ଦାଦାର ଚାପୁଡ଼ା ମାଡ଼ରେ ଝିଆରୀ ମୃତ

ମୁମ୍ବାଇ: ମହାରାଷ୍ଟ୍ରର ଥାନେ ଜିଲ୍ଲାରେ ଘଟିଛି ଏକ ଅଭାବନୀୟ ଘଟଣା। ତିନି ବର୍ଷର ଝିଆରୀକୁ ଦାଦା ଏକ ଚାପୁଡ଼ା ମାରିବା ପରେ ଶିଶୁଟିର ମୃତ୍ୟୁ ହୋଇଛି । ଦାଦା ଚାପୁଡ଼ା ମାରିବା ପରେ ଝିଆରୀର ମୃତ୍ୟୁ ହେବାରୁ ଦାଦା ଭୟରେ ମୃତଦେହକୁ ଜାଳି ଦେଇଥିଲେ। ଶିଶୁ ହତ୍ୟା ଅଭିଯୋଗରେ ବ୍ୟକ୍ତି ଜଣଙ୍କୁ ଗିରଫ କରାଯାଇଛି। ଉଲହସନାଗରର ପ୍ରେମ ନଗରସ୍ଥିତ ତାଙ୍କ ଘର ନିକଟରୁ ଶିଶୁଟି ନିଖୋଜ ହୋଇ ଯାଇଥିଲା ଏବଂ ପରବର୍ତ୍ତୀ ସମୟରେ ଶିଶୁଟିର ମୃତଦେହ ମିଳିଥିଲା। ପଚରାଉଚରା ବେଳେ ଅଭିଯୁକ୍ତ ଦାଦା ଏହି ଅପରାଧ ସ୍ୱୀକାର କରିଛନ୍ତି କିନ୍ତୁ ସେ ଉଦ୍ଦେଶ୍ୟମୂଳକ ଭାବେ ତାଙ୍କୁ ହତ୍ୟା କରିନାହାଁନ୍ତି ବୋଲି କହିଥିଲେ। ସେ ଖାଲି ଏକ ଚାପୁଡ଼ା ମାରିଥିଲେ ଯାହାଫଳରେ ଝିଆରୀର ମୃତ୍ୟୁ ଘଟିଥିଲା। ଦାଦା କହିଛନ୍ତି ଯେ ସେ ତାଙ୍କ ସହ ଖେଳୁଥିଲେ। ଯେତେବେଳେ ସେ ମଜାରେ ତାଙ୍କୁ ଚାପୁଡ଼ା ମାରିଥିଲେ, ସେତେବେଳେ ସେ ରୋଷେଇ ଘରର ସ୍ଲାବରେ ପିଟିହୋଇ ମୃତ୍ୟୁ ବରଣ କରିଥିଲେ ବୋଲି ପୁଲିସ କହିଛି।ଏହା ପରେ ସେ ଭୟଭୀତ ହୋଇ ଝିଅର ଶରୀରକୁ ଜାଳି ନଷ୍ଟ କରିବାକୁ ଚେଷ୍ଟା କରିଥିଲେ। ତା’ପରେ ସେ ଶବକୁ ବୁଦା ଭିତରକୁ ଫିଙ୍ଗି ଦେଇଥିଲେ। ପୁଲିସ୍‌ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି।