ନୂଆଦିଲ୍ଲୀ : ଅଭିନେତା ସୈଫ ଅଲ୍ଲୀ ଖାନଙ୍କୁ ଛୁରାମାଡ ଘଟଣାରେ ସନ୍ଦିଗ୍ଧ ଆକ୍ରମଣକାରୀକୁ ଗିରଫ କରିଛି ମୁମ୍ବାଇ ପୋଲିସର ସ୍ପେଶାଲ ଟିମ । ଗୁରୁବାର ରାତି ୨ଟା ୩୦ ରେ ଜଣେ ଚୋର ମୁମ୍ବାଇର ବାନ୍ଦ୍ରାରେ ସୈଫ ଅଲ୍ଲୀଙ୍କ ଘରେ ପଶି ଧାରୁଆ ଛୁରୀରେ ଅଭିନେତାଙ୍କ ଉପରେ ଆକ୍ରମଣ କରିଥିଲା । ଯେଉଁଥିରେ ଅଭିନେତା ଗୁରୁତର ଆହତ ହୋଇଛନ୍ତି ପରେ ତାଙ୍କୁ ଲୀଳାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା ଯେଉଁଠି ତାଙ୍କ ସର୍ଜରୀ ପରେ ବର୍ତ୍ତମାନ ସେ ସୁସ୍ଥ ଥିବା ନେଇ ସୂଚନା ରହିଛି । ସୈଫ୍ ଅଲ୍ଲୀ ଖାନଙ୍କ ଉପରେ ଆକ୍ରମଣ ପରେ, ମୁମ୍ବାଇ ପୋଲିସ ଏବଂ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବୀସ ସରକାରଙ୍କୁ ସମାଲୋଚନା କରାଯାଇଛି । ବିରୋଧୀ ଦଳଗୁଡ଼ିକ ମହାରାଷ୍ଟ୍ରର ଫଡନାଭିସ ସରକାର ଉପରେ ଆଇନ ଶୃଙ୍ଖଳା ପରିସ୍ଥିତି ଭଙ୍ଗ କରିବାର ଅଭିଯୋଗ ଆଣିଛନ୍ତି ।
