କଥାଟି ମିଥ୍ୟା ହୋଇଥିବାରୁ ପୋଲିସ ତଦନ୍ତ ଆରମ୍ଭ କରିଥିଲା । ପୋଲିସ ଆବିଦ ଅଲିଙ୍କ ସ୍ତ୍ରୀ ଏବଂ ତାଙ୍କ ଭାଇ ଉପରେ ସନ୍ଦେହ କରିଥିଲା ।
ପୋଲିସ ଯେତେବେଳେ ପତ୍ନୀକୁ ଗିରଫ କରି ପଚରାଉଚରା କରିଥିଲା ଏବଂ କଲ୍ ଡିଟେଲ ଆଣିଥିଲା, ସେତେବେଳେ ସତ ଜଣାପଡିଥିଲା । ମୃତ ଆବିଦ ଅଲିଙ୍କ ପତ୍ନୀ ରେହାନ ନାମକ ଯୁବକ ସହିତ କଥା ହୋଇଥିବା ପୋଲିସ ଜାଣିଥିଲା । ଏହାପରେ ରେହାନଙ୍କୁ ପୋଲିସ ଉଠାଇ ଆଣି ପଚରାଉଚରା କରିବା ପରେ ସବୁ ସତ ଜଣାପଡିଥିଲା । ଦୁହେଁ ସୋସିଆଲ ମିଡିଆରେ ଚିହ୍ନାଜଣା ହୋଇଥିଲା । ମୃତ ଆବିଦ ଅଲି ଘରେ ନଥିବା ବେଳେ ରେହାନ ସବୁବେଳେ ଘରକୁ ଆସୁଥିଲା । ଦୁହିଁଙ୍କ ମଧ୍ୟରେ ସଂପର୍କ ଗଢି ଉଠିଥିଲା । ଆବିଦଙ୍କୁ ସନ୍ଦେହ ହେବା ପରେ ଦୁହିଁଙ୍କ ଭିତରେ ଝଗଡା ଆରମ୍ଭ ହୋଇଥିଲା । ତେଣୁ ଉଭୟ ଆବିଦଙ୍କୁ ମାରିବାକୁ ପ୍ଲାନ କରିଥିଲେ । ଏଥିରେ ରେହାନଙ୍କ ସାଙ୍ଗ ବିକାଶ ମଧ୍ୟ ଜଡିତ ରହିଥିବା ପୋଲିସ ଜାଣିବାକୁ ପାଇଲା । ତେବେ ଘଟଣା ପରେ ପୋଲିସ ସମସ୍ତଙ୍କୁ ଗିରଫ କରିଛି ।
