ନନ୍ଦନକାନନ ଏକ୍ସପ୍ରେସକୁ ଗୁଳିମାଡ

ଭଦ୍ରକ: ଭଦ୍ରକ ଓ ବାଉଦପୁର ସେକ୍ସନ ମଝିରେ ଟ୍ରେନ ଉପରକୁ ଗୁଳିମାଡ ହୋଇଥିବା ନେଇ ସୂଚନା । ଚରମ୍ପାରୁ ଭୁବନେଶ୍ୱର ଆସୁଥିବା ସମୟରେ ଏଭଳି ଭୟାନକ ଘଟଣା ଘଟିଛି । ତେବେ ଟ୍ରେନ ଟି ପୁରୀରୁ ଆସି ପହଂଚି ଥିଲା ଆଉ ସେହି ସମୟରେ ଟ୍ରେନ ଉପରକୁ ୨ ରାଉଣ୍ଡ ଗୁଳିମାଡ ହୋଇଥିବା ଖବର ସାମ୍ନାକୁ ଆସିଛି । ଗୁଳିମାଡ଼ରେ ଗାର୍ଡ ଝରକା କାଚ ଭାଙ୍ଗିଛି । କିଏ ଗୁଳି କରିଛି ଅସ୍ପଷ୍ଟ , ଜିଆରପି ଓ ସ୍ଥାନୀୟ ପୋଲିସର ଛାନଭିନ। ସୂଚନା ମୁତାବକ ନନ୍ଦନକାନନ ଏକ୍ସପ୍ରେସ ଟ୍ରେନ ଟି ଭୁବନେଶ୍ୱର ଅଭିମୁଖେ ଆସୁଥିବା ବେଳେ ଏଭଳି ଭୟଙ୍କର ଘଟଣା ଘଟିଛି । ତେବେ କିଏ ଓ କାହିଁକି ଏମିତି ଗୁଳି କରିଛି ଏ ଯାଏଁ କିଛି ସୂଚନା ମିଳିପାରିନି । ପୋଲିସ ଏ ଦିଗକୁ ନେଇ ତନ ତନ କରି ଅଧିକ ଯାଞ୍ଚ କରୁଥିବାର ସୂଚନା ରହିଥିବା ବେଳେ କାହାର କିଛି କ୍ଷତି ଘଟିନଥିବାର ସୂଚନା ମିଳିଛି ।