ଭୁବନେଶ୍ୱର: ବରଗଡ଼ରେ ବିଭତ୍ସ ହତ୍ୟା । ଜ୍ୱାଇଁକୁ ଛୁରାମାଡ କଲେ ଶ୍ୱଶୁର ଘର ଲୋକେ । ଏନେଇ ଥାନାରେ ଅଭିଯୋଗ ହୋଇଛି । ପଦ୍ମପୁର ଉପଖଣ୍ଡ ପାଇକମାଲ ଥାନା ପାଇକମାଲର ନରସିଂହ ପଡାରୁ ସାମ୍ନାକୁ ଆସିଛି ଏହି ଦୁଃଖଦ ଘଟଣା । ମୃତ ଯୁବକ ହେଲେ ଗୋବିନ୍ଦ ପ୍ରଧାନ । ସୂଚନା ଅନୁସରେ, ଗୋବିନ୍ଦ ନିଜ ଶାଶୁଘରକୁ ବୁଲିବାକୁ ଯାଇଥିଲେ ।
ଏହି ସମୟରେ ତାଙ୍କ ପତ୍ନୀ ଏବଂ ଶଶୁର ଘର ଲୋକେ ମିଶି ତାଙ୍କୁ ହତ୍ୟା କରିଥିବା କଥା ଗୋବିନ୍ଦଙ୍କ ବାପା ଅଭିଯୋଗ କରିଛନ୍ତି । ଗତକାଲି ଅର୍ଥାତ୍ ବୁଧବାର ରାତିରେ ତାଙ୍କୁ ଛୁରାମାଡ଼ ହେବା ପରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଛନ୍ତି । ତେବେ କେଉଁ ପରିସ୍ଥିତିରେ ଏବଂ କାହିଁକି ଏହି ଛୁରାମାଡ ଘଟିଲା ତାହା ଜଣାପଡି ନାହିଁ । ପାଇକମାଳା ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ।
