ନୂଆଦିଲ୍ଲୀ : ସ୍ତ୍ରୀକୁ ବୀଭତ୍ସ ଭାବେ ହତ୍ୟା କଲା ନୃଶଂସ ସ୍ୱାମୀ । ସ୍ତ୍ରୀକୁ ହତ୍ୟା ପରେ ଖଣ୍ଡ ଖଣ୍ଡ କରି କାଟିଲା । ପ୍ରମାଣ ଲୁଚାଇବାକୁ ଶରୀରର କଟା ଖଣ୍ଡକୁ ପ୍ରେସର କୁକୁରରେ ସିଝାଇଲା । ଏଭଳି ଲୋମହର୍ଷଣକାରୀ ଘଟଣା ହାଇଦ୍ରାବାଦ ସହରରେ ଦେଖିବାକୁ ମିଳିଛି । ଜାତୀୟ ଗଣ ମାଧ୍ୟମ ରିପୋର୍ଟ ଅନୁସାରେ ୪୫ ବର୍ଶୀୟ ଗୁରୁ ମୂର୍ତ୍ତି ନାମକ ବ୍ୟକ୍ତି ନିଜ ୩୫ ବର୍ଷୀୟା ପତ୍ନୀ ଭେଙ୍କଟା ଙ୍କୁ ନିର୍ମମ ଭାବେ ହତ୍ୟା କରିଥିଲା । ପୋଲିସ ଜେରାବେଳେ ସବୁ କଥା ସ୍ୱୀକୀର କରିଛନ୍ତି ଗୁରୁମୂର୍ତ୍ତି । ଜାନୁଆରୀ ୧୬ ତାରିଖରୁ ମାତୀ ନିଖୋଜ ଥିଲେ । ତାଙ୍କ ପରିବାର ଲୋକ ଥାନାରେ ଅଭିଯୋଗ କରିଥିଲେ । ବହୁ ଖୋଜା ଖୋଜି କରିବା ପରେ ଭେଙ୍କଟା ମାଧବୀଙ୍କ ପତ୍ତା ନମିଳିବାରୁ ସ୍ୱାମୀ ଗୁରୁଙ୍କୁ ନେଇ ଜେରା କରିଥିଲା ହାଇଦ୍ରାବାଦ ପୋଲିସ । ଆଉ ପୋଲିସ ଜେରା ବେଳେ ସେ ନିଜ ଦୋଷ ସ୍ୱୀକାର କରିଛନ୍ତି । ଗୁରୁମୂର୍ତ୍ତି ଜଣେ ଅବସର ପ୍ରାପ୍ତ ସେନା କର୍ମଚାରୀ । ଭାରତୀୟ ସେନାରୁ ଅବସର ନେବା ପରେ ସେ ଡିହାଡିହ ସିକ୍ୱୁରିଟି ବାର୍ଡ ଭାବରେ କାମ କରୁଥିଲେ । ଦୁହିଁଙ୍କର ଦୁଇଟି ସନ୍ତାନ ମଧ୍ୟ ଅଛନ୍ତି । ଘରୋଇ କଳିକୁ ନେଇ ଏଭଳି ହତ୍ୟାକାଣ୍ଡ ଘଟିଥିବା ଜଣାପଡିଛି ।
