ଛାତ ଉପରୁ ପଡ଼ି ୨୧ ବର୍ଷୀୟ ଯୁବକ ମୃତ

ସୁବର୍ଣ୍ଣପୁର: ବିନିକା ବ୍ଳକ ଶଙ୍କରା ଗ୍ରାମ ଦେହେରିଟିକିରାର ୨୧ ବର୍ଷୀୟ ଯୁବକ ବିଦ୍ୟାପତି ଭୁଏ ଗତକାଲି ବିଳମ୍ବିତ ରାତ୍ରିରେ ଛାତ ଉପରୁ ପଡ଼ି ଯାଇଥିବାର ସୂଚନା ମିଳିଛି । ପରିବାର ଲୋକେ ଏହା ଜାଣିବା ପରେ ତାଙ୍କୁ ଵିନିକା ଡାକ୍ତରଖାନାକୁ ଆମ୍ବୁଲାନ୍ସ ଯୋଗେ ଆଣିଥିଲେ। ଡାକ୍ତର ଭୁଏଙ୍କୁ ସେଠାରେ ମୃତ ବୋଲି ଘୋଷଣା କରିଥିଲେ। ବିନିକା ପୁଲିସ ଶବକୁ ଜବତ କରି ଘଟଣାର ଅଧିକ ତଦନ୍ତ କରୁଥିବାର ସୂଚନା ରହିଛି ।